മലയാളത്തിന്റെ പ്രിയ നടനാണ്, പക്ഷെ ഉറക്കം തുറസായ സ്ഥലത്തെ ബെഞ്ചിൽ

ഷൂട്ടിങ് കഴിഞ്ഞാൽ കാരവാനിൽ എന്നൊരു കാഴ്ചപ്പാടുന്നുണ്ട് മലയാള സിനിമയിൽ. മുൻപൊക്കെ മരത്തണലിൽ ചിലവിട്ടിരുന്ന സൗഹാർദങ്ങൾ ശീതികരിച്ച ആഡംബര വാനുകളിൽ ഒതുങ്ങി എന്ന് അതുപോലെ തന്നെ ആക്ഷേപവുമുണ്ട്. ഇവിടെ ഒരാൾ മരത്തണലിൽ ഉറങ്ങുന്നത് കണ്ടില്ലേ? ഇത് ലൊക്കേഷൻ കാഴ്ചയല്ല. ജീവിതത്തിൽ നിന്നും അടർത്തിയെടുത്ത ഏടാണ്

ആഡംബരം താങ്ങാൻപറ്റാത്തതുകൊണ്ടുള്ള കിടപ്പല്ല ഇത്. വേണമെങ്കിൽ, ഏറ്റവും മുന്തിയ സ്ഥലങ്ങളിൽ മികച്ച താമസം തരപ്പെടുത്താമെന്നിരിക്കെയാണ് മലയാളികളുടെ ഈ പ്രിയ നടന്റെ കിടപ്പ്. ഈ യാത്രയിലുടനീളം ഈ ലാളിത്യമാണ് ഇദ്ദേഹത്തിന്റെ മുഖമുദ്ര (തുടർന്ന് വായിക്കുക)

സ്‌പെയിൻ എന്ന നയനമനോഹര രാജ്യത്തെ ആസ്വദിച്ചു കാണുകയാണ് ഇദ്ദേഹം. വിദേശ യാത്ര പോലും തീർത്തും മിനിമൽ ആയി നടത്തുന്ന നടൻ പലപ്പോഴും ലാളിത്യത്തിന്റെ പേരിൽ തന്നെ വാർത്തകളിൽ ഇടം നേടിയിട്ടുണ്ട്. അതിനി ഷൂട്ടിങ്ങിലായാലും അല്ലെങ്കിലും അദ്ദേഹം അങ്ങനെയാണ്

താരപുത്രൻ എന്ന ലേബലിൽ നിന്നും പ്രണവ് മോഹൻലാൽ (Pranav Mohanlal) എന്ന ഐഡന്റിറ്റിയിലേക്ക് ഇദ്ദേഹം എത്തിയത് തന്നെ അഭിനയത്തെക്കാളേറെ അദ്ദേഹത്തിന്റെ ജീവിത ശൈലിയുടെ പ്രത്യേകതകളിലൂടെയാണ്. സ്‌പെയിനിലെ വിവിധ സ്ഥലങ്ങൾ സന്ദർശിക്കുന്ന തിരക്കിലായ പ്രണവ് ഇപ്പോൾ അവിടുത്തെ ദൃശ്യമനോഹാരിത നിറഞ്ഞ ഒരു സ്ഥലത്തെ കാഴ്ചയാണ് ഇൻസ്റ്റഗ്രാമിൽ പോസ്റ്റ് ചെയ്തിട്ടുള്ളത്

പ്രണവിന്റെ യാത്രയുടെ മറ്റൊരു പ്രത്യേകതയാണ് ഈ വാഹനം. അവശ്യവസ്തുക്കൾ നിറച്ച ഈ വാഹനത്തിലാണ് പ്രണവിന്റെ സഞ്ചാരം

വിനീത് ശ്രീനിവാസൻ സംവിധാനം ചെയ്ത 'ഹൃദയം' സിനിമയാണ് പ്രണയവിന്റെ ഏറ്റവും പുതിയ ചിത്രം. അടുത്തതായി, ഹൃദയം നിർമാതാവ് വിശാഖ് സുബ്രഹ്മണ്യത്തിന്റെ സിനിമയിലാവും പ്രണവ് വേഷമിടുക എന്ന സൂചനയുണ്ട്