Gigi Hadid| ഫാഷൻ ഷോയിലെ വരുമാനം യുക്രെയിനിലെ ദുരിതബാധിതർക്ക്; യുദ്ധഭീകരതയ്ക്കെതിരെ സൂപ്പർ മോഡൽ ജിജി ഹദീദ്

യുദ്ധ ഭീകരതയ്ക്കെതിരെ ശക്തമായി പ്രതികരിച്ച് സൂപ്പർ മോഡൽ ജിജി ഹദീദ് (Gigi Hadid). ഫാഷൻ ഷോയിലെ തന്റെ മുഴുവൻ വരുമാനവും യുക്രെയിനിലെ ദുരിതബാധിതർക്ക് (Ukrainian Relief)നൽകുമെന്ന് ജിജി ഹദീദ് അറിയിച്ചു. (Image: Gigi Hadid/instagram)

റഷ്യയുടെ യുക്രൈൻ ആക്രമണം ആരംഭിച്ചതു മുതൽ പുടിനെതിരേയും യുദ്ധ ഭീകരതയെ കുറിച്ചും ശക്തമായ ഭാഷയിൽ പ്രതകരിക്കുന്ന വ്യക്തിയാണ് ജിജി. 2022 ൽ താൻ നടത്തിയ ക്യാറ്റ് വാക്കിലൂടെ ലഭിച്ച മുഴുവൻ വരുമാനവും യുക്രെയിനിലെ ദുരിതബാധിതർക്കും പലസ്തീൻ ജനതയ്ക്കും നൽകുമെന്നാണ് ജിജി വ്യക്തമാക്കിയിരിക്കുന്നത്. (Image: Gigi Hadid/instagram)

പ്രമുഖ അന്താരാഷ്ട്ര ബ്രാൻഡുകളുടെ ഈ വർഷത്തെ എല്ലാ ഫാഷൻ ഷോയിലും ജിജിയുടെ സാന്നിധ്യമുണ്ടായിരുന്നു. ഫാഷൻ ഷോകളുടെ ചിത്രങ്ങൾ ഇൻസ്റ്റഗ്രാമിൽ പങ്കുവെച്ചാണ് ജിജി യുദ്ധ ബാധിതർക്കൊപ്പമാണെന്ന് വ്യക്തമാക്കിയത്. (Image: Gigi Hadid/instagram)

ചരിത്രത്തിലെ ഏറ്റവും ഹൃദയഭേദകവും ആഘാതകരവുമായ സമയങ്ങളിൽ പോലും താനും തന്റെ സഹപ്രവർത്തകരും പുതിയ ഫാഷൻ ശേഖരങ്ങൾ അവതരിപ്പിക്കുകയാണ് എന്ന മുഖവുരയോടെയാണ് ജിജി തന്റെ കുറിപ്പ് ആരംഭിക്കുന്നത്.(Image: Gigi Hadid/instagram)

ഒട്ടുമിക്ക വർക്ക് ഷെഡ്യൂളുകളും നടക്കുന്നത് തങ്ങളുടെ നിയന്ത്രണത്തിലല്ല, പക്ഷേ, എന്തെങ്കിലും പ്രയോജനം തങ്ങളുടെ ജോലിയിലൂടെ ഉണ്ടാകണമെന്ന് ആഗ്രഹിക്കുന്നു. (Image: Gigi Hadid/instagram)

അതിനാൽ ഈ വർഷത്തെ തന്റെ ഫാഷൻ ഷോ വരുമാനം യുക്രെയിനിലെ ദുരിതബാധിതർക്ക് നൽകുമെന്ന് താൻ പ്രതിജ്ഞയെടുക്കുന്നു. മാത്രമല്ല, പാലസ്തീനിലെ ദുരിതബാധിതർക്കായുള്ള തന്റെ പ്രവർത്തനം തുടരുകയും ചെയ്യും.

പ്രമുഖ മോഡലായ മൈക്ക അർഗനാരസിന്റെ പാത പിന്തുടർന്നാണ് ജിജിയും തന്റെ വരുമാനം യുദ്ധ ബാധിതർക്ക് നൽകുന്നത്. യുക്രെയ്നും പലസ്തീനും പൂർണ പിന്തുണ നൽകി ജിജി സമാധാനം പുനസ്ഥാപിക്കട്ടേയെന്നും പോസ്റ്റിൽ പ്രത്യാശിക്കുന്നു.