Shamna Kasim | പുണ്യമാസത്തിൽ ഷംന കാസിമിന് കുഞ്ഞ് പിറന്നു; ആദ്യത്തെ കൺമണിയെ വരവേറ്റ് നടിയും കുടുംബവും

പുണ്യമാസത്തിൽ നടി ഷംന കാസിം (Shamna Kasim) അമ്മയായി. താരത്തിന്റെ ആദ്യത്തെ കുഞ്ഞാണിത്. വിദേശത്തു വച്ചായിരുന്നു പ്രസവം. കഴിഞ്ഞ വർഷം ജൂൺ മാസത്തിലായിരുന്നു ഷംനയുടെ നിക്കാഹ്. ദുബായിയിലെ മലയാളി ബിസിനസുകാരൻ ഷാനിദ് ആസിഫ് അലിയാണ് ഷംനയുടെ ഭർത്താവ്. പ്രസവത്തിനായി ആശുപത്രിയിലായ വിവരം കഴിഞ്ഞ ദിവസം ഷംനയുടെ സുഹൃത്ത് പോസ്റ്റ് ചെയ്തിരുന്നു

2022 ഒക്ടോബർ മാസത്തിലാണ് ഷംന വിവാഹച്ചടങ്ങുകൾ നടത്തിയതിന്റെ വിവരം പുറത്തുവിട്ടത്. ഇതിനാൽ തന്നെ ഷംനയുടെ ഗർഭകാലത്തെ കുറിച്ച് ഏറെ ചർച്ചകളുണ്ടായി. എന്നാൽ വിശദീകരണവുമായി ഷംന തന്നെ രംഗത്തെത്തുകയും നിക്കാഹിന്റെ വിവരം വെളിപ്പെടുത്തുകയുമായിരുന്നു (തുടർന്നു വായിക്കുക)

ഷംന ഇനി പൊന്നോമനയായ മകന്റെ അമ്മയാണ്. അമ്മയും കുഞ്ഞും സുഖമായിരിക്കുന്നു എന്നാണ് ലഭിക്കുന്ന വിവരം

പ്രസവത്തിനു മുൻപ് ഒൻപതാം മാസത്തിൽ ഷംനയ്ക്കു ഇഷ്‌ടമുള്ള ഒൻപതു പലഹാരങ്ങൾ അമ്മയും സഹോദരിയും ചേർന്ന് തയാറാക്കി നൽകിയിരുന്നു. ഈ വേളയിൽ ഷംന ഒരു വീഡിയോ പോസ്റ്റ് ചെയ്തിരുന്നു

കണ്ണൂരിലെ സ്പെഷ്യൽ ചടങ്ങും ഷംനയുടെ പ്രസവത്തിനു മുൻപായി നടത്തിയിരുന്നു. ഇത് വീട്ടുകാരും ബന്ധുക്കളും ചേർന്നാണ് നടത്തിയത്

ഏഴാം മാസത്തിലെ വളകാപ്പ് ചടങ്ങും ആർഭാടമായി നടത്തിയിരുന്നു. ഇതിന്റെ ചിത്രങ്ങൾ എല്ലാം തന്നെ ഷംന ഇൻസ്റ്റഗ്രാമിൽ പോസ്റ്റ് ചെയ്തു

ഷംനയും ഭർത്താവും അവരുടെ വിവാഹ ചടങ്ങിന്റെ വേളയിൽ. ദുബായിൽ മലയാളി താരങ്ങൾക്ക് ഗോൾഡൻ വിസ നൽകിയ പരിപാടിയുടെ അമരക്കാരൻ കൂടിയായിരുന്നു ഇദ്ദേഹം