Sushmita Sen | നടി സുഷ്മിത സെന്നിന് ഹൃദയാഘാതം; സ്റ്റെന്റ് സ്ഥാപിച്ചു എന്ന് താരം

കുറച്ചു ദിവസങ്ങൾക്കു മുൻപ് തനിക്ക് ഹൃദയാഘാതം സംഭവിച്ചതായി ബോളിവുഡ് നടി സുഷ്മിത സെൻ (Sushmita Sen). താരത്തിന് 47 വയസ്സ് പ്രായമുണ്ട്. പിതാവ് സുബൈർ സെന്നിന്റെ ഒപ്പമുള്ള ഒരു ചിത്രം പോസ്റ്റ് ചെയ്താണ് സുഷ്മിത ഇക്കാര്യം ഇൻസ്റ്റഗ്രാം പേജിലൂടെ അറിയിച്ചത്. 'നിങ്ങളുടെ ഹൃദയത്തെ സന്തോഷത്തോടെയും ഊർജസ്വലതയോടെയും കാത്തുസൂക്ഷിക്കൂ...

നിങ്ങൾക്ക് ആവശ്യമുള്ളപ്പോൾ അത് നിങ്ങളുടെ കൂടെ നിൽക്കും. എനിക്ക് കുറച്ചു ദിവസങ്ങൾക്കു മുൻപ് ഹൃദയാഘാതം ഉണ്ടായി. ആൻജിയോപ്ലാസ്റ്റി നടത്തി. സ്റ്റെന്റ് സ്ഥാപിച്ചു. എനിക്കൊരു വലിയ ഹൃദയമുണ്ട് എന്ന് കാർഡിയോളോജിസ്റ് പറഞ്ഞു. കൃത്യ സമയത്ത്, പ്രവർത്തിച്ച ഒരുപാട് പേർക്ക് നന്ദി... (തുടർന്ന് വായിക്കുക)

താൻ ആരോഗ്യത്തോടെ ഇരിക്കുന്നു എന്ന എല്ലാവരെയും അറിയിക്കാനാണ് ഈ പോസ്റ്റ് എന്നും സുഷ്മിത സെൻ പറഞ്ഞു. താൻ ജീവിതത്തിലേക്ക് തിരിച്ചെത്തുന്നു എന്നും സുഷ്മിത കൂട്ടിച്ചേർത്തു

ഈ വാർത്ത പുറത്തുവന്നതും സുഷ്മിതയുടെ ആരാധകർ താരത്തിന് ആരോഗ്യവും സന്തോഷവും നേർന്നുകൊണ്ട് കമന്റ് ചെയ്‌തു. പെട്ടെന്ന് സുഖംപ്രാപിക്കട്ടെ എന്ന് ഒരുപാട് പേർ പറഞ്ഞിട്ടുണ്ട്

ആര്യ 3 എന്ന സീരീസിന്റെ റിലീസിനായി സുസ്മിത സെൻ കാത്തിരിക്കുകയാണ്

കൂടാതെ, ട്രാൻസ്‌ജെൻഡർ ആക്ടിവിസ്റ്റ് ഗൗരിയുടെ ജീവിതത്തെയും സമൂഹത്തിലെ അവരുടെ ഉയർച്ചയെയും അടിസ്ഥാനമാക്കിയുള്ള 'താലിയിലും' നടി അടുത്തതായി അഭിനയിക്കും