Subi Suresh | സുബിയുടെ അവസാനത്തെ പിറന്നാൾ ലൊക്കേഷനിൽ; തെസ്നി ഖാന് കേക്ക് നൽകി ആഘോഷം

അരങ്ങ് തന്നെ ജീവിതമാക്കിയ പ്രിയ നടി സുബി സുരേഷിന്റെ (Subi Suresh) അവസാന പിറന്നാളും ലൊക്കേഷനിൽ. തന്റെ സഹപ്രവർത്തകർക്കൊപ്പം ജന്മദിനം ആഘോഷിക്കുന്ന സുബി സുരേഷിന്റെ വീഡിയോ സോഷ്യൽ മീഡിയയിൽ ശ്രദ്ധനേടുന്നുണ്ട്. ഓണത്തിന്റെ സ്‌പെഷൽ ഷൂട്ടിനിടെയാണ് സുബിയുടെ ജന്മദിനം എന്ന് വീഡിയോയിൽ നിന്നും വ്യക്തം

സെറ്റിൽ ഒരുക്കിയ കേക്ക് മുറിച്ചാണ് സുബി പിറന്നാൾ ആഘോഷിച്ചത്. കേക്കിന്റെ ആദ്യ കഷ്ണം പങ്കിട്ടത് സഹപ്രവർത്തകയായ തെസ്നി ഖാനുമായി. മിനി സ്ക്രീൻ രംഗത്തെ വനിതാ കോമഡി താരങ്ങൾ മുഴുവനും അണിനിരന്ന പരിപാടിയാണ് ഇത്. സ്നേഹ ശ്രീകുമാർ ഉൾപ്പെടെ പല മുതിർന്ന താരങ്ങളെയും ഇവിടെ കാണാം (തുടർന്ന് വായിക്കുക)

അതിനു ശേഷം വിശദമായ ഓണാഘോഷ പരിപാടികളുമുണ്ട്. അവിടെയും പ്രധാനി സുബിയല്ലാതെ മറ്റാരുമല്ല. ചിരിപടർത്തുന്നു ഒട്ടേറെ നിമിഷങ്ങൾ സമ്മാനിച്ചാണ് സുബി ഈ വേള ധന്യമാക്കിയത്

പിറന്നാളിനണിഞ്ഞ സ്‌പെഷൽ കസവു ചുരിദാർ ധരിച്ച് സുബി സുരേഷ് ഗുരുവായൂർ അമ്പലനടയിൽ. 2022 നവംബർ മാസത്തിൽ സുബി പോസ്റ്റ് ചെയ്ത ചിത്രം. 'ഗുരുവായൂരപ്പാ കാത്തോളണേ' എന്ന് പറഞ്ഞാണ് സുബി ചിത്രം ക്യാപ്‌ഷൻ നൽകിയത്