Vijay Maadhhav | ആർഭാടമെന്തിന്? വിജയ്, ദേവിക ദമ്പതികളുടെ കുഞ്ഞിനുറങ്ങാൻ തുണിത്തൊട്ടിൽ കെട്ടി നൽകി അമ്മൂമ്മമാർ

മോഡേൺ യുഗത്തിലെ കുഞ്ഞുവാവകളിൽ പലർക്കും തുണിത്തൊട്ടിലിൽ ഉറങ്ങിയ സുഖം അനുഭവിക്കാൻ അവസരം ലഭിക്കാറില്ല. ഇന്നത്തെ കാലത്ത് കടകളിൽ റെഡിമേഡ് ആയി കിട്ടുന്ന തൊട്ടിലാണ് പല മാതാപിതാക്കളും തിരഞ്ഞെടുക്കുക. ആ തൊട്ടിലും മാറി, അമ്മയുടെ കട്ടിലിനോട് ചേർന്ന് കിടക്കുന്ന തരത്തിലെ ബേബി ബെഡുകൾ വരെയെത്തി. അൽപ്പം വലുപ്പമുള്ള ഈ ബെഡ് കുറച്ചു വർഷങ്ങൾ ഉപയോഗിക്കാം എന്നതാണ് പ്രത്യേകത. പക്ഷേ വിജയ് മാധവ്, ദേവിക നമ്പ്യാർ എന്ന അച്ഛനമ്മമാരുടെ മകൻ ആത്മജ മഹാദേവ് ഇക്കാര്യത്തിൽ ഭാഗ്യവാനാണ് 

പലരും എന്നോ കണ്ടുമറന്ന പലവർണങ്ങളിലെ നീളൻ ദണ്ഡിന്റെ രണ്ടറ്റത്തുമായി ചേർത്ത് കെട്ടിയ തുണിയിൽ കുഞ്ഞ് മഹാദേവന് തൊട്ടിൽ ഒരുക്കിയത് മുതുമുത്തശ്ശിയും അമ്മൂമ്മമാരും ചേർന്നാണ്. അമ്മയുടെ അമ്മയുടെ കയ്യിൽ അപ്പോഴും തനിക്കു ഉറങ്ങാനുള്ള ഊഴം കാത്ത് കുഞ്ഞ് കാത്തിരുന്നു. ശേഷം, അച്ഛൻ തന്നെ തൊട്ടിലാട്ടിയുറക്കി (തുടർന്ന് വായിക്കുക)

വീഡിയോ എടുക്കൽ ഒക്കെ പുതുമയുള്ള കാര്യമായതിനാൽ കുറച്ചു ട്രയൽ റൺ നടത്തിയ ശേഷമാണ് മുത്തശ്ശി തുണിത്തൊട്ടിൽ കിട്ടിയതെന്ന് വിജയ് മാധവ്. ഇക്കാര്യത്തിൽ മുൻപരിചയമില്ലാത്തവർക്കും കൂടി ഒരറിവാകും എന്ന നിലയിലാണ് വിജയ് മാഷ് ഈ വീഡിയോ പോസ്റ്റ് ചെയ്തത്

തീർത്തും വെറൈറ്റിയുള്ള പേരാണ് വിജയ് മാധവും ഭാര്യ ദേവിക നമ്പ്യാരും മകന് വേണ്ടി കണ്ടെത്തിയത്. ആത്മജ എന്നത് പെൺകുഞ്ഞിന്റെ പേരല്ലേ, മകന് എന്തിനിട്ടു എന്ന ചോദ്യവും ചിലർ ചോദിച്ചിരുന്നു

ആത്മാവിന്റെ അംശമായി പിറന്നവൻ എന്ന നിലയിലാണ് വിജയ് മാധവ് കുഞ്ഞിന് ആ പേര് നൽകിയത്. ഇതേക്കുറിച്ച് വിശദമായി ഒരു പോസ്റ്റ് ഇടുകയും ചെയ്തു. വീട്ടിൽ നടന്ന ലളിതമായ ചടങ്ങിലാണ് കുഞ്ഞിന് പേര് നൽകിയത്. ഈസ്റ്റർ ആശംസ നേർന്നുകൊണ്ട് വിജയ് മാധവ് പോസ്റ്റ് ചെയ്ത ചിത്രമാണിത്. മകൻ പിറന്ന ശേഷമുള്ള ആദ്യ ഈസ്റ്ററാണിത്

ഭക്തിസാന്ദ്രമായ വേളയിലാണ് കുഞ്ഞിന്റെ ജനനം. മകൻ പിറന്നതിന്റെ അടുത്ത ദിവസമായിരുന്നു പ്രശസ്തമായ ആറ്റുകാൽ പൊങ്കാല

ദേവിക നമ്പ്യാരും മകൻ ആത്മജ മഹാദേവും