Sushmita Sen | ഫിറ്റ്നസ് സൂക്ഷിച്ചിട്ടും ഹൃദയ ധമനിയിൽ 95% ബ്ലോക്ക്; സുഷ്മിത സെൻ രക്ഷപെട്ടതെങ്ങനെ

നടി സുഷ്മിത സെന്നിനു (Sushmita Sen) ഹൃദയാഘാതം ഉണ്ടായി എന്ന വാർത്ത ആരാധകരെയും മറ്റുള്ളവരെയും തെല്ലൊന്നുമല്ല ഞെട്ടിച്ചത്. തന്റെ അച്ഛന്റെയൊപ്പം നിൽക്കുന്ന ഒരു ചിത്രം സഹിതമാണ് സുഷ്മിത ഇക്കാര്യം സോഷ്യൽ മീഡിയയിലൂടെ ഏവരേയും അറിയിച്ചത്. ഹൃദയാഘാതം സംഭവിച്ച്‌ ആൻജിയോപ്ലാസ്റ്റി ചെയ്ത് സ്റ്റെന്റ് വച്ച വിവരമാണ് സുഷ്മിത പങ്കിട്ടത്

സുഷ്മിതയ്ക്ക് എങ്ങനെ ഹൃദയാഘാതം സംഭവിച്ചു എന്നായിരുന്നു പലരുടെയും ചോദ്യം. കാരണം നടി ഫിറ്റ്നസിന്റെ പര്യായമാണ്. കൃത്യമായി ജിം വർക്ക്ഔട്ടുകൾ ചെയ്യുകയും ചെയ്യും. എന്നാൽ അവർക്ക് ഹൃദയത്തിന്റെ പ്രധാന ധമനിയിൽ 95 ശതമാനം ബ്ലോക്ക് ഉണ്ടായിരുന്നു എന്നാണ് ഏറ്റവും ഒടുവിലായി പുറത്തുവരുന്ന വിവരം (തുടർന്ന് വായിക്കുക)

ഇൻസ്റ്റഗ്രാം ലൈവ് സെഷനിൽ ആരാധകരുമായി വിവരങ്ങൾ പങ്കിടവെയാണ് സുഷ്മിത തന്റെ ആരോഗ്യ സ്ഥിതിയെക്കുറിച്ച് വ്യക്തമാക്കിയത്. പലരും ഇതുകേൾക്കുന്നതും ജിമ്മിൽ പോകുന്നത് നിർത്തിയേക്കാം എന്ന് കരുതുമായിരിക്കും എന്ന് സുഷ്മിത പറയുന്നു. എന്നാൽ അവിടെയും സുഷ്മിതയ്ക്ക് ചില കാര്യങ്ങൾ പറയാനുണ്ട്

'ഇതുകേൾക്കുന്നതും ജിം കൊണ്ട് കാര്യമില്ല എന്ന് പറഞ്ഞ് നിങ്ങളിൽ പലരും ജിമ്മിൽ പോകുന്നത് നിർത്തിയേക്കാം. എന്നാൽ അത് നല്ലതല്ല എന്ന് പറയട്ടെ. അത് എനിക്ക് സഹായകമായിരുന്നു. ഞാനൊരു വലിയ ഹൃദയാഘാതത്തിൽ നിന്നും രക്ഷപെട്ടു...

'പ്രധാന ധമനിയിൽ 95 ശതമാനം ബ്ലോക്ക് ഉണ്ടായിരുന്നു. എന്റെ ആക്റ്റീവ് ജീവിതശൈലി കാരണമാണ് രക്ഷപെട്ടത്. അതൊരു മുതൽക്കൂട്ടായിരുന്നു എന്നെനിക്കറിയാം. ആ ഘട്ടം ഞാൻ തരണം ചെയ്‌തു. അങ്ങനെ രക്ഷപെടാൻ ഭാഗ്യം ലഭിച്ചു,' എന്ന് സുഷ്മിത

യുവാക്കളോടും സ്വയം പരിശോധന നടത്തണെമെന്ന് സുഷ്മിത പറഞ്ഞു. സ്ത്രീകളോടായി, ഹൃദയാഘാതം പുരുഷന്മാരുടെ മാത്രം പ്രശ്നമെന്ന് കരുതി മാറിയിരിക്കരുത് എന്നായിരുന്നു അവരുടെ ഉപദേശം