'താർ മരുഭൂമിയിലേക്കുള്ള കവാടം'; ഒരു ദിവസത്തേക്ക് 1.1 ലക്ഷം രൂപ വാടക; സിദ്ധാർത്ഥ്-കിയാര വിവാഹം നടക്കുന്നത് ഇവിടെ

ബോളിവുഡിൽ വീണ്ടുമൊരു താരവിവാഹത്തിനുള്ള ഒരുക്കങ്ങൾ നടക്കുകയാണ്. ഏറെ നാളായുള്ള പ്രണയത്തിനൊടുവിൽ ജീവതത്തിന്റെ അടുത്ത ഘട്ടത്തിലേക്ക് പ്രവേശിക്കാനൊരുങ്ങുകയാണ് സിദ്ധാർത്ഥ് മൽഹോത്രയും കിയാര അദ്വാനിയും.

ഫെബ്രുവരി 4 മുതൽ 6 വരെ രാജസ്ഥാനിലെ ജയ്സാൽമേറിലുള്ള സൂര്യഘട്ട് പാലസിൽ വെച്ചാണ് അത്യാർഭാഢപൂർണമായ വിവാഹം എന്നാണ് റിപ്പോർട്ടുകൾ. വിവാഹ വേദിയെ കുറിച്ചോ തീയ്യതിയെ കുറിച്ചോ താരങ്ങളോ അവരുടെ അടുത്ത വൃത്തങ്ങളോ ഔദ്യോഗികമായി സ്ഥിരീകരിച്ചിട്ടില്ലെങ്കിലും പാപ്പരാസികൾ എല്ലാം കണ്ടെത്തിക്കഴിഞ്ഞു.

ജയ്സാൽമേറിലെ മനോഹരമായ പാലസാണ് സൂര്യഘട്ട്. താർ മരുഭൂമിയുടെ കവാടം എന്നാണ് ഈ പാലസിനെ വിശേഷിപ്പിക്കുന്നത്. ഇവിടെ വെച്ചാണ് ബന്ധുക്കളുടേയും സുഹൃത്തുക്കളുടേയും സാന്നിധ്യത്തിൽ കിയാര-സിദ്ധാർത്ഥ് വിവാഹം നടക്കുക. 

ബോളിവുഡ് ഹംഗാമ റിപ്പോർട്ട് അനുസരിച്ച് സ്യൂട്ട്സുകളും ഹവേലികളുമെല്ലാം ഉൾപ്പെടുന്ന താർ മരുഭൂമിക്ക് സമീപം ഏക്കർ കണക്കിന് സ്ഥലത്ത് വ്യാപിച്ചു കിടക്കുന്നതാണ് സൂര്യഘട്ട് പാലസ്. (image: instagram)

ഇവിടെയുള്ള ഏറ്റവും വില കുറഞ്ഞ മുറിയിൽ ഒരു രാത്രി കഴിയാൻ 20,000 രൂപയാണത്രേ കുറഞ്ഞ ചാർജ്. ഹവേലികളും സ്യൂട്ടുകളാണ് താമസിക്കാൻ തിരഞ്ഞെടുക്കുന്നതെങ്കിൽ കുറഞ്ഞത് 1,10,500 രൂപ ഒരു ദിവസത്തിന് നൽകേണ്ടി വരുമെന്ന് ബോളിവുഡ് ഹംഗാമ റിപ്പോർട്ടിൽ പറയുന്നു. (Image:instagram)

ജയ്സാൽമേർ എയർപോട്ടിൽ നിന്നും 28 കിലോമീറ്റർ അകലെയാണ് പാലസ്. രാജകീയ പ്രൗഢിയിൽ തലയുയർത്തി നിൽക്കുന്ന പാലസ് 17ാം നൂറ്റാണ്ടിലേക്ക് അതിഥികളേയും കൊണ്ടുപോകും.

വിവാഹത്തിന് എത്തുന്ന അതിഥികൾക്ക് ഡെസർട്ട് സഫാരിയും പ്രത്യേക സ്പായും കിയാരയും സിദ്ധാർത്ഥും ഒരുക്കുന്നുണ്ട്. ജയ്സാൽമേറിലെ പഴയകാല ഹവേലിയാണ് ഫൈവ് സ്റ്റാർ ഹോട്ടലാക്കി മാറ്റിയത്.

ഫെബ്രുവരി 4, 5 തീയ്യതികളിൽ സംഗീത്, ഹൽദി ചടങ്ങുകൾ നടക്കും. ഫെബ്രുവരി 6 നാണ് വിവാഹ ചടങ്ങുകൾ. പരമ്പരാഗത ഹിന്ദു ആചാരപ്രകാരമായിരിക്കും വിവാഹം.

100 മുതൽ 150 അതിഥികൾക്കാണ് മൂന്ന് ദിവസം നീണ്ടു നിൽക്കുന്ന വിവാഹ ആഘോഷത്തിലേക്ക് ക്ഷണമെന്ന് വിവിധ മാധ്യമങ്ങൾ റിപ്പോർട്ട് ചെയ്യുന്നു.

കരൺ ജോഹർ, ഷാഹിദ് കപൂർ, ഭാര്യ മിര രജ്പുത് തുടങ്ങിയവരെല്ലാം വിവാഹത്തിന് എത്തുമെന്നാണ് റിപ്പോർട്ട്.