Wedding pic | ഈ വിവാഹചിത്രത്തിൽ ഒരാൾ സിലിക്കൺ പ്രതിമ; ആയുർവേദ ഡോക്‌ടറുടെ വിവാഹ ചിത്രത്തിന് പിന്നിൽ

ഈ ചിത്രത്തിൽ കാണുന്നവരിൽ ഒരാൾ സിലിക്കൺ പ്രതിമയാണെന്ന് (silicone statue) നിങ്ങൾക്ക് മനസ്സിലായോ? അല്ലെങ്കിൽ, സ്വന്തം കണ്ണുകളെ വിശ്വസിക്കാൻ കഴിയുന്നുണ്ടോ? കോവിഡ് ബാധിച്ച് പിതാവിനെ നഷ്ടപ്പെട്ട ഒരു യുവ ആയുർവേദ ഡോക്ടർ മൈസൂർ ജില്ലയിലെ നഞ്ചൻഗുഡ് പട്ടണത്തിൽ നടന്ന തന്റെ വിവാഹ ചടങ്ങിൽ പിതാവിന്റെ ജീവൻതുളുമ്പുന്ന സാന്നിധ്യം നിറച്ചത് ശ്രദ്ധ നേടുകയാണ്

തന്റെ വിവാഹത്തിൽ പങ്കെടുക്കാനുള്ള പരേതനായ പിതാവിന്റെ ആഗ്രഹം നിറവേറ്റുന്നതിനായി പിതാവിന്റെ ഒരു സിലിക്കൺ പ്രതിമ മകൻ രൂപകൽപ്പന ചെയ്തെടുപ്പിച്ചു. വിവാഹ ചടങ്ങുകളുടെ വീഡിയോയും ചിത്രങ്ങളും സോഷ്യൽ മീഡിയയിൽ വൈറലായിരിക്കുകയാണ് (തുടർന്ന് വായിക്കുക)

ആയുർവേദ ഡോക്ടറായ യതീഷിന്റെ പിതാവ് എം.എച്ച്. രമേഷ് 2020ൽ കോവിഡ് ബാധിച്ച് മരിച്ചു. രമേശിന് ഭാര്യയും രണ്ട് ആൺമക്കളും ഉണ്ട്. ഇഴയടുപ്പമേറിയ കുടുംബമായതിനാൽ ആ വിയോഗം അവരെ വളരെയേറെ ബാധിച്ചു

എല്ലാ വിവാഹ ചടങ്ങുകളും പിതാവിന്റെ സിലിക്കൺ പ്രതിമയ്ക്ക് മുന്നിൽ വച്ചുതന്നെ നടത്തി. യുവ ഡോക്ടറുടെ കുടുംബത്തിന്റെ ഈ പ്രവർത്തി ഏറെ പ്രശംസ പിടിച്ചുപറ്റിക്കഴിഞ്ഞു

'എന്റെ വിവാഹ സമയത്ത് ഞങ്ങൾക്ക് ഇത് ചെയ്യണം എന്ന് ആഗ്രഹമുണ്ടായിരുന്നു. എന്നിരുന്നാലും, കോവിഡ് കാരണം അത് കഴിഞ്ഞില്ല, ഇത്തവണ, എന്റെ അനുജന്റെ വിവാഹ സമയത്ത്, ഞങ്ങൾ പ്രതിമ ഉണ്ടാക്കി,' രമേശിന്റെ മൂത്തമകൻ പവൻ പറഞ്ഞു

തന്റെ പിതാവിന്റെ സിലിക്കൺ പ്രതിമ നിർമ്മിക്കാൻ ഏകദേശം 1.6 വർഷമെടുത്തുവെന്ന് യതീഷ് വിശദീകരിച്ചു