Aamir Khan| ആമിർ ഖാൻ മൂന്നാമതും വിവാഹിതനാകുന്നോ? സത്യാവസ്ഥ ഇതാണ്

ബോളിവുഡ് (Bollywood)താരം ആമിർ ഖാൻ (Aamir Khan)വീണ്ടും വിവാഹിതനാകുന്നോ? താരത്തിന്റെ വിവാഹമോചന (Divorce)വാർത്ത പുറത്തു വന്നതിനു പിന്നാലെ ബോളിവുഡിൽ ചർച്ചയായിക്കൊണ്ടിരിക്കുന്ന കാര്യമാണിത്. (Image: Instagram)

കഴിഞ്ഞ ജുലൈ മൂന്നിനാണ് ആമിർ ഖാനും കിരൺ റാവുവും വിവാഹമോചന വാർത്ത ഔദ്യോഗികമായി അറിയിക്കുന്നത്. ആമിർ ഖാന്റെ രണ്ടാം വിവാഹമായിരുന്നു ഇത്. ഈ ബന്ധത്തിൽ ഒരു മകനും ആമിറിനുണ്ട്.

ദംഗലിൽ ഒപ്പം അഭിനയിച്ച നടിയുമായി ആമിർ ഖാൻ അടുപ്പമുണ്ട് എന്ന തരത്തിലും വാർത്തകൾ പ്രചരിച്ചിരുന്നു. വിവാഹ മോചനത്തിന് കാരണവും ഈ നടിയുമായുള്ള ബന്ധമാണെന്നായിരുന്നു ഗോസിപ്പുകൾ. അടുത്തിടെ ആമിർ ഖാൻ മൂന്നാമതും വിവാഹിതനാകാനുള്ള ഒരുക്കത്തിലാണ് എന്നാണ് പ്രചരിച്ച മറ്റൊരു വാർത്ത.

താൻ ഇതുവരെ കണ്ടിട്ടു പോലുമില്ലാത്ത ഒരു കൂട്ടം അപരിചിതർ തന്നെ കുറിച്ചുള്ള കാര്യങ്ങൾ എഴുതുകയാണ് എന്നായിരുന്നു ആമിറുമായുള്ള അടുപ്പത്തെ കുറിച്ചുള്ള ചോദ്യത്തിന് നടി ഫാത്തിമ സന ഷെയ്ഖ് പ്രതികരിച്ചത്. പറയുന്ന കാര്യങ്ങളിൽ അൽപമെങ്കിലും വാസ്തവമുണ്ടോ എന്നു പോലും ഇക്കൂട്ടർക്ക് അറിയില്ല.

ഇതുവായിക്കുന്നവർ ഞാനൊരു നല്ല വ്യക്തിയല്ല എന്നും കരുതുന്നു. ആളുകൾ തന്നെ കുറിച്ച് തെറ്റായ കാര്യങ്ങൾ വിശ്വസക്കുന്നതിൽ ബുദ്ധിമുട്ടുണ്ട്. ഇങ്ങനെയുള്ള കാര്യങ്ങൾ നേരിട്ടു ചോദിച്ചാൽ സത്യം പറയാമെന്നുമായിരുന്നു സനയുടെ മറുപടി.

അതേസമയം, ആമിർ ഖാന്റെ മൂന്നാം വിവാഹ വാർത്തകൾ വ്യാജമാണെന്നാണ് ഇന്ത്യ ടുഡേ റിപ്പോർട്ട് ചെയ്യുന്നത്. ആമിറുമായി അടുത്ത വൃത്തങ്ങൾ വിവാഹ വാർത്ത നിഷേധിച്ചതായി റിപ്പോർട്ടിൽ പറയുന്നു.

ലഗാന്‌ എന്ന സിനിമയുടെ സെറ്റിൽ വെച്ചാണ് ആമിർ ഖാനും കിരൺ റാവുവും പരിചയപ്പെടുന്നത്. ചിത്രത്തിന്റെ അസിസ്റ്റൻര് ഡയറക്ടർമാരിൽ ഒരാളായിരുന്നു കിരൺ. 2002 ൽ ആദ്യ ഭാര്യയായ റീന ദത്തയുമായുള്ള വിവാഹ മോചനത്തിന് ശേഷമായിരുന്നു ആമിറും കിരണും തമ്മിലുള്ള വിവാഹം.

2008 ഡിസംബർ അഞ്ചിനായിരുന്നു കിരൺ-ആമിർ വിവാഹം നടന്നത്. ഇവർക്ക് ആസാദ് റാവു ഖാൻ എന്ന മകനുമുണ്ട്.