Suriya | കേട്ടത് നേരോ? താമസം മാറിയതിന് പിന്നിൽ സൂര്യയും പിതാവും തമ്മിലെ കലഹമോ

ഉത്തരേന്ത്യൻ കുടുംബത്തിലെ അംഗമായ ജ്യോതിക (Jyothika) തനി തമിഴ് കുടുംബമായ ശിവകുമാറിന്റെ വീട്ടിലേക്കു മരുമകളായി വന്നു കയറിയത് ഏറെ എതിർപ്പുകൾ അവഗണിച്ചാണ്. മകൻ സൂര്യയ്ക്ക് (Suriya) ജ്യോതികയുമായി പ്രണയമുണ്ട് എന്ന് കേട്ടപ്പോൾ എതിർത്തയാളാണ് ശിവകുമാർ. ഒടുവിൽ വിവാഹത്തിന് സമ്മതം മൂളിയപ്പോൾ ഒരു വ്യവസ്ഥ അദ്ദേഹം മുന്നോട്ടു വച്ചു; സൂര്യയും ജ്യോതികയും തങ്ങൾക്കൊപ്പം താമസിക്കണം. ആ ഉടമ്പടിയിൽ വിവാഹം നടന്നു

ഏറ്റവും ഒടുവിൽ പുറത്തുവന്ന വിവരപ്രകാരം സൂര്യയും ജ്യോതികയും മക്കൾക്കൊപ്പം വീടുവിട്ടു എന്ന് മാത്രമല്ല, താമസം മുംബൈയിലേക്ക്‌ മാറ്റുകയും ചെയ്‌തു. സൂര്യ 70 കോടി മുടക്കി വീടുവാങ്ങി എന്നും, മക്കളെ അവിടുത്തെ സ്കൂളിൽ തുടർന്ന് പഠിപ്പിക്കും എന്നും വിവരം പുറത്തുവന്നു. ഇത് സൗകര്യത്തിനു മാറിയതാണോ അതോ ശിവകുമാർ കുടുംബത്തിലെ താളപ്പിഴകളാണോ എന്നാണ് ചോദ്യം (തുടർന്ന് വായിക്കുക)

'സൂരറൈ പോട്ര്‌' സിനിമയിലെ പ്രകടനത്തിന് മികച്ച നടനുള്ള പുരസ്‌കാരം സൂര്യ നേടിയിരുന്നു. അടുത്തതായി സിരുത്തി ശിവയുടെ ബിഗ് ബജറ്റ് സിനിമയിലാവും അദ്ദേഹം വേഷമിടുക. ഇത് രാജ്യമെമ്പാടും ഷൂട്ടിംഗ് നടക്കുന്ന ചിത്രമാകും. ജ്യോതികയ്ക്ക് ഒരു ഹിന്ദി വെബ് സീരീസ് വരാനിരിക്കുന്നു

സൂര്യ മുംബൈയിലെ അപ്പാർട്മെന്റിൽ നിന്നും പുറത്തുവരുനന്തും, റെസ്റ്റോറന്റിൽ പോകുന്നതുമെല്ലാം നേരത്തെ വൈറലായിരുന്നു. കുട്ടികൾ ഇവിടുത്തെ സ്കൂളിൽ പഠനം ആരംഭിച്ചു എന്നുമുണ്ട്

മുംബൈ താമസത്തിന്റെ വാർത്ത വരും മുൻപേ അച്ഛൻ, മകൻ കുടുംബ പ്രശ്നങ്ങൾ പലയിടത്തും സംസാരവിഷയമായിരുന്നു. ജ്യോതിക വീണ്ടും സിനിമാഭിനയം തുടങ്ങിയതും മറ്റും ശിവകുമാറിന് അപ്രീതി ഉണ്ടാക്കി എന്ന് സ്ഥിരീകരിക്കാത്ത റിപ്പോർട്ടുകളുണ്ടായി

സൂര്യ, അച്ഛൻ ശിവകുമാർ, അമ്മ ലക്ഷ്മി, സഹോദരൻ കാർത്തിയും കുടുംബവും എന്നിങ്ങനെ എല്ലാവരും ഒന്നിച്ചാണ് തമിഴ്നാട്ടിലെ കുടുംബവീട്ടിൽ താമസിച്ചു പോന്നത്. വിവാഹശേഷം ആദ്യമായാണ് സൂര്യ ഇങ്ങനെയൊരു താമസമാറ്റം നടത്തിയത്

താമസം താൽക്കാലികമാണോ അതോ എന്നന്നേയ്ക്കുമായി മാറിയതാണോ എന്ന കാര്യം വ്യക്തമല്ല. കുറച്ചു നാൾ മുൻപ് നടൻ പൃഥ്വിരാജും ഭാര്യ സുപ്രിയ മേനോനും സൂര്യ - ജ്യോതിക ദമ്പതികളെ സന്ദർശിച്ചിരുന്നു