മാളവികയെ കളിയാക്കി തേജസിന്റെ ക്യാപ്ഷൻ; അതൊന്നും ആരും ശ്രദ്ധിക്കേണ്ടന്ന് മാളുവിന്റെ റിക്വസ്റ്റ്

അഭിനേത്രിയും, റിയാലിറ്റി ഷോ താരവും, നർത്തകിയും, സോഷ്യൽ മീഡിയ ഇൻഫ്ലുവെൻസറുമായ മാളവിക കൃഷ്ണദാസും (Malavika Krishnadas),തേജസും വിവാഹിതരായത് വലിയ വാർത്തയായിരുന്നു. വിവാഹത്തിന്റെയും വിവാഹശേഷമുള്ള വിശേഷങ്ങളുമെല്ലാം ഇരുവരും പങ്കുവെച്ചിരുന്നു. നിമിഷ നേരം കൊണ്ടാണ് സോഷ്യല്‍മീഡിയയിലൂടെ ഇവരുടെ ചിത്രങ്ങള്‍ വൈറലായി കൊണ്ടിരിക്കുന്നത്.

എന്നാൽ പതിവില്‍ നിന്നും വ്യത്യസ്തമായി മാളവികയെ കളിയാക്കിയായിരുന്നു ഇത്തവണ തേജസ് എത്തിയത്. തേജസിന്റെ കളിയാക്കലിനു ശില്‍പ ബാലയും അന്നയും ഉള്‍പ്പടെ നിരവധി പേരാണ് ചിത്രത്തിന് താഴെ കമന്റുകള്‍ രേഖപ്പെടുത്തിയിട്ടുള്ളത്.

ഞങ്ങളുടെ പോസ്റ്റ് വെഡ്ഡിംഗ് ഫോട്ടോ ഷൂട്ടിലെ ചില ചിത്രങ്ങളാണിത്. മഞ്ഞ ഗൗണില്‍ അതീവ സുന്ദരിയായെത്തിയിരിക്കുകയാണ് മാളവിക എന്നായിരുന്നു തേജസ് കുറിച്ചത്. തേജസിന്റെ ഇന്‍സ്റ്റഗ്രാം ചിത്രങ്ങളോ ഫോട്ടോയുടെ ക്യാപ്ഷനോ നോക്കരുതെന്ന് പറഞ്ഞായിരുന്നു മാളവിക എത്തിയത്.

മാളു ശ്രദ്ധിക്കണേ, നിന്റെ അരികില്‍ തൊപ്പിയും ധരിച്ച് ഒരു വൈല്‍ഡ് മങ്കിയുണ്ടെന്നായിരുന്നു ശില്‍പ ബാല കമന്റ് ചെയ്തത്. ചേട്ടന്‍ തന്നെ സ്‌കോര്‍ ചെയ്തു ഇനി പറഞ്ഞിട്ട് കാര്യമില്ലെന്നായിരുന്നു ഒരാള്‍ പറഞ്ഞത്.

പ്രണയ വിവാഹമല്ല, തീർത്തും അറേൻജ്‌ഡ്‌ മാര്യേജ് ആണ് എന്നായിരുന്നു മാളവികയുടെ പ്രതികരണം. ഇവർ തമ്മിൽ റിയാലിറ്റി ഷോയിൽ വച്ചുള്ള പരിചയം ഉണ്ടെന്ന് മാത്രമേയുള്ളൂ എന്നും മാളവിക. അന്നും തേജസുമായുള്ള കോമ്പിനേഷനിൽ പലപ്പോഴും താൻ വഴക്കിട്ടിരുന്നു എന്ന് മാളവിക പറഞ്ഞിരുന്നു

ശേഷം തേജസിന് വിവാഹാലോചനകൾ നടക്കുന്ന സമയം മാളവികയുമായുള്ള ആലോചന ചിലർ നിർദേശിച്ചിരുന്നു. അങ്ങനെയാണ് ആ പരിചയം വിവാഹത്തിൽ എത്തിയത്