വിദ്യാർത്ഥിനിയെ നാട്ടുകാർ ട്യൂഷൻ സാറുമായി വിവാഹം കഴിപ്പിച്ചു; 'അരുതാത്ത' സാഹചര്യത്തിൽ കണ്ടതിനാലെന്ന് ന്യായീകരണം

ട്യൂഷൻ സാറിനെക്കൊണ്ട് (tuition teacher) വിദ്യാർത്ഥിനിയെ (female student) വിവാഹം കഴിപ്പിച്ച് നാട്ടുകാർ. ഇരുവരെയും 'അരുതാത്ത' സാഹചര്യത്തിൽ കണ്ടെത്തിയതിനാലാണ് വിവാഹം നടത്തിയതെന്നാണ് നാട്ടുകാരുടെ ന്യായീകരണം. വിവാഹം നടത്തുന്നതിന് മുൻപ്, അധ്യാപകനെ നാട്ടുകാർ ചേർന്ന് കയ്യേറ്റം ചെയ്തിരുന്നു. തലയിലേറ്റ മുറിവ് കെട്ടിവച്ചാണ് ഇയാൾ വിവാഹം ചെയ്തത്

പ്രായപൂർത്തിയാകാത്ത പെൺകുട്ടിയുമായാണ് വിവാഹം. ഇതിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. വിവാഹം നാട്ടുകാർ ഫോൺ ക്യാമറയിൽ പകർത്തുന്ന ദൃശ്യങ്ങളും ഒപ്പമുണ്ട്. സംഭത്തെക്കുറിച്ചുള്ള കൂടുതൽ വിവരങ്ങൾ ഇതാ (തുടർന്ന് വായിക്കുക)

ബിഹാറിലെ നളന്ദയിലാണ് വിചിത്രമായ സംഭവം അരങ്ങേറിയത്. പ്രൈവറ്റ് സ്കൂൾ അധ്യാപകനായ ഇയാൾ വിദ്യാർത്ഥികളെ വീട്ടിലെത്തി ട്യൂഷൻ നൽകുകയും ചെയ്യുമായിരുന്നത്രെ. രണ്ടുപേരെയും നാട്ടുകാർ പറയുന്ന 'അരുതാത്ത' സാഹചര്യത്തിൽ കണ്ടെത്തുകയായിരുന്നു. ഇയാളെ മർദിക്കുന്ന ദൃശ്യങ്ങളും ചിലയിടങ്ങളിൽ കാണാം

അഭിഷേക് കുമാർ എന്നാണ് ഇയാളുടെ പേര്. ഫെബ്രുവരി അഞ്ചിനാണ് വിവാദ സംഭവം നടക്കുന്നത്. സ്കൂളിൽ ആളൊഴിഞ്ഞ നേരത്തായിരുന്നു ഇയാളും പെൺകുട്ടിയും ഒന്നിച്ചുണ്ടായത് എന്നും ചില പ്രാദേശിക മാധ്യമങ്ങളിൽ പറയുന്നു. ഇയാളെക്കുറിച്ച് നാട്ടിൽ മോശമായ കാര്യങ്ങൾ പ്രചരിക്കുന്നു എന്നും നാട്ടുകാർക്ക് ആരോപണമുണ്ട്

ഒടുവിൽ രണ്ട് കൂട്ടരുടെയും കുടുംബങ്ങളുമായി ചർച്ച നടത്തിയ ശേഷമാണ് വിവാഹമെന്ന തീരുമാനത്തിലെത്തിയത്. ആർഭാടം ഏതുമില്ലാതെ പെൺകുട്ടിയെ സിന്ദൂരം ചാർത്തിയാണ് വിവാഹം നടത്തിയത്

വിവാഹവിവരം നാട്ടിലെങ്ങും സംസാരവിഷയമായി മാറിയിട്ടുണ്ട്. വിവാഹ ശേഷം അധ്യാപകനും വിദ്യാർത്ഥിനിയും കൂടിയുള്ള ചിത്രം