പാട്ടുകാരിയാവുമെന്ന് അന്നേ തെളിയിച്ചതാ! പഴയകാല കളർചിത്രങ്ങളിലെ സുന്ദരിയെ അറിയുമോ?

ബ്ലാക്ക് ആൻഡ് വൈറ്റ് കാലത്തെ ചിത്രങ്ങളുമായി പ്രേക്ഷകരുടെ പ്രിയ താരങ്ങളും സെലിബ്രിറ്റികളും സോഷ്യൽ മീഡിയയിൽ സ്ഥിരം എത്താറുണ്ട്. എന്നാൽ ഇപ്പോൾ ഒരാൾ വന്നിട്ടുള്ളത് ചില കളറ് പടങ്ങളുമായാണ്. നിറം അൽപ്പം മങ്ങിയെങ്കിലും ഓർമ്മകൾക്ക് ഒട്ടും മങ്ങലേറ്റിട്ടില്ല

ഫ്രോക്ക് ധരിച്ചും, പാവാടയും ബ്ലൗസും അണിഞ്ഞും, ശകുന്തളയായി വേഷമിട്ടും, സ്കൂൾ യൂണിഫോമിട്ടും നിൽക്കുന്ന കുട്ടിയുടെ മൂന്നു ചിത്രങ്ങളിലും മുന്നിൽ മൈക്കുണ്ട്. മുതിർന്നപ്പോഴും ആ കുട്ടിക്ക് മുന്നിൽ മൈക്കിന്റെ വാതിലുകൾ തന്നെ തുറന്നു. മലയാളികളുടെ പ്രിയ ഗായികയാണ് ഈ ചിത്രങ്ങളിലെ കുട്ടി (തുടർന്ന് വായിക്കുക)

ആദ്യം "കൃഷ്ണകുമാറിന്റെയും സാലിയുടെയും മകൾ" പിന്നെയെ ഉള്ളൂ സിതാര! എന്നാണ് സിതാര ഫോട്ടോകൾക്ക് ക്യാപ്‌ഷൻ നൽകിയിട്ടുള്ളത്. ഇന്ന് സിതാരയുടെ മകൾ സായുവും അൽപ്പം പാട്ടൊക്കെ പാടി സോഷ്യൽ മീഡിയയിൽ എത്തിയിട്ടുണ്ട്

റിയാലിറ്റി ഷോയിലൂടെ ചലച്ചിത്ര പിന്നണിഗാന രംഗത്തെത്തിയ സിതാര 'തിരുവാവണി രാവ്' എന്ന പാട്ടിലൂടെയാണ് ശ്രദ്ധേയയായത്. പിന്നീട് ഏതാനും റിയാലിറ്റി ഷോകളിൽ സിതാര തന്നെ ജഡ്ജ് ആയും എത്തിച്ചേർന്നു

സിതാര കൃഷ്ണകുമാർ (ചിത്രം: ഇൻസ്റ്റഗ്രാം)

സിതാര കൃഷ്ണകുമാർ (ചിത്രം: ഇൻസ്റ്റഗ്രാം)