Sindhu Krishnakumar | ഇത് ഞങ്ങളുടെ വിവാഹചിത്രമല്ല; വർഷങ്ങൾക്ക് മുൻപുള്ള ഫോട്ടോയുടെ രഹസ്യം വെളിപ്പെടുത്തി സിന്ധു കൃഷ്ണ

കുറച്ചു ദിവസങ്ങൾക്കു മുൻപാണ് നടൻ കൃഷ്ണകുമാറും (Krishnakumar) ഭാര്യ സിന്ധുവും (Sindhu Krishnakumar) നീണ്ട 27 വർഷത്തെ ദാമ്പത്യ ജീവിതം ആഘോഷിച്ചത്. പ്രണയിച്ചു വിവാഹിതരായ ഇവർ അഭിനേതാക്കളായ നാല് പെണ്മക്കളുടെ അച്ഛനമ്മമാരാണ്. അമ്മയുടെയും അച്ഛന്റെയും വിവാഹവാർഷിക ദിനത്തിന് മക്കളും സോഷ്യൽ മീഡിയയിലൂടെ ആശംസ അറിയിച്ചിരുന്നു. ഇക്കുറി വിവാഹാഘോഷങ്ങൾ എങ്ങനെയുണ്ടായിരുന്നു എന്ന് ഇൻസ്റ്റഗ്രാം സ്റ്റോറിയിൽ ഒരാൾ ചോദിച്ചതിന് സിന്ധു മറുപടി നൽകി 

വീട്ടുജോലികളുടെ തിരക്കിലായിരുന്നു സിന്ധു. കിച്ചു (കൃഷ്ണകുമാർ) ഡൽഹിയിലായിരുന്നു. ഏറ്റവും ഇളയമകൾ ഹൻസികയ്ക്ക് സുഖമില്ലാത്തതിനാൽ പോകാൻ കഴിഞ്ഞില്ല എന്ന് സിന്ധു. ഒപ്പം വിവാഹചിത്രം എന്ന നിലയിൽ പ്രചരിക്കുന്ന ഫോട്ടോയുടെ സത്യാവസ്ഥയും സിന്ധു രേഖപ്പെടുത്തി (തുടർന്നു വായിക്കുക)

വിവാഹചിത്രങ്ങൾ ഉൾപ്പെടെ ചേർത്തായിരുന്നു കൃഷ്ണകുമാറിന്റെ പോസ്റ്റ്. എന്നാലും ആദ്യചത്രത്തിന്റെ ആദ്യ പകുതിയിൽ കണ്ട ഫോട്ടോ എങ്ങും ഇല്ലായിരുന്നു. അത് വിവാഹത്തിന്റേതല്ല എന്നതാണ് കാരണം. ആ ചിത്രം ഉണ്ടായതിനു പിന്നിലെ കഥയും സിന്ധു പറഞ്ഞു

ഈ ഫോട്ടോയിൽ ഒരു ജൂവലറി പരസ്യത്തിന്റെ മോഡലുകൾ മാത്രമാണ് സിന്ധുവും കൃഷ്ണകുമാറും

പ്രണയവിവാഹത്തിന്റെ എക്സൈറ്റ്മെന്റ് മുഴുവനും സിന്ധുവിനായിരുന്നു എന്നും തനിക്കതൊരു സാധാരണ ദിവസം പോലെ മാത്രമേ തോന്നിയിരുന്നുള്ളൂ എന്നും കൃഷ്ണകുമാർ വിവാഹവാർഷിക പോസ്റ്റിൽ പറഞ്ഞിരുന്നു

അഹാന, ദിയ, ഇഷാനി, ഹൻസിക എന്നിവരാണ് ഇവരുടെ മക്കൾ