Mammotty | മമ്മൂട്ടിയുടെ 'അമേരിക്ക അമേരിക്ക' ചിത്രീകരിച്ച വീട്ടിലെ മലയാളികളെ പരിചയമുണ്ടോ? ദുൽഖറിനൊപ്പം അവരുടെ മകൻ

പൂർണമായും അമേരിക്കയിൽ ചിത്രീകരിച്ച സിനിമ എന്ന പേരിൽ 1983ൽ തിയേറ്ററിലിറങ്ങിയ മലയാള ചിത്രമാണ് 'അമേരിക്ക അമേരിക്ക' (America America). സംവിധായകൻ ഐ.വി. ശശി. സീമ ഉൾപ്പെടെയുള്ളവർ പ്രധാന കഥാപാത്രങ്ങൾ. ആ സിനിമയിൽ അഭിനയിക്കുമ്പോൾ താരപദവിയോ സൂപ്പർ താരപദവിയോ മമ്മൂട്ടിയെ (Mammootty) തേടിയെത്തിയിരുന്നില്ല.  അമേരിക്കയിലെ ചിത്രീകരണ ലൊക്കേഷനുകളിൽ ഒന്നിലെ താമസക്കാർ മലയാളികളായിരുന്നു. അവരെ മലയാളികൾക്ക് പരിചയമുണ്ട്

വളരെ വർഷങ്ങൾക്ക് ശേഷം ആ വീട്ടിലെ ഗൃഹനാഥന്റെയും ഗൃഹനാഥയുടെയും മകൻ അന്നത്തെ ആ യുവ നടന്റെ മകനായ ദുൽഖറിനെ കണ്ടുമുട്ടി. നിത മുകേഷ് അംബാനി കൾച്ചറൽ സെന്ററിന്റെ ലോഞ്ച് നടക്കുന്ന വേളയിലായിരുന്നു ഈ അപൂർവ കണ്ടുമുട്ടൽ. ഈ വേളയിൽ ആ മകൻ അന്നത്തെ ഫ്ലാഷ്ബാക്ക് കഥ പറയുകയാണ് (തുടർന്നു വായിക്കുക)

മൻഹാട്ടനിലെ ഇവരുടെ വസതിയായിരുന്നു ലൊക്കേഷനുകളിൽ ഒന്ന്. സിനിമയിൽ അവരുടെ വെള്ളക്കാരനായ കാവൽക്കാരനും ഒരു റോൾ ഉണ്ടായിരുന്നു. ഹീറോ പ്രതാപ് പോത്തന്റെ പ്രണയിനിയുടെ പിതാവിന്റെ വേഷമായിരുന്നു അദ്ദേഹത്തിന്

മമ്മൂട്ടിയെ എല്ലാവരും അറിഞ്ഞിരുന്നില്ല. പ്രതാപ് പോത്തനും മറ്റഭിനേതാക്കൾക്കും നേരെയായിരുന്നു ഏവരുടെയും ശ്രദ്ധ. ആ ദിവസം തന്റെ അമ്മ ലേഖ മമ്മൂട്ടിക്കൊപ്പം നിന്നൊരു ചിത്രം പകർത്തി. മുൻ അംബാസഡർ ടി.പി. ശ്രീനിവാസന്റെയും ഭാര്യ ലേഖ ശ്രീനിവാസന്റെയും വസതിയായിരുന്നു അത്

വർഷങ്ങൾക്ക് ശേഷം മൂത്ത മകൻ ശ്രീനാഥ് (ശ്രീ) ശ്രീനിവാസൻ മമ്മൂട്ടിയുടെ മകൻ ദുൽഖർ സൽമാനെ കണ്ടുമുട്ടാൻ ഒരപൂർവ അവസരമുണ്ടായി. അന്ന് ഷൂട്ടിംഗ് നടക്കുമ്പോൾ മമ്മൂട്ടിക്ക് പ്രായം വെറും 30 വയസ്സാണ് എന്ന് ശ്രീ

ഇനി ഒരു താരവും ഫാഷൻ ഐക്കണുമായ ദുൽഖർ സൽമാന് ശ്രീ ശ്രീനിവാസൻ തന്റെ അമ്മയ്‌ക്കൊപ്പം മമ്മൂട്ടി നിൽക്കുന്ന ചിത്രം കാട്ടിക്കൊടുക്കുകയായിരുന്നു. ദുൽഖറിന് അപ്പോഴേക്കും ആ പഴയകാലം വീണ്ടും കേൾക്കാൻ ആഗ്രഹമുണ്ടായി എന്നും ശ്രീ. 2023 ജനുവരി ഒൻപതിനായിരുന്നു ലേഖ ശ്രീനിവാസന്റെ മരണം

മമ്മൂട്ടി, ലക്ഷ്മി, രതീഷ്, ബാലൻ കെ. നായർ, സീമ, പ്രതാപ് പോത്തൻ, കെ.പി. ഉമ്മർ, താരാ വിജയൻ എന്നിവരാണ് ഈ സിനിമയിൽ വേഷമിട്ടത്