വരന് വെള്ളക്കുതിര, അതിഥികൾ ഫോൺ കൊണ്ടുപോകണമെങ്കിൽ പ്രത്യേകം ചിട്ടവട്ടം; സിദ്ധാർഥ് - കിയാരാ വിവാഹം ഇങ്ങനെ

ജയ്സൽമാരിലെ രാജകൊട്ടാരത്തിൽ ബോളിവുഡിന്റെ യുവ താരങ്ങളായ സിദ്ധാർഥ് മൽഹോത്രയും (Sidharth Malhotra) കിയാരാ അദ്വാനിയും (Kiara Advani) വിവാഹിതരാകും. വിവാഹത്തിനായുള്ള ഒരുക്കങ്ങളുടെ ചിത്രങ്ങൾ പുറത്തുവന്നു കഴിഞ്ഞു. അകത്തേക്ക് പ്രവേശനം ഇല്ലെങ്കിലും വിവാഹവേദിയുടെ പുറത്തു നിന്നുള്ളതും, സോഷ്യൽ മീഡിയയിൽ പ്രചരിക്കുന്നതുമായ വിവരങ്ങൾ വച്ചുള്ള റിപോർട്ടുകൾ ആണ് ഇപ്പോൾ പുറത്തുവരുന്നത്

അത്യാഡംബരം നിറഞ്ഞ ഒരുക്കങ്ങളാണ് നടന്നു വരുന്നതെന്ന് ചിത്രങ്ങൾ പറയും. വിവാഹത്തിന് വരൻ വരിക വെള്ളക്കുതിരപ്പുറത്തേറിയാണ്. ബോളിവുഡ് വിവാഹങ്ങൾക്ക് ഇത് പതിവാണെങ്കിലും, ഒരു വെള്ളക്കുതിരയെത്തന്നെ കൊണ്ടുവരിക എന്നത് അൽപ്പം സ്പെഷ്യൽ ആണ്. ഒപ്പം അതിനു ചേർന്ന ആഡംബരങ്ങളും ഉണ്ടാവും (തുടർന്ന് വായിക്കുക)

ജയ്സൽമാരിലെ സൂര്യഗാർ കൊട്ടാരമാണ് വിവാഹവേദി. ഇവിടെ ഹൈന്ദവ ആചാരങ്ങൾ പ്രകാരമാകും വിവാഹം. അതിനു ശേഷം റിസപ്ഷൻ ഉണ്ടാവും. ഹൽദി, സംഗീത് ചടങ്ങുകൾ തിങ്കളാഴ്ച കഴിഞ്ഞിരുന്നു

അതിഥികളിൽ ഒരാൾ ജൂഹി ചാവ്‌ലയാണ്. വിവാഹം നടക്കുന്ന സ്ഥലത്തെത്തി എന്ന് പറഞ്ഞുകൊണ്ട് ജൂഹി ഒരു ഇൻസ്റ്റഗ്രാം സ്റ്റോറി പോസ്റ്റ് ചെയ്തിരുന്നു

തുടക്കത്തിൽ ഫോൺ അനുവദനീയമല്ല എന്ന് റിപ്പോർട്ട് വന്നിരുന്നെങ്കിലും, വിവാഹവേദിയിൽ എത്തുമ്പോൾ അതിഥികൾക്ക് സ്പെഷ്യൽ ഫോൺ കവറുകൾ നൽകും. ഫോൺ ക്യാമറ കവർ ചെയ്യാനാണിത്

കരൺ ജോഹറും ഷാഹിദ് കപൂറും തിങ്കളാഴ്ച സിദ്ധാർത്ഥ് മൽഹോത്രയുടെ സംഗീത് ചടങ്ങിൽ കാലാ ചഷ്മ എന്ന ഗാനം അവതരിപ്പിച്ചു. താനും ഷാഹിദും 'ഡോലാ റേ ഡോലയിൽ' നൃത്തം ചെയ്യുമെന്ന് കരൺ നേരത്തെ പറഞ്ഞിരുന്നു