കൂടുമ്പോൾ ഇമ്പമുള്ളത് കുടുംബം; തന്റെ വലിയ കുടുംബവുമായി ടൊവിനോ തോമസിൻ്റെ വെക്കേഷൻ സ്വീഡനിൽ

ഒരു വലിയ കുടുംബവുമായി ട്രിപ്പ് പോകുന്ന കാഴ്ച എന്നാൽ മലയാളി സിനിമാ പ്രേക്ഷകരുടെ മനസ്സിൽ ആദ്യം കടന്നുവരിക മോഹൻലാൽ, ഉർവശി ചിത്രം 'മിഥുനത്തിലെ' രംഗമാകും. ഏവർക്കും ചിരിപടർത്തിയ രംഗം കൂടിയായിരുന്നു ഇത്. എന്നാൽ ടൊവിനോ തോമസിന് കൂടുമ്പോൾ ഇമ്പമുള്ളതാണ് കുടുംബം, അതായത് ഭാര്യയും മക്കളും മാത്രമല്ല, അച്ഛനമ്മമാരും സഹോദരങ്ങളും അവരുടെ കുടുംബങ്ങളും ചേർന്ന ഒരു വലിയ കൂട്ടുകുടുംബം

അച്ഛന്റെയും അമ്മയുടെയും നാല്പതാം വിവാഹവാർഷികം പ്രമാണിച്ച് നടത്തിയ സ്‌പെഷൽ വെക്കേഷനാണിത്. കൂടെ ടൊവിനോയുടെ സഹോദരന്റെയും സഹോദരിയുടെയും കുടുംബങ്ങളുമുണ്ട്. എല്ലാം കൂടി 15 പേർ. സ്വീഡനിലേക്കായിരുന്നു യാത്ര (തുടർന്ന് വായിക്കുക)

ഇരിഞ്ഞാലക്കുടയിലെ ഇല്ലിക്കൽ തോമസ്, ഷീല തോമസ് ദമ്പതികളുടെ മകനാണ് ടൊവിനോ തോമസ്. അവരുടെ ഇളയ മകനാണ് ടൊവിനോ. റ്റിംഗ്‌സ്റ്റൻ, ധന്യ എന്നിവരാണ് ടൊവിനോയുടെ സഹോദരങ്ങൾ

ഏറെ നാളെത്തെ പ്രണയത്തിനൊടുവിലാണ് ടൊവിനോ ലിഡിയയെ ജീവിത സഖിയാക്കിയത്. ഇവർക്ക് ഒരു മകളും മകനുമുണ്ട്; ഇസയും, ടഹാനും

മലയാള സിനിമയിലെത്തിയ എഞ്ചിനീയറിംഗ് ബിരുദധാരികളിൽ ഒരാളാണ് ടൊവിനോ തോമസ്. സോഫ്ട്‍വെയർ എഞ്ചിനീയർ ആയി ജോലിനോക്കിയ ശേഷമാണ് ടൊവിനോ സിനിമാഭിനയത്തിലേക്ക് തിരിഞ്ഞത്. 'എന്ന് നിന്റെ മൊയ്‌തീൻ' സിനിമയിലെ വേഷം കരിയർ മാറ്റിമറിച്ചു

പോയവർഷം പുറത്തിറങ്ങിയ 'തല്ലുമാല' എന്ന ടൊവിനോ ചിത്രം സൂപ്പർഹിറ്റായിരുന്നു. '2018' ആണ് അടുത്ത റിലീസ്. അതുകഴിഞ്ഞ് 'അജയന്റെ രണ്ടാം മോഷണം'

മകൾ ഇസയോടൊപ്പം പാരാഗ്ലൈഡിങ് ചെയ്യുന്ന ടൊവിനോ തോമസ്