Shamna Kasim | ഷംന ഷാനിദിനെ ആദ്യമായി കണ്ടനാൾ ഇത്; ഭർത്താവിനെ പരിചയപ്പെട്ട ദിവസത്തിന്റെ ഓർമപങ്കിട്ട് താരം

വീടിനുള്ളിൽ നിൽക്കുന്ന വേഷത്തിൽ കയ്യിൽ ഒരു പൂച്ചെണ്ടുമായി ഭർത്താവ് ഷാനിദിന് മുന്നിലേക്ക് സർപ്രൈസായി നടന്നു വരുന്ന ഷംന കാസിം (Shamna Kasim). ഷാനിദിന്റെ മുഖത്തെ അമ്പരപ്പ് മാറിയിട്ടില്ല. കാര്യം എന്തെന്ന് ആൾക്ക് പിടികിട്ടിയിട്ടില്ല എന്ന് മുഖം കണ്ടാൽ വ്യക്തം. ദുബായിയിലെ ബിസിനസുകാരനായ ഷാനിദ് തെന്നിന്ത്യൻ നടിയും നർത്തകിയുമായ ഷംനയെ കാണുന്നത് ചിത്രത്തിന്റെ ആദ്യ പകുതിയിൽ ദൃശ്യമാകുന്ന ഈ വേദിയിൽ വച്ചാണ്

എന്തായാലും ദിവസങ്ങൾ ഓർക്കുന്ന കാര്യത്തിൽ മിടുക്ക് കൂടുതൽ സ്ത്രീകൾക്കാണ് എന്ന കാര്യത്തിൽ ഷംന ഇവിടെ സ്കോർ ചെയ്തു. ഒരു ഹസ്തദാനമാണ് ആ പ്രണയത്തിന്റെ തുടക്കം. അവിടെ നിന്നും ഇവിടെവരെ ഷംനയുടെ പ്രിയപ്പെട്ട ഇക്കയായും, മകൻ ഹംദുവിന്റെ പിതാവായും മാറി ആ ബന്ധം വളർന്നു (തുടർന്ന് വായിക്കുക)

ഷംനയ്ക്ക് മാത്രമല്ല, മലയാള സിനിമയ്ക്കും പ്രിയപ്പെട്ട വ്യക്തിയാണ് ഷാനിദ് ആസിഫ് അലി. ഇത്രയധികം താരങ്ങൾക്ക് ഗോൾഡൻ വിസ നൽകാൻ ഷാനിദിന്റെ നേതൃത്വത്തിലെ കമ്പനിയാണ് മുന്നോട്ടുവന്നത്. ഇപ്പോഴും സിനിമാ താരങ്ങൾക്കും ക്രിക്കറ്റ് താരങ്ങൾക്കും ഗോൾഡൻ വിസ നൽകുന്നത് തുടരുകയാണ്

ഹംദാൻ എന്ന മകന് ഒരു മാസം പിന്നിട്ടിരിക്കുന്നു. അതിന്റെ ആഘോഷവും ചെറിയ രീതിയിൽ ഷംന നടത്തി

കഴിഞ്ഞ മാസം മകന്റെ ന്യൂബോൺ ഫോട്ടോഷൂട്ട് ഉണ്ടായിരുന്നു. കുഞ്ഞിന്റെ മുഖം പകർത്തുന്നതിൽ ഒരുപാട് പേർ എതിർത്തെങ്കിലും, താമസിക്കുന്ന ഫ്ലാറ്റിൽ വച്ച് കുഞ്ഞിന്റെ മുഖം പുറത്തുവിടാതെയായിരുന്നു ഷംന ഫോട്ടോഷൂട്ട് പൂർത്തിയാക്കിയത്

റെസ്റ്റോറന്റിൽ വാഴയിലയിൽ ഇഷ്‌ടഭക്ഷണം നുകരുന്ന ഷംന കാസിമും ഭർത്താവും