ഹംദു ക്യൂട്ട് ആണ്; ആദ്യമായി മകന്റെ മുഖം തെളിയുന്ന ചിത്രങ്ങൾ പോസ്റ്റ് ചെയ്ത് ഷംന കാസിം

മദേഴ്‌സ് ഡേയിൽ ആദ്യമായി മകന്റെ മുഖം വെളിപ്പെടുത്തി നടി ഷംന കാസിം (Shamna Kasim). ഇത്രയും നാൾ ഹംദാൻ എന്ന ഹംദുവിന്റെ മുഖം മറച്ചുപിടിച്ച ചിത്രങ്ങളാണ് ഷംന പോസ്റ്റ് ചെയ്തിരുന്നത്. കുഞ്ഞിന്റെ ഫോട്ടോഷൂട്ട് വീഡിയോയിലും മുഖം വെളിപ്പെട്ടിരുന്നില്ല. ഷംന, ഷാനിദ് ആസിഫ് അലി ദമ്പതികളുടെ കടിഞ്ഞൂൽ കണ്മണിയാണ് ഹംദാൻ

ദുബായിയിൽ വച്ചായിരുന്നു ഷംനയുടെ പ്രസവം. കാൽ നൂറ്റാണ്ടോളമായി ഇവിടെ ബിസിനസ് നടത്തുന്നയാളാണ് ഷാനിദ് ആസിഫ് അലി. മലയാള ചലച്ചിത്ര താരങ്ങൾക്കുൾപ്പെടെ ഗോൾഡൻ വിസ ഏർപ്പെടുത്തിക്കൊടുത്തതിൽ ഷാനിദിന്റെ മുൻകൈ ഉണ്ട് (തുടർന്ന് വായിക്കുക)

ഹംദാൻ എന്ന പേര് ഇംഗ്ളീഷിൽ കൊത്തിവച്ച ഉടുപ്പിട്ട കുഞ്ഞിനെ അച്ഛനും അമ്മയും ചേർത്ത് പിടിക്കുന്നു. ഇൻസ്റ്റഗ്രാമിൽ പോസ്റ്റ് ചെയ്ത ചിത്രത്തിന് ഏറെപ്പേർ അഭിനന്ദനവും ആശംസയും അറിയിച്ചിട്ടുണ്ട്. മൂന്നു പേരും വൈറ്റ് തീമിലെ വസ്ത്രങ്ങളാണ് അണിഞ്ഞത് 

പിറന്ന് അധികനാൾ ആകാത്ത കുഞ്ഞിന്റെ ചിത്രങ്ങൾ പുറത്തുവിടേണ്ട എന്ന തീരുമാനത്തിലായിരുന്നു ഷംനയുടെ കുടുംബം. എന്നാലും അമ്മയുടെ ആഗ്രഹപ്രകാരം വീട്ടിൽ ഒരുക്കിയ ഫോട്ടോഷൂട്ടിൽ കുഞ്ഞിന്റെ കുറച്ചു ചിത്രങ്ങൾ പകർത്തുകയായിരുന്നു

അടുത്തിടെ ഷാനിദ് ആസിഫ് അലിയെ ആദ്യമായി പരിചയപ്പെട്ട വേദിയിൽ നിന്നുള്ള നിമിഷം ഷംന പോസ്റ്റ് ചെയ്തിരുന്നു. കണ്ടുമുട്ടൽ വാർഷികത്തിൽ ഭർത്താവിന് പൂച്ചെണ്ടുമായി സർപ്രൈസ് കൊടുക്കുന്ന വീഡിയോയുമായി ഷംന ഇൻസ്റ്റഗ്രാമിലെത്തി

ഗർഭിണിയായിരുന്ന നാളുകളിലെ വിശേഷമെല്ലാം ഷംന സോഷ്യൽ മീഡിയയിലൂടെ പങ്കിട്ടുകൊണ്ടേയിരുന്നു. വളകാപ്പ് ചടങ്ങുകളും, കണ്ണൂർ സ്പെഷ്യൽ നിറവയർ ചടങ്ങുകളുമെല്ലാം അതിൽ ഉൾപ്പെടും

ഷംന കാസിമിന്റെ പ്രെഗ്നൻസി ഫോട്ടോഷൂട്ടിൽ നിന്നുള്ള ചിത്രങ്ങൾ