Unni Mukundan | പ്രധാനമന്ത്രിക്ക് കൃഷ്ണ വിഗ്രഹം സമ്മാനിച്ച്, ഗുജറാത്തിയിൽ സംസാരിച്ച് ഉണ്ണി മുകുന്ദൻ; വിവാഹക്ഷണക്കത്ത് കൈമാറി സംവിധായകൻ വിഷ്ണു മോഹൻ

കേരള സന്ദർശനത്തിനെത്തിയ പ്രധാനമന്ത്രി നരേന്ദ്ര മോദിക്ക് (Narendra Modi) കൃഷ്ണ വിഗ്രഹം സമ്മാനിച്ച് നടൻ ഉണ്ണി മുകുന്ദൻ (Unni Mukundan). തന്റെ 14 വയസ്സ് മുതൽ ഇന്ന് വരെ അദ്ദേഹത്തെ കാണാൻ കഴിഞ്ഞതിലെ സന്തോഷം ഉണ്ണി ഫേസ്ബുക്ക് പോസ്റ്റിൽ കുറിച്ചു. നേരിൽക്കണ്ട് ഗുജറാത്തിയിൽ സംസാരിക്കണം എന്ന ആഗ്രഹവും പൂവണിഞ്ഞു എന്ന് ഉണ്ണി. പണ്ട് മോദിക്കൊപ്പം പട്ടം പറത്തിയ അനുഭവം ഒരിക്കൽ ഉണ്ണി മുകുന്ദൻ പങ്കിട്ടിരുന്നു

പ്രധാനമന്ത്രിക്കൊപ്പം 45 മിനിറ്റുകൾ ഉണ്ണിക്ക് ചിലവിടാൻ സാധിച്ചു. ജീവിതത്തിലെ മികച്ച 45 മിനിറ്റുകളാണത് എന്ന് ഉണ്ണി. അദ്ദേഹം മാത്രമല്ല, മേപ്പടിയാൻ സംവിധായകൻ വിഷ്ണു മോഹനും സന്ദർശനത്തിനെത്തി. വിവാഹക്ഷണമായിരുന്നു മുഖ്യ വിഷയം (തുടർന്ന് വായിക്കുക)

ബി.ജെ.പി. നേതാവ് എ.എൻ. രാധാകൃഷ്ണന്റെ മകൾ അഭിരാമിയാണ് വിഷ്ണുവിന്റെ വധു. ആദ്യ വിവാഹക്ഷണം മോദിജിക്കാണ്. ശേഷം തന്റെ മനസ്സിലെ സന്തോഷം വിഷ്ണു വാക്കുകളിൽ കുറിച്ചു: 'നടന്നത് സ്വപ്നമാണോ യാഥാർഥ്യമാണോ എന്ന് ഇപ്പോഴും തിരിച്ചറിയാൻ പറ്റാത്ത അവസ്ഥയിൽ ആണ്...

'വിവാഹത്തിന്റെ ആദ്യ ക്ഷണക്കത്ത് ആദരണീയനായ പ്രധാനമന്ത്രി ശ്രീ നരേന്ദ്ര മോഡിജിക്ക് നൽകാനും വെറ്റിലയും അടക്കയും കസവ് മുണ്ടും നൽകി അനുഗ്രഹം വാങ്ങിക്കാനുമുള്ള മഹാഭാഗ്യം ഇന്ന് ഞങ്ങൾക്ക് ഉണ്ടായി. കേരളീയ വേഷത്തിൽ ഋഷിതുല്യനായ അദ്ദേഹം ഒരു കാരണവരെ പോലെ തലയിൽ കയ്യ് വച്ച് അനുഗ്രഹിച്ചപ്പോൾ ഒരു ജന്മം സഫലമായ അനുഭൂതി ആയിരുന്നു...

'വിവാഹിതരാകാൻ പോകുന്ന എനിക്കും അഭിരാമിക്കും ഇതിലും വലിയൊരു സുകൃതം ലഭിക്കാനുമില്ല എന്ന്‌ കരുതുന്നു. അദ്ദേഹം പറഞ്ഞ വാക്കുകൾ തരുന്ന ഊർജം ഈ ആയുഷ്കാലം മുഴുവൻ നീണ്ടുനിൽക്കും. ഞങ്ങളോടൊപ്പം അഭിരാമിയുടെ അച്ഛനും അമ്മയും ഈ സന്തോഷനിമിഷത്തിനു സാക്ഷികളായി ഉണ്ടായിരുന്നു....

'I will try my best to attend' ഈ വാക്കുകൾ മാത്രം മതി വിവാഹത്തിന് എത്തില്ല എങ്കിൽ പോലും ആ ദിവസം ധന്യമാകാൻ. നന്ദി മോഡിജി'