Trisha | തൃഷയ്ക്കൊപ്പം ജന്മദിനം പങ്കിടുന്ന മലയാളത്തിന്റെ കുഞ്ഞ് താരപുത്രൻ; പിറന്നാളുകാർ നേരിട്ട് കണ്ടപ്പോൾ

നടി തൃഷ കൃഷ്ണൻ (Trisha Krishnan) സിനിമയിലെത്തിയിട്ട് രണ്ടു പതിറ്റാണ്ട് പിന്നിട്ടു എന്ന് പറഞ്ഞാൽ തന്നെ അവരുടെ ആരാധകർക്ക് വിശ്വസിക്കാൻ അൽപ്പം പ്രയാസമാകും. തൃഷയെ കണ്ടാൽ ഇന്നും പ്രായം പറയില്ല എന്നതാണ് ഒരു സുപ്രധാന കാരണം. ഇന്നും തൃഷ എന്നാൽ 'മൗനം പേസിയതെ'യിലെ യുവ നായിക എന്ന പോലുണ്ട് എന്ന് ആരാണ് പറയാതിരിക്കുക? തൃഷയ്ക്ക് പ്രായം 40 ആയി

പൊന്നിയിൻ സെൽവനിലെ 'കുന്ദവൈ' എന്ന കഥാപാത്രമായി തൃഷ പ്രേക്ഷകരുടെ മനം കവർന്നതേയുള്ളൂ. തൃഷയ്‌ക്കൊപ്പം പിറന്നാൾ ആഘോഷിക്കുന്ന മറ്റൊരാൾ കൂടിയുണ്ട്. മലയാളത്തിന്റെ ഒരു പ്രിയ താരപുത്രനാണത്. കക്ഷിയാണ് തൃഷയുടെ കണ്ണുകളിൽ നോക്കി വിശേഷം പറയുന്നത് (തുടർന്ന് വായിക്കുക)

തൃഷയുടെ കയ്യിലെ കുഞ്ഞുവാവയ്ക്കിത് രണ്ടാം പിറന്നാളാണ്. ലൂക്ക എന്ന് പറഞ്ഞാൽ തന്നെ പലരും അറിയും. അധികം കൊട്ടിഘോഷിക്കപ്പെടാതെ കുഞ്ഞിന്റെ സ്വകാര്യത കാത്തുസൂക്ഷിക്കാൻ അവന്റെ അമ്മയും അച്ഛനും ശ്രദ്ധാലുവായിരുന്നു

മിയ ജോർജ്, അശ്വിൻ ഫിലിപ് ദമ്പതികളുടെ മകനാണിത്. പിറന്ന ഉടൻ തന്നെ ചിത്രങ്ങളോ പോസ്റ്റോ ഇല്ലാത്തതിനാൽ കുഞ്ഞി ലൂക്കയുടെ ജന്മദിനവും അങ്ങനെ പുറത്തുവിട്ടിരുന്നില്ല

തൃഷയ്‌ക്കൊപ്പം വർക്ക് ചെയ്യാൻ സാധിച്ചതിലെ സന്തോഷവും കൂടി ചേർത്താണ് മിയ പിറന്നാൾ ആശംസിച്ചത്. തൃഷയിൽ നിന്നും ഒരുപാടു പഠിക്കാനുണ്ട്. ഒപ്പം ചിലവിട്ട ഓരോ നിമിഷവും മനസ്സിൽ കാത്തുസൂക്ഷിക്കും എന്നും മിയ. ഇവിടെയാണ് തന്റെ മകനും തൃഷയ്ക്കും ഒരേ ജന്മദിനമെന്നു മിയ കുറിച്ചത്

വിജയ് നായകനാവുന്ന 'ലിയോ' ആണ് തൃഷയുടേതായി പ്രതീക്ഷിക്കുന്ന വമ്പൻ റിലീസ്. ഈ സിനിമയുടെ ചിത്രീകരണം കശ്മീരിലും ചെന്നൈയിലുമായി നടന്നു

മോഹൻലാൽ നായകനാവുന്ന ജീത്തു ജോസഫ് ചിത്രം 'റാം' തൃഷ മലയാളത്തിൽ അഭിനയിക്കുന്ന സിനിമയാണ്. ഇതിൽ ഡോ. വിനീത എന്ന കഥാപാത്രത്തെ താരം അവതരിപ്പിക്കും എന്നാണ് വിവരം