Alamkritha | ഏഴ് വയസ്സുകാരി അല്ലിമോൾടെ ഇംഗ്ലീഷ് കവിതാ സമാഹാരവുമായി അമ്മ സുപ്രിയ മേനോൻ

കഴിഞ്ഞ വർഷത്തേതുപോലെയല്ല സുപ്രിയ മേനോന് (Supriya Menon) ഈ ക്രിസ്തുമസ്. പ്രിയപ്പെട്ട അച്ഛൻ വിട്ടുപിരിഞ്ഞതിന്റെ വേദനയിൽ നിന്നും സുപ്രിയ ഇനിയും മുക്തയായിട്ടില്ല. എന്നിരുന്നാലും ഒരു ചെറിയ സന്തോഷം പങ്കിടുകയാണ് ഇവിടെ. പൃഥ്വിരാജ് (Prithviraj)- സുപ്രിയ ദമ്പതികളുടെ ഏഴുവയസ്സുകാരി മകൾ അലംകൃതയുടെ (Alamkrutha) ആദ്യ കവിതാ സമാഹാരം തയ്യാറായിരിക്കുന്നു. മകളുടെ പുസ്തകത്തിന്റെ ചിത്രം പോസ്റ്റ് ചെയ്തുകൊണ്ട് സുപ്രിയ കുറിക്കുന്നു

ഇന്ന് ആഘോഷിക്കുന്ന ഏവർക്കും ഹൃദയം നിറഞ്ഞ ക്രിസ്തുമസ് ആശംസകൾ. അച്ഛനില്ലാത്ത എന്റെ ആദ്യത്തെ ക്രിസ്മസാണിത്. അതിനാൽ ഈ ക്രിസ്തുമസ് എനിക്ക് പഴയതുപോലെയല്ല. എന്നിരുന്നാലും, ഞാൻ കഴിഞ്ഞ രണ്ട് മാസമായി ഒരു പ്രോജക്റ്റിൽ പ്രവർത്തിക്കുകയായിരുന്നു. ഒടുവിൽ ഇന്ന് എനിക്ക് ഇത് എന്റെ മകൾ അല്ലിക്ക് ക്രിസ്മസ് സമ്മാനമായി നൽകാം! ഞാൻ അവളുടെ എല്ലാ കവിതകളും/ഗാനങ്ങളും ഒരു ചെറിയ ബുക്ക്‌ലെറ്റിലേക്ക് സമാഹരിച്ചു (തുടരുന്നു)

പുസ്തകം പ്രസിദ്ധീകരിച്ച ഗോവിന്ദ് ഡി.സിക്കും ചിത്രകാരി രാജിയ്ക്കും സുപ്രിയ നന്ദി അറിയിച്ചു. അല്ലിമോൾ ആവേശത്തിലാണ്, താനും അങ്ങനെ തന്നെ. തല്ക്കാലം ഈ പുസ്തകം സുഹൃത്തുക്കൾക്കും കുടുംബാംഗങ്ങൾക്കും മാത്രം വായിക്കാനുള്ളതാണ്. വിപണിയിലെത്താൻ ഇനിയും സമയമെടുക്കും

പൂക്കൾ, പൂന്തോട്ടം, സാന്റാ, സ്ത്രീകളുടെ ഉന്നമനം, അമ്മയുടെ സ്നേഹം, കോവിഡ് മഹാമാരി എന്നിങ്ങനെ കുഞ്ഞുമനസ്സിലെ ചിന്തകൾ കവിതകളാക്കി മാറ്റിയ വരികളാണ് 'ദി ബുക്ക് ഓഫ് എൻചാന്റിങ് പോയംസിൽ' ഉള്ളത്

സാമൂഹിക പ്രതിബദ്ധതയുള്ള കുഞ്ഞാണ് അലംകൃത. തന്റെ മനസ്സിൽ തൊടുന്ന ഏതു സംഭവം ഉണ്ടായാലും അത് വരകളോ വാക്കുകളോ ആക്കി മാറ്റാൻ അല്ലി അതീവ ഉത്സാഹവതിയാണ്. പുസ്തകവായന ആണ് അല്ലിയുടെ പ്രധാന ഹോബിയും

അല്ലിയുടെ ഒരു കവിതയുടെ കയ്യെഴുത്തുപ്രതിയാണ് ഈ കാണുന്നത്