നയൻതാരയ്ക്കും അഹാനയ്ക്കും പൊതുവായി ഒരു കൂട്ടുകാരി; അതാരെന്ന് സിന്ധു കൃഷ്ണ

മലയാളത്തിന്റെ പ്രിയ നടിമാരായ നയൻ‌താരയും (Nayanthara) അഹാന കൃഷ്ണയുമായി (Ahaana Krishna) എന്താണ് ബന്ധം എന്ന് ചോദിച്ചാൽ എന്താ പറയുക? രണ്ടു പേരും മലയാളികൾ എന്നതൊഴിച്ചാൽ മറ്റൊന്നും എടുത്തുപറയാൻ ഉണ്ടാവില്ല. മലയാളത്തിൽ തുടങ്ങി അന്യഭാഷകളിൽ നയൻസ് സജീവമായി. അഹാന മലയാള സിനിമയിലും മോഡലിംഗിലും മറ്റുമായി സജീവമാണ്

എന്നാൽ അഹാനയെയും നയൻതാരയെയും കൂട്ടിയിണക്കുന്ന ഒരു കണ്ണിയുണ്ട്. ഒരു കൂട്ടുകാരി. അഹാനയുടെ അമ്മ സിന്ധു കൃഷ്ണയാണ് ഇക്കാര്യം വെളിപ്പെടുത്തിയത്. സിന്ധുവിന്റെ ഇൻസ്റ്റഗ്രാം ചോദ്യോത്തരവേളയിലാണ് ഈ ചോദ്യം ഉയർന്നു വന്നതും അതിനുള്ള മറുപടി സിന്ധു നൽകിയതും (തുടർന്ന് വായിക്കുക)

ഒരു ചിത്രം കണ്ട ഒരാളുടേതാണ് ചോദ്യം. സ്കൂൾ കാലം മുതലുള്ള അഹാനയുടെ കൂട്ടുകാരിയാണിത്. ഏറ്റവും പ്രിയപ്പെട്ട കൂട്ടുകാരി. ഇന്ന് സിനിമയിൽ അസിസ്റ്റന്റ് ഡയറക്ടർ ആണ്. അഹാനയുടെ സന്തത സഹചാരിയും

റിയയെ ആണോ നിങ്ങൾ ഉദ്ദേശിച്ചത് എന്ന് ചോദിച്ചു കൊണ്ടാണ് സിന്ധു മറുപടി നൽകിയത്. റിയ നജാം ഹോളി ഏഞ്ചൽസ് സ്കൂളിലെ അഹാനയുടെ പഠന നാളുകൾ മുതലുള്ള സുഹൃത്താണ്. അറിയപ്പെടുന്ന കൊറിയോഗ്രാഫർ സജ്‌ന നജാമിന്റെ മകളാണ് റിയ

നയൻ‌താര, വിഗ്നേഷ് ശിവൻണ് ദമ്പതികളുടെ പ്രൊഡക്ഷനിൽ റിയ അസിസ്റ്റന്റ് ഡയറക്ടർ ആയി പ്രവർത്തിച്ചു. ഇതാണ് നയൻ‌താരയുമായി അഹാനയെ കൂട്ടിയിണക്കുന്ന കണ്ണി

അഹാനയുടെ വെക്കേഷനുകളിൽ റിയയെ ഒപ്പം കാണാം. ചിലപ്പോൾ ഇരുവരും ചേർന്ന് നൃത്തം ചെയ്യാറുമുണ്ട്. ഈ വീഡിയോയും ഇൻസ്റ്റഗ്രാമിൽ കാണാം

കുറച്ചു വർഷങ്ങളുടെ ഇടവേളയ്‌ക്കു ശേഷം തിയേറ്ററിൽ റിലീസ് ചെയ്ത തന്റെ ചിത്രം 'അടി'യുടെ വിജയത്തിളക്കത്തിലാണ് അഹാന കൃഷ്ണ ഇപ്പോൾ