Sidharth Malhotra | വിവാഹവേദിയിൽ പൊട്ടിക്കരച്ചിൽ; സിദ്ധാർഥ് മൽഹോത്രയുടെ പിതാവിന് ദേഹാസ്വാസ്ഥ്യം, പാഞ്ഞെത്തി ഡോക്ടർമാർ

രാജകീയ സൗകര്യങ്ങൾ, ആർഭാടം എന്നിവ നിറഞ്ഞതായിരുന്നു നടൻ സിദ്ധാർഥ് മൽഹോത്രയുടെയും (Sidharth Malhotra) ഭാര്യ കിയാരാ അദ്വാനിയുടെയും (Kiara Advani) വിവാഹം. ഇന്ന് വൈകുന്നേരം വിവാഹം കഴിഞ്ഞതായി റിപ്പോർട്ടുകളുണ്ട്. പക്ഷേ വിവാഹ ചിത്രങ്ങൾ പുറത്തുവിടാൻ ഇവർ തയാറായിട്ടില്ല. വിവാഹവേദിയുടെ പുറത്തുനിന്നുള്ള ചിത്രങ്ങൾ ചിലരെങ്കിലും പകർത്തി പോസ്റ്റ് ചെയ്തിട്ടുണ്ട്

എന്നാൽ വിവാഹവേദിയിൽ പൊട്ടിക്കരച്ചിൽ ഉണ്ടായി എന്ന റിപ്പോർട്ടും പുറത്തുവരുന്നു. ഒരു വീൽ ചെയറിൽ ഇരുന്നാണ് സിദ്ധാർത്ഥിന്റെ പിതാവ് സുനിലിനെ എയർപോർട്ടിൽ കണ്ടത്. ഇദ്ദേഹത്തിന് വിവാഹത്തിന്റെ ഭാഗമായുള്ള സംഗീത് ചടങ്ങിൽ വച്ച് ദേഹാസ്വാസ്ഥ്യം ഉണ്ടാവുകയായിരുന്നു (തുടർന്ന് വായിക്കുക)

ആരോഗ്യസ്ഥിതി നിയന്ത്രണവിധേയമായതായി റിപ്പോർട്ടിൽ പറയുന്നു. സഹായത്തിനായി ഡോക്ടറെ വിളിച്ചു. സിദ്ധാർത്ഥിന്റെ അച്ഛനെ  മുറിയിലേക്ക് കൊണ്ടുപോയി

വിശ്രമത്തിന് ശേഷം സിദ്ധാർത്ഥിന്റെ പിതാവ് കുടുംബത്തിലെ മറ്റുള്ളവർക്കൊപ്പം ആഘോഷങ്ങൾ ആസ്വദിച്ചുവെന്നും റിപ്പോർട്ടിൽ പറയുന്നു. സംഗീത് ചടങ്ങ് രാത്രി പുലരും വരെ നീണ്ടു

2018 മുതൽ സിദ്ധാർഥും കിയാരയും പ്രണയ ബന്ധത്തിലാണെന്ന കിംവദന്തികൾ പ്രചരിക്കുന്നുണ്ട്. എന്നിരുന്നാലും, ഇരുവരും തങ്ങളുടെ ബന്ധത്തെക്കുറിച്ചുള്ള ചോദ്യങ്ങളിൽ നിന്ന് മാധ്യമങ്ങളുടെ മുന്നിൽ നിന്നും എപ്പോഴും ഒഴിഞ്ഞുമാറി

കരൺ ജോഹറിന്റെ 'കോഫി വിത്ത് കരൺ' എന്ന ഷോയിൽ സിദ്ധാർത്ഥ് വിവാഹിതനാകുകയാണെന്ന് സമ്മതിച്ചപ്പോൾ മുതൽ ഏവരും വധു ആരാണെന്ന് അറിയാനുള്ള കാത്തിരിപ്പിലായിരുന്നു