Sindhu Krishna| അമ്മായിയമ്മപ്പോരിന് പറ്റിയ ആളായിരുന്നു; കൃഷ്ണകുമാറിന്റെ വീട്ടിലേക്ക് വിവാഹംചെയ്തതിനെക്കുറിച്ച് സിന്ധു കൃഷ്ണ

പ്രണയത്തിലൂടെ ജീവിതത്തിൽ ഒന്നിച്ച താരദമ്പതികളിൽ രണ്ടുപേരാണ് നടൻ കൃഷ്ണകുമാറും (Krishnakumar) ഭാര്യ സിന്ധുവും (Sindhu Krishna). 1994ലായിരുന്നു ഇവരുടെ വിവാഹം. ദൂരദർശൻ ന്യൂസ് റീഡർ എന്ന നിലയിൽ തുടങ്ങിയാണ് കൃഷ്ണകുമാറിനെ പലർക്കും പരിചയം. ജീവിതപ്രതിസന്ധിയിൽ താൻ ഓട്ടോ ഓടിക്കാൻ വരെ പോയിരുന്നു എന്നൊരിക്കൽ കൃഷ്ണകുമാർ പറയുകയുണ്ടായി

കൃഷ്ണകുമാറിന്റെ വീട്ടിൽ രണ്ടാണ്മക്കളാണ്. അച്ഛനും അമ്മയ്ക്കും ഏറെ വൈകി ഉണ്ടായ കുട്ടിയാണ് താനെന്ന് കൃഷ്ണകുമാർ ഒരിക്കൽ പറഞ്ഞിട്ടുണ്ട്. ഗോപാലകൃഷ്ണൻ നായർ, രത്നമ്മ ദമ്പതികളുടെ ഇളയമകനാണ് കൃഷ്ണകുമാർ. ഇവിടേയ്ക്ക് മരുമകളായി എത്തിയതിനെ കുറിച്ച് സിന്ധു കഴിഞ്ഞ ദിവസം ഇൻസ്റ്റഗ്രാം ചോദ്യോത്തരവേളയിൽ പങ്കിടുകയുണ്ടായി (തുടർന്ന് വായിക്കുക)

സിന്ധു വീട്ടിലെ മൂത്ത മകളാണ്. ഒരു അനുജത്തിയുമുണ്ട്. വിദേശത്തുൾപ്പെടെ വളർന്നയാളാണ് സിന്ധു കൃഷ്ണ. കൃഷ്ണകുമാറിന്റെ വീട്ടിൽ മരുമകളായി എത്തിയ സിന്ധുവിനെ സ്വീകരിച്ചത് തന്റെ മുത്തച്ഛനും മുത്തശ്ശിയുമോളം പ്രായമുള്ള ഭർതൃ മാതാപിതാക്കളായിരുന്നു 

തന്റെ അപ്പൂപ്പനും അമ്മൂമ്മയും തന്നോട് എങ്ങനെയായിരുന്നുവോ, അതേ വാത്സല്യത്തോടെയാണ് കിച്ചുവിന്റെ അച്ഛനും അമ്മയും പെരുമാറിയത് എന്ന് സിന്ധു. വളരെ നല്ല ആൾക്കാരായിരുന്നു അവർ. 'സ്വീറ്റ്' എന്നാണ് സിന്ധു അവരെ വിശേഷിപ്പിച്ചത്

എപ്പോഴും തന്നെയൊരു കുഞ്ഞിനെപ്പോലെ അവർ പരിഗണിച്ചിരുന്നു. അതുകൊണ്ട് സാധാരണഗതിയിലെ അമ്മായിയമ്മ, അമ്മായിയച്ഛൻ എന്നിവരെ നേരിടേണ്ട സാഹചര്യം ഉണ്ടായിട്ടില്ല

അമ്മായിയമ്മപ്പോര് എന്നൊരു കാര്യം ജീവിതത്തിൽ തരണം ചെയ്യേണ്ടതായി വന്നിട്ടില്ല. അതേസമയം തന്നെ താനൊരു അമ്മായിയമ്മ പോരിന് പറ്റിയ ആളായിരുന്നു എന്ന് സിന്ധു കൃഷ്ണ. അൽപ്പം സ്മാർട്ട് ആയിരുന്നു

ഇങ്ങോട്ടു തല്ലുകൂടാൻ വരുന്ന അമ്മായിയമ്മയെ ആണ് കിട്ടിയിരുന്നതെങ്കിൽ അവർക്ക് എട്ടിന്റെ പണി കൊടുക്കാൻ മുതിർന്നേനെ എന്ന കാര്യവും സിന്ധു ഓർമപ്പെടുത്തുന്നു

കൃഷ്ണകുമാറിനും സിന്ധുവിനും നാല് പെൺകുട്ടികളാണുള്ളത്. അഹാന, ഇഷാനി, ഹൻസിക എന്നിവർ അഭിനേതാക്കളും രണ്ടാമത്തെ മകൾ ദിയ സംരംഭകയുമാണ്. നാല് പേരും സോഷ്യൽ മീഡിയ ഇൻഫ്ലുവെൻസർമാരായി സജീവമാണ്