ഒരു കോടി മോഷ്ടിച്ചു, ഒരു ലക്ഷം കാണിയ്ക്കയായി നൽകി; ഒടുവിൽ പോലീസ് പിടിയിൽ

നോർത്ത് ഡൽഹിയിലെ സിവിൽ ലൈനിൽ തോക്ക് ചൂണ്ടി വ്യവസായിയുടെ ജീവനക്കാരിൽ നിന്ന് 1.1 കോടി രൂപ തട്ടിയെടുത്ത (1.1 crore stolen) അഞ്ച് പേരെ ഡൽഹി പോലീസ് അറസ്റ്റ് ചെയ്തു. ദി ഇന്ത്യൻ എക്സ്പ്രസിന്റെ റിപ്പോർട്ട് അനുസരിച്ച്, മാർച്ച് 3 ന് രോഹിണി ആസ്ഥാനമായുള്ള ഒരു വ്യവസായിയുടെ രണ്ട് ജീവനക്കാർ ഒരു ജ്വല്ലറിയിൽ നിന്ന് 1.1 കോടി രൂപ പിരിച്ചെടുത്ത് മടങ്ങുന്നതിനിടെയാണ് സംഭവം (പ്രതീകാത്മക ചിത്രം)

ചാന്ദ്‌നി ചൗക്കിൽ നിന്ന് സ്‌കൂട്ടറിൽ ഓഫീസിലേക്ക് മടങ്ങുമ്പോൾ മൂന്ന് അക്രമികൾ ബൈക്കിൽ വന്ന് ഇവരെ വഴിയിൽ വീഴ്ത്തുകയായിരുന്നുവെന്ന് പോലീസ് പറഞ്ഞു. തോക്ക് ചൂണ്ടി ജീവനക്കാരെ ഭീഷണിപ്പെടുത്തി പണമടങ്ങിയ ബാഗുമായി രക്ഷപ്പെടുകയായിരുന്നു (തുടർന്ന് വായിക്കുക)

ചാന്ദ്‌നി ചൗക്ക് മാർക്കറ്റിന് സമീപം സ്ഥാപിച്ചിട്ടുള്ള സിസിടിവികളുടെ സഹായത്തോടെ ഒരാഴ്ചയ്ക്ക് ശേഷം വടക്കുകിഴക്കൻ ഡൽഹിയിൽ നിന്ന് പ്രതികളെ പിടികൂടി. മോഷ്ടിച്ച പണത്തിൽ നിന്ന് ഒരു ലക്ഷം രൂപ പ്രതികൾ ഖതുശ്യാം ക്ഷേത്രത്തിൽ സംഭാവന ചെയ്തതായി അന്വേഷണത്തിൽ കണ്ടെത്തി. തുടർന്ന് പ്രദേശത്ത് സ്ഥാപിച്ചിരുന്ന സിസിടിവികൾ പരിശോധിച്ച് കവർച്ചക്കാരെ കണ്ടെത്തുകയായിരുന്നു (പ്രതീകാത്മക ചിത്രം)

“തെളിവുകളുടെ അടിസ്ഥാനത്തിൽ ഞങ്ങൾ അവരെ ട്രാൻസ്-യമുന മേഖലയിൽ നിന്ന് അറസ്റ്റ് ചെയ്തു. കൊള്ളയടിച്ച ഒരു കോടി രൂപയും ഞങ്ങൾ കണ്ടെടുത്തു, ”ഡിസിപി (നോർത്ത്) സാഗർ സിംഗ് കൽസി പറഞ്ഞു (പ്രതീകാത്മക ചിത്രം)

മോഷണം പോയ സ്വർണ്ണം ഉൾപ്പെടെയുള്ള വസ്തുക്കളും പ്രതിയിൽ നിന്ന് കണ്ടെടുക്കാൻ പോലീസ് സംഘത്തിന് കഴിഞ്ഞതായി ഉദ്യോഗസ്ഥൻ അറിയിച്ചു. കൂടുതൽ അന്വേഷണം പുരോഗമിക്കുകയാണെന്നും അദ്ദേഹം കൂട്ടിച്ചേർത്തു (പ്രതീകാത്മക ചിത്രം)

കവർച്ച നടത്തിയവരിൽ ഒരാൾ ജ്വല്ലറിയിലെ മുൻ ജീവനക്കാരനാണെന്ന് പോലീസ് മനസ്സിലാക്കി. ചോദ്യം ചെയ്യലിൽ, പണത്തെക്കുറിച്ച് വിവരം നൽകിയ മുൻ ജീവനക്കാരനുമായി ചേർന്ന് പദ്ധതി തയ്യാറാക്കിയതായി പ്രതികൾ വെളിപ്പെടുത്തി (പ്രതീകാത്മക ചിത്രം)

മോഷണം പോയ പണത്തിന്റെ ഒരു ഭാഗം ക്ഷേത്രത്തിൽ നൽകാനും പ്രതികൾ പദ്ധതിയിട്ടിരുന്നു. അപ്പോഴാണ് സിസിടിവി ദൃശ്യങ്ങളിൽ ഇവരെ കണ്ടത്. ഡൽഹി പോലീസ് കമ്മീഷണർ രാകേഷ് അസ്താന ചാന്ദിനി ചൗക്ക് മാർക്കറ്റിൽ സിസിടിവികൾ സ്ഥാപിക്കാൻ നിർദ്ദേശം നൽകിയതായി റിപ്പോർട്ട് ഉണ്ട്. നിലവിൽ പ്രദേശത്ത് 300ലധികം സിസിടിവികൾ നിരീക്ഷണത്തിനായി ഉപയോഗിക്കുന്നു (പ്രതീകാത്മക ചിത്രം)