Unni Mukundan | ആ കൂട്ടത്തിൽ 'നരേന്ദ്ര മോദി അപ്പൂപ്പന്റെ' പാവയുമുണ്ട്; ഉണ്ണിയുടെ പാവ കളക്ഷനെക്കുറിച്ച് ദേവനന്ദയും ശ്രീപഥും

നടൻ ഉണ്ണി മുകുന്ദന് (Unni Mukundan) പാവകളോടുള്ള കമ്പം പ്രസിദ്ധമാണ്. കൊച്ചുകുട്ടികളുടെ കയ്യിൽ ഉള്ളതിനേക്കാളും ആരും കൊതിക്കുന്ന പാവകൾ ഒരുപക്ഷെ ഉണ്ണിമുകുന്ദന്റെ വീട്ടിൽ കയറിയാൽ കാണാൻ സാധിക്കും. ആരാധകർക്ക് കൂളിംഗ് ഗ്ലാസ് വരെ പാർസൽ അയച്ചുകൊടുത്ത ഉണ്ണി പക്ഷെ പാവകളിൽ ഒന്നിനെ ആരെങ്കിലും ചോദിച്ചാൽ കൊടുക്കുമോ എന്ന കാര്യത്തിൽ സംശയിക്കേണ്ടിയിരിക്കുന്നു

അടുത്തിടെ കുട്ടികളെ കേന്ദ്രകഥാപാത്രമാക്കി ഉണ്ണി അഭിനയിച്ച ചിത്രം 'മാളികപ്പുറം' തിയേറ്ററിൽ റിലീസ് ചെയ്തിരുന്നു. ദേവനന്ദ, ശ്രീപഥ് എന്നിവരാണ് അഭിനയിച്ചത്. ഉണ്ണിയുടെ പാവ കളക്ഷനെക്കുറിച്ച് ഇപ്പോൾ കുട്ടികളുടെ പക്കൽ നിന്നുതന്നെ വിവരം പുറത്തുവന്നിട്ടുണ്ട്. ബിഹൈൻഡ് വുഡ്സിനു നൽകിയ അഭിമുഖത്തിലാണ് 'നരേന്ദ്ര മോദി' അപ്പൂപ്പന്റെ വരെ പാവയെ കണ്ട കാര്യം വെളിപ്പെടുത്തിയത് (തുടർന്ന് വായിക്കുക)

ഡിസ്നി കളക്ഷൻസ് മുതൽ സ്വന്തം ടോയ് വരെ ഉണ്ണിയേട്ടന്റെ അടുത്തുണ്ടത്രേ. സ്‌പൈഡർമാൻ, സൂപ്പർമാൻ ഒക്കെ അവർക്കിടയിൽ കാണാം. ജീവിതത്തിൽ പോസറ്റീവ് ആയിരിക്കാനാണ് ഇതൊക്കെ ചെയ്യുന്നതെന്ന് ഉണ്ണി മുകുന്ദൻ

പ്രായം കൂടി എന്ന് കരുതി ജീവിതത്തിൽ സന്തോഷം തരുന്ന കാര്യങ്ങൾ ഉപേക്ഷിക്കണം എന്നില്ല എന്ന് ഉണ്ണി. പാവകൾക്കൊക്കെ ജീവനുണ്ട്, പവറുണ്ട് എന്ന് പറഞ്ഞ് ഉണ്ണി പറ്റിച്ചു എന്നും കുട്ടികൾ പറയുന്നു

കൂട്ടത്തിൽ നരേന്ദ്ര മോദി അപ്പൂപ്പന്റെ ഡോളുണ്ട്. ആ പാവ എന്താണ് ചെയ്യുന്നതെന്ന് ചോദിച്ചപ്പോൾ ആൾ ഇങ്ങനെ ഹെഡ് ആയിട്ട് അനങ്ങാതിരിക്കും എന്നായിരുന്നു ഉണ്ണി പറഞ്ഞതെന്ന് ദേവനന്ദ

കുട്ടികളുടെ ഈശ്വര ഭക്തിയിൽ വേരൂന്നിയ ചിത്രം സമൂഹത്തിന്റെ നാനാ തുറകളിൽ നിന്നുള്ള പ്രേക്ഷകരിൽ നിന്നും മികച്ച അഭിപ്രായം നേടിവരുന്നു. ചിത്രം വേൾഡ് വൈഡ് കളക്ഷനിൽ 25 കോടി പിന്നിട്ടു