മലയാള ചലച്ചിത്രവേദിക്ക് വാഗ്ദാനമായ ആറാം ക്‌ളാസുകാരൻ; അന്നും ഇന്നും പ്രതീക്ഷ തെറ്റിക്കാത്ത നടനെ മനസ്സിലായോ?

ഓമനത്തമുള്ള ബാലതാരങ്ങളായി തുടങ്ങി, പിന്നീട് പ്രേക്ഷക ശ്രദ്ധ നേടിയ നായികമാരും നായകന്മാരും ആയി മാറിയ ഒട്ടേറെ താരങ്ങളെ മലയാള സിനിമാ മേഖല സമ്മാനിച്ചിട്ടുണ്ട്. സ്ത്രീകളുടെ എണ്ണമാണ് ഇക്കാര്യത്തിൽ കൂടുതൽ എന്ന കാര്യത്തിൽ തർക്കം വേണ്ട. കാവ്യാ മാധവൻ, ദിവ്യ ഉണ്ണി തുടങ്ങി പുതുതലമുറയിലെ അനിഖ സുരേന്ദ്രൻ, എസ്തർ അനിൽ എന്നിവർ വരെ ആ റെക്കോർഡ് എത്തിനിൽക്കുന്നു. എന്നാൽ ഈ ആൺകുട്ടി സ്കൂൾ വിദ്യാർത്ഥിയായിരിക്കെ തുടങ്ങി ഇന്നും മലയാള സിനിമയിൽ പ്രതീക്ഷയ്ക്ക് മങ്ങലേൽപ്പിക്കാത്ത നടനാണ്

ആറാം ക്‌ളാസിൽ പഠിക്കുമ്പോൾ ഒരു മാസികയിൽ വന്ന വാർത്തയും അതിനൊപ്പമുള്ള ചിത്രവുമാണിത്. 'ബാലതാരങ്ങൾക്ക് ദാരിദ്ര്യം അനുഭവിക്കുന്ന മലയാള ചലച്ചിത്രവേദിക്ക് നല്ല ചുറുചുറുക്കുള്ള ഒരു ബാല നടൻ രംഗപ്രവേശം ചെയ്തിരിക്കുന്നു' എന്ന ആമുഖത്തോടു കൂടിയാണ് തുടക്കം (തുടർന്ന് വായിക്കുക)

തിരുവനന്തപുരം വിദ്യാധിരാജ സ്കൂളിലെ ആ വിദ്യാർത്ഥി മോഹൻലാലിനൊപ്പം വേഷമിട്ട ഒരു രംഗമാണിത്. പിൽക്കാലത്ത് അദ്ദേഹത്തോടൊപ്പം നിൽക്കുന്ന വേഷങ്ങളും ഉണ്ടായി

'മണിയൻപിള്ള അഥവാ മണിയൻപിള്ള' എന്ന സിനിമയിൽ 1981ൽ ബാലതാരമായി വേഷമിട്ടാണ് നടൻ ബൈജു സന്തോഷിന്റെ അഭിനയജീവിതത്തിനു തുടക്കം. ഏകദേശം 300ൽപരം ചിത്രങ്ങളിൽ അദ്ദേഹം വേഷമിട്ടു കഴിഞ്ഞു

1981 - 1985 കാലങ്ങളിൽ ബൈജു മലയാള സിനിമയിൽ ബാലതാരമായി നിറഞ്ഞു. ഈ കാലയളവിൽ മൊത്തം 11 ചിത്രങ്ങളിൽ ബൈജു ബാലതാരമായി വേഷമിട്ടു

1986ൽ 'നാളെ ഞങ്ങളുടെ വിവാഹം' എന്ന സിനിമയിലൂടെ കുട്ടി വേഷങ്ങളിൽ നിന്നും മാറി. ശങ്കർ നായകനായ ചിത്രമായിരുന്നു ഇത്

ഇതിനിടെ ടി.വി. താരമായും ബൈജു പ്രേക്ഷകർക്ക് മുന്നിലെത്തി. ടി.വി. റിയാലിറ്റി ഷോയുടെ ജഡ്ജ് ആവുകയും ചെയ്തു

സിനിമയിലും സ്റ്റേറ്റ് ലെവൽ നാടക മത്സരത്തിലും പ്രതിഭ തെളിയിച്ച വിദ്യാർത്ഥിയെ കുറിച്ച് സിനിമാ മാസികയിൽ വന്ന വാർത്താ ശകലം