Sudev Nair | ആശുപത്രിക്കിടക്കയിലെ ചിത്രങ്ങളുമായി നടൻ സുദേവ് നായർ; വേദനയേറിയ ഘട്ടം ആരംഭിച്ചു കഴിഞ്ഞു എന്ന് ക്യാപ്‌ഷൻ

വളരെ കുറച്ചുമാത്രമെങ്കിലും, ശ്രദ്ധേയമായ റോളുകളിലൂടെ മലയാള സിനിമയിൽ നിറഞ്ഞുനിൽക്കുന്ന നടനാണ് സുദേവ് നായർ (Sudev Nair). തുടക്കത്തിൽ തന്നെ മികച്ച നടനുള്ള പുരസ്‌കാരം നേടിയ സുദേവ്, സൂപ്പർ താരങ്ങളുടേതുൾപ്പെടയുള്ള ചിത്രങ്ങളിൽ സ്ഥിരസാന്നിധ്യമാണ്. മമ്മൂട്ടി ചിത്രം 'ഭീഷ്മപർവ്വത്തിലെ' രാജൻ നായർ എന്ന നെഗറ്റീവ് കഥാപാത്രം അടുത്തിടെ ശ്രദ്ധിക്കപ്പെട്ട വേഷങ്ങളിൽ ഒന്നായിരുന്നു

അതിനു മുൻപ് മമ്മൂട്ടി ചിത്രം 'വൺ' സുദേവ് നായരെ എം.പിയുടെ വേഷത്തിൽ അവതരിപ്പിച്ചു. വരാനിരിക്കുന്ന ചിത്രമായ 'തുറമുഖം' മറ്റൊരു വേഷപ്പകർച്ചയിലൂടെ ഈ നടനെ നമുക്ക് മുൻപിൽ അവതരിപ്പിക്കും. ആരോഗ്യദൃഢഗാത്രനായ സുദേവ് പക്ഷെ ഇപ്പോൾ ആശുപത്രികിടക്കയിലെ ചിത്രങ്ങളുമായാണ് സോഷ്യൽ മീഡിയയിൽ എത്തിയത് (തുടർന്ന് വായിക്കുക)

എന്താണ് ആശുപത്രി പ്രവേശത്തിന്റെ കാരണം എന്താണെന്ന്‌ സുദേവ് പറഞ്ഞിട്ടില്ല. ഡോക്‌ടർക്ക്‌ ആശംസ നേർന്നെന്നും, വിഷമിക്കേണ്ട കാരണമില്ലെന്നും പറഞ്ഞതായി സുദേവ് ക്യാപ്‌ഷനിൽ കുറിച്ച്. മൊത്തം മൂന്നു ചിത്രങ്ങളാണ് പോസ്റ്റ് ചെയ്തിട്ടുള്ളത്

'വേദനയേറിയ ഘട്ടം ആരംഭിച്ചു കഴിഞ്ഞു. കുറച്ചു ദിവസം അനങ്ങാതെ വീട്ടിൽത്തന്നെ കഴിയുക' എന്നാണു രണ്ടാമത്തെ ചിത്രത്തിലെ വാചകം

മൂന്നാമത്തെ ചിത്രത്തിൽ ആശുപത്രിയിലാണെങ്കിലും തന്റെ കോഫി പ്രിയം സുദേവ് മറച്ചു വച്ചില്ല. രണ്ട്‌ കപ്പിലെ കാപ്പിയുടെ ചിത്രങ്ങൾ പോസ്റ്റ് ചെയ്യുന്നു

മാർച്ച് മാസത്തിൽ തീവ്ര വർക്ഔട്ടിന്റെ ഫലമായി ഉള്ളംകയ്യിലെ തൊലിയടർന്ന ചിത്രങ്ങൾ സുദേവ് പോസ്റ്റ് ചെയ്തിരുന്നു

ഇതുമായി വിമാനത്തിൽ കയറിയപ്പോൾ, തനിക്ക് പകർച്ചവ്യാധി ഏതും തന്നെയില്ല എന്ന് തെളിയിക്കേണ്ടി വന്നു എന്ന് സുദേവ് ക്യാപ്‌ഷനിൽ പറഞ്ഞിരുന്നു