മമ്മൂട്ടിക്കൊപ്പം അഭിനയിച്ച 'ബാലൻ' അറിയപ്പെടുന്ന നായിക; അന്ന് ആൺകുട്ടിയായി വേഷമിട്ടത്...

1986ൽ ഫാസിലിന്റെ സംവിധാനത്തിൽ മമ്മൂട്ടി (Mammootty) നായകനായി തിയേറ്ററിലെത്തിയ ചിത്രമാണ് 'പൂവിനു പുതിയ പൂന്തെന്നൽ'. നദിയ മൊയ്തുവാണ് സിനിമയിൽ നായികാവേഷം ചെയ്തത്. കിരൺ എന്ന മമ്മൂട്ടിയുടെ നായക കഥാപാത്രം ശ്രദ്ധനേടിയിരുന്നു. ഈ ചിത്രത്തിൽ മുതിർന്നവർക്കൊപ്പം ശ്രദ്ധ നേടിയ ഒരു ബാലതാരമുണ്ട്. കിട്ടു അഥവാ ബെന്നി എന്നാണ് ആ കുഞ്ഞിന് സിനിമയിൽ നൽകിയിരുന്ന പേര്

സിനിമയിൽ ഏറെ നിർണ്ണായകമാണ് ബെന്നി. സംസാരശേഷിയില്ലാത്ത കുട്ടിയായാണ് ഈ ബാലതാരം എത്തിയത്. മമ്മൂട്ടി എടുത്തു വളർത്തുന്ന കുട്ടിയുടെ വേഷമായിരുന്നു. എന്നാൽ സിനിമയിൽ ആൺകുട്ടിയായി വേഷമിട്ടയാൾ, പെൺകുട്ടിയാണ്. അറിയപ്പെടുന്ന നായികയുമാണ് (തുടർന്ന് വായിക്കുക)

'മുന്താനൈ മുടിച്ച്' എന്ന തമിഴ് സിനിമയിൽ കൈക്കുഞ്ഞായി അഭിനയിച്ചതിന്റെ റെക്കോർഡും ഈ താരത്തിന് തന്നെയാണ്. ഭാഗ്യരാജിന്റെയും ഉർവ്വശിയുടേയും മകളായിട്ടായിരുന്നു വേഷം. കേവലം 41 ദിവസം പ്രായമുള്ളപ്പോഴായിരുന്നു അഭിനയലോകത്തേക്കുള്ള പ്രവേശം 

മുതിർന്നപ്പോൾ മലയാളികളുടെയും തമിഴകത്തിന്റെയും പ്രിയ നായികയായി ഈ കുട്ടി മാറി. പ്രേക്ഷകർ നെഞ്ചോടു ചേർത്ത സീരിയലുകളിലും സിനിമകളിലും ശ്രദ്ധേയവേഷങ്ങൾ കൈകാര്യം ചെയ്തു. തിരുവനന്തപുരം സ്വദേശിയാണ്

നടി സുജിത ധനുഷ് ആണ് ആൺകുട്ടിയുടെ വേഷത്തിൽ മലയാള സിനിമയിൽ അഭിനയിച്ചത്. പിൽക്കാലത്ത് മലയാളം, തമിഴ്, തെലുങ്ക് സിനിമകളിലും സീരിയലുകളിലും ശ്രദ്ധനേടി

'മാസ്റ്റർ' സിനിമയുടെ മലയാളം പതിപ്പിൽ നടി മാളവിക മോഹനന് വേണ്ടി ഡബ്ബ് ചെയ്തത് സുജിതയാണ്. ജെമിനി ടി.വിയിൽ 'ഗീതാഞ്ജലി' എന്ന പരമ്പരയിലാണ് നടി ഏറ്റവും പുതിയതായി വേഷമിടുന്നത്