ഇനി സ്കൂൾ യൂണിഫോമിന് ഇസ്തിരിയിടേണ്ട; സിന്ധു കൃഷ്ണയുടെ വീട്ടിലെ അവസാന വിദ്യാർത്ഥിനിയുടെയും സ്കൂൾ പഠനം കഴിഞ്ഞ നിമിഷം

മിടുക്കികളായ നാല് പെണ്മക്കളുടെ അമ്മയാണ് സിന്ധു കൃഷ്ണകുമാർ (Sindhu Krishnakumar). മൂത്ത മകൾ അഹാനയാണ് ആദ്യമായി സിനിമാ ലോകത്തു പ്രവേശിച്ചത്. മൂത്തവർ മൂന്നു പേരും ഉപരിപഠനം കഴിഞ്ഞ് അവരുടെ പാതയും തൊഴിലും തിരഞ്ഞെടുത്തു കഴിഞ്ഞു. അഹാന അഭിനയമാണെങ്കിൽ, തൊട്ടുതാഴെയുള്ള ദിയ ബിസിനസിലേക്ക് തിരിഞ്ഞു, മൂന്നാമത്തെയാൾ ഇഷാനിയും സിനിമയിലെത്തി. ഇളയയാളാണ് ഹൻസിക

ഹൻസു എന്ന് വിളിപ്പേരുള്ള ഹൻസികയുടെ സ്കൂൾ ജീവിതം പൂർത്തിയായിരുന്നു. വീട്ടിലെ ഏക സ്കൂൾ വിദ്യാർത്ഥിനിയും പഠനം പൂർത്തിയാക്കിയ വികാരനിർഭരമായ വേളയിലാണ് സിന്ധു. കഴിഞ്ഞ ദിവസം ഹൻസികയുടെ ബോർഡ് എക്സാം കഴിഞ്ഞിരുന്നു (തുടർന്ന് വായിക്കുക)

ഹൻസിക സ്കൂളിൽ കൂട്ടുകാരുമൊത്തുള്ള രസകരമായ നിമിഷങ്ങൾ ഫോണിൽ പകർത്തുന്നതിന്റെ തിരക്കിലായിരുന്നു. തിരുവനന്തപുരം ഹോളി ഏഞ്ചൽസ് സ്കൂൾ വിദ്യാർത്ഥിനികളാണ് അഹാനയും അനുജത്തിമാരും

എന്നാൽ അമ്മ സിന്ധു ആദ്യം പോസ്റ്റ് ചെയ്തത് ഹൃദയത്തിൽ തൊട്ടുമാത്രം കടന്നു പോകുന്ന ഒരു വീഡിയോയാണ്. ഇളയ പുത്രിയുടെ സ്കൂൾ യൂണിഫോമിലൂടെ ഒരിക്കൽക്കൂടി ഇസ്തിരിപ്പെട്ടി ചൂടാക്കി വടിവൊത്തതാക്കി. ഇനി ഈ യൂണിഫോം ഇസ്തിരിയിടേണ്ടല്ലോ എന്ന നെടുവീർപ്പും

സിന്ധുവിന്റെ ഇൻസ്റ്റഗ്രാം സ്റ്റോറിയിൽ പിന്നെ നിരനിരയായി ഹൻസുവിന്റെ സ്കൂൾ ഓർമ്മകളെത്തി. കുട്ടിക്കുപ്പായക്കാരി വളർന്നു വലുതായി കോളേജ് വിദ്യാർത്ഥിനിയിലേക്കുള്ള യാത്ര വരെയുള്ള തിരഞ്ഞെടുത്ത ചിത്രങ്ങൾ സിന്ധു പോസ്റ്റ് ചെയ്തു

'ലൂക്ക' സിനിമയിൽ അഹാനയുടെ കുട്ടിക്കാലം അഭിനയിച്ചത് ഹൻസികയായിരുന്നു. ബാലതാരമായി ഹൻസിക സിനിമാ പ്രവേശം നടത്തിക്കഴിഞ്ഞു

കൃഷ്ണകുമാർ മക്കളായ അഹാന, ദിയ, ഇഷാനി, ഹൻസിക എന്നിവർക്കൊപ്പം