Tejaswini Pandit | കിടക്ക പങ്കിടാൻ ആവശ്യപ്പെട്ട അയാളുടെ മുഖത്തേക്ക് ഞാൻ... വെളിപ്പെടുത്തലുമായി നടി തേജസ്വിനി പണ്ഡിറ്റ്

താരങ്ങൾ പലതരം ചൂഷണങ്ങളിലൂടെ കടന്നു പോയിട്ടുള്ള സാഹചര്യങ്ങളുണ്ടായിട്ടുണ്ട്. അക്കൂട്ടത്തിൽ നിന്നും തനിക്കുണ്ടായ ദുരനുഭവം വിവരിച്ച് നടി തേജസ്വിനി പണ്ഡിറ്റ് (Tejaswini Pandit) രംഗത്തെത്തി. അഭിനയലോകത്തിൽ ഏറെ കഷ്‌ടപ്പാടുകളും ബുദ്ധിമുട്ടുകളും നേരിട്ടാണ് തേജസ്വിനി ഇന്ന് കാണുന്ന നിലയിൽ പേരെടുത്തത്. മറാത്തി നടിയാണ് തേജസ്വിനി. 2009-10 കാലഘട്ടത്തിലാണ് സംഭവം

നടി ഒരു കോർപറേറ്റിന്റെ അപ്പാർട്മെന്റിൽ വാടകയ്ക്ക് താമസിക്കുന്ന സമയം. പൂനെയിൽ നിന്നുള്ളയാളായിരുന്നു അയാൾ. ഏതാനും സിനിമകൾ മാത്രമായിരുന്നു തേജസ്വിനിക്ക് അന്നുണ്ടായിരുന്നത്. ഒരു ദിവസം വാടക നൽകാൻ പോയതാണ് താൻ (തുടർന്ന് വായിക്കുക)

അയാളുടെ ഓഫീസിലാണ് തേജസ്വിനി വാടക നൽകാൻ പോയത്. ഒന്നും നോക്കാതെ അയാൾ നടിയോട് നേരിട്ടൊരു ആവശ്യം മുന്നോട്ടു വച്ചു

കിടക്ക പങ്കിടാനാണ് അയാൾ ആവശ്യപ്പെട്ടത്. താൻ ഈ തൊഴിലിൽ വന്നത് അത്തരം കാര്യങ്ങൾ ചെയ്യാനല്ല എന്ന് തേജസ്വിനി. അങ്ങനെയെങ്കിൽ വാടക ഫ്ലാറ്റിൽ താമസിക്കില്ലായിരുന്നു. നടിയുടെ പ്രതികരണം അധികം വൈകിയില്ല

അന്നേരം മേശപ്പുറത്ത് ഒരു ഗ്ലാസിൽ വെള്ളമിരുന്നു. രണ്ടാമതാലോചിക്കാതെ അതെടുത്ത് അയാളുടെ മുഖത്തേക്ക് ഒഴിച്ചായിരുന്നു നടിയുടെ പ്രതികരണം

ഒരു പോഡ്കാസ്റ്റിലാണ് നടി ഈ വെളിപ്പെടുത്തൽ നടത്തിയത്. തൊഴിലും അന്നത്തെ സാമ്പത്തിക സ്ഥിതിയുമാണ് ഇത്തരമൊരു മുതലെടുക്കൽ സാഹചര്യത്തിലേക്ക് നയിച്ചത് എന്ന് തേജസ്വിനി. താണ ത്തിൽ നിന്നും പാഠം ഉൾക്കൊണ്ടു

തേജസ്വിനി വരാനിരിക്കുന്ന അത്താങ് എന്ന വെബ് സീരീസിനായി തയ്യാറെടുക്കുകയാണ്. പ്രമോഷന്റെ തിരക്കിലാണ് അവർ. നടി ജ്യോതി ചന്ദേക്കറിന്റെ മകളാണ്. 2004-ൽ കേദാർ ഷിൻഡെയുടെ അഗാ ബായ് അരേച്ച എന്ന ചിത്രത്തിലൂടെ മറാത്തി സിനിമയിൽ അരങ്ങേറ്റം കുറിച്ചു

സുഹൃത്തായ സന്തോഷ് ഖേറുമായി ചേർന്ന് ക്രിയേറ്റീവ് വൈബ് എന്ന പേരിൽ സ്വന്തം പ്രൊഡക്ഷൻ ഹൗസ് നടി ആരംഭിച്ചിട്ടുണ്ട്. ഈ ബാനറിൽ അഭിനയിക്കുന്ന ആദ്യ ചിത്രമാണ് മുള. അംബർ ഹഡപ്പ് തിരക്കഥയെഴുതുന്ന ചിത്രം സംവിധാനം ചെയ്യുന്നത് വിശാൽ ദേവ്രുക്കറാണ്