ഷാരൂഖ് ഖാൻ, ബച്ചൻ കുടുംബങ്ങൾക്കിടയിൽ പുത്തൻ പ്രണയം? ബോളിവുഡിൽ ചർച്ച ചൂടുപിടിക്കുന്നു

ഇന്ത്യൻ സിനിമാ ലോകത്തെ ഏറ്റവുമധികം ചർച്ച ചെയ്യപ്പെടുന്ന രണ്ടു കുടുംബങ്ങളാണ് നടന്മാരായ ഷാരൂഖ് ഖാന്റെയും (Shah Rukh Khan) അമിതാഭ് ബച്ചന്റെയും (Amitabh Bachchan). രണ്ട് അഭിനയകുടുംബങ്ങളിൽ നിന്നും അടുത്ത തലമുറകളും സിനിമയിലെത്തിക്കഴിഞ്ഞു. ബച്ചൻ കുടുംബത്തിൽ നിന്നും രണ്ടാം തലമുറയ്ക്ക് ശേഷം മൂന്നാം തലമുറയും സിനിമയിലെത്തി

ബച്ചനും ഷാരൂഖും ഒന്നിച്ചുള്ള ഹിറ്റ് ചിത്രവും ബോളിവുഡിൽ ഉണ്ടായി. എന്നാൽ ഈ കുടുംബങ്ങൾ സിനിമയിൽ മാത്രമല്ല ജീവിതത്തിലും ഒരു പ്രണയത്തിലൂടെ ഒന്നിക്കുമോ എന്നാണ് ഏറ്റവും പുതിയ ചർച്ച. ഇരു കുടുംബങ്ങളിലെയും ഇളമുറക്കാരായ രണ്ടുപേർ അഗാധ പ്രണയത്തിലാണ് എന്നാണ് റിപ്പോർട്ട് (തുടർന്ന് വായിക്കുക)

സീനിയർ ബച്ചന്റെ മകളുടെ മകനായ അഗസ്ത്യയും ഷാരൂഖ് ഖാന്റെ പുത്രി സുഹാന ഖാനും തമ്മിൽ പ്രണയം എന്നാണ് റിപ്പോർട്ട്. ഇരുവരും അടുത്തിടെ ഒരു റെസ്റ്റോറന്റിൽ നിന്നും ഒന്നിച്ച് ഭക്ഷണം കഴിച്ചതിന്റെ വീഡിയോ ബോളിവുഡ് പാപ്പരാസി വീരൽ ഭയാനി പോസ്റ്റ് ചെയ്തിരുന്നു

ഹിന്ദുസ്ഥാൻ ടൈംസ് റിപ്പോർട്ട് പ്രകാരം, സുഹാനയും അഗസ്‌ഥയും പ്രണയത്തിലാണ്. ആദ്യ ചിത്രമായ ആർച്ചീസിന്റെ സെറ്റിലാണ് പ്രണയം മൊട്ടിട്ടതെന്നും പരാമർശം. കപൂർ കുടുംബം ഒരുക്കിയ ക്രിസ്ത്മസ് വിരുന്നിൽ സുഹാനയെ തന്റെ പങ്കാളിയെന്ന് അഗസ്ത്യ പരിചയപ്പെടുത്തിയതായാണ് വിവരം

സിനിമയുടെ സെറ്റിൽ ഒന്നിച്ച് ഏറെനേരം സമയം ചിലവിടുക വഴി പ്രണയത്തിലായി എന്നാണ് റിപ്പോർട്ടിൽ പറയുന്നത്. തങ്ങൾക്കിടയിലെ അടുപ്പം ഇവർ ഒരിക്കലും മറച്ചുപിടിച്ചില്ല. 2022 ഓഗസ്റ്റ് ആയതും പ്രണയത്തെക്കുറിച്ച് സെറ്റിൽ ചർച്ചയായത്രേ

അഗസ്ത്യയുടെ അമ്മ ശ്വേതാ ബച്ചന് സുഹാനയോടു വലിയ സ്നേഹമാണ്. എന്നാൽ അഗസ്ത്യയോ സുഹാനയോ ഇതിനോട് പ്രതികരിച്ചില്ല. റെസ്റ്റോറന്റിൽ നിന്നുള്ള വീഡിയോയിൽ ശ്വേത ബച്ചനേയും കാണാം

സുഹാന ഖാൻ, ശ്രീദേവി, ബോണി കപൂർ എന്നിവരുടെ ഇളയ മകൾ ഖുഷി കപൂർ, അമിതാഭ് ബച്ചന്റെ ചെറുമകൻ അഗസ്ത്യ എന്നിവർ സോയ അക്തറിന്റെ ദ ആർച്ചീസ് എന്ന ചിത്രത്തിലൂടെയാണ് അരങ്ങേറ്റം കുറിക്കുന്നത്. നവ്യ നവേലി നന്ദയുടെ സഹോദരനും ശ്വേത നന്ദയുടെ മകനുമാണ് അഗസ്ത്യ