ജി 7 ഉച്ചകോടിയ്ക്കിടെ മോദിയെ തോളില്‍ തട്ടിവിളിച്ച് യുഎസ് പ്രസിഡന്‍റ് ജോ ബൈഡന്‍ ; സൗഹൃദ നിമിഷങ്ങള്‍

ജര്‍മനിയില്‍ നടന്ന ജി 7 ഉച്ചകോടിയ്ക്കിടെ  പ്രധാനമന്ത്രി നരേന്ദ്ര മോദിയുമായി സൗഹൃദം പങ്കിട്ട് അമേരിക്കന്‍ പ്രസിഡന്റ് ജോ ബൈഡന്‍. ഇതിന്റെ ദൃശ്യങ്ങള്‍ സാമൂഹികമാധ്യമങ്ങളില്‍ വൈറലാവുകയാണ്. ഗ്രൂപ്പ് ഫോട്ടോയ്ക്കായി തയാറെടുക്കുന്നതിനിടെ മോദിയെ പിന്നില്‍ നിന്ന് തോളില്‍ തട്ടി വിളിക്കുന്ന ബൈഡനെ കണ്ടതും ഫോട്ടോഗ്രാഫര്‍മാര്‍ ആ നിമിഷം ക്യാമറയില്‍ പകര്‍ത്തി.

കാനധ പ്രധാനമന്ത്രി ജസ്റ്റിന്‍ ട്രൂഡോയുമായി മോദി സംസാരിക്കുന്നതിനിടയിലാണ് ബൈഡന്‍ മോദിയുടെ അടുത്തേക്ക് എത്തിയത്. ബൈഡനെ കണ്ട സന്തോഷം പ്രധാനമന്ത്രി നരേന്ദ്രമോദിയും പ്രകടിപ്പിച്ചു. ഇരുവരും ഹസ്തദാനം ചെയ്യുകയും പരസ്പരം ആശ്ലേഷിക്കും ചെയ്ത് പരിചയം പുതുക്കി.

കഴിഞ്ഞ മാസം ജപ്പാനിൽ ക്വാഡ് ഉച്ചകോടിയിൽ ഇരുവരും കൂടിക്കാഴ്ച നടത്തിയിരുന്നു. ഫ്രഞ്ച് പ്രസിഡന്റ് ഇമ്മാനുവൽ മക്രോ, കാനഡ പ്രധാനമന്ത്രി ജസ്റ്റിൻ ട്രൂഡോ എന്നിവരുമായി മോദി ചർച്ച നടത്തി

ദക്ഷിണാഫ്രിക്കൻ പ്രസിഡന്റ് സിറിള്‍ രാമ ഫോസയുമായി പ്രധാനമന്ത്രി പ്രത്യേക കൂടിക്കാഴ്ച നടത്തി. ജി 7 കൂട്ടായ്മയിലെ അംഗങ്ങളായ രാജ്യങ്ങളുമായുള്ള ഇന്ത്യയുടെ സൗഹൃദം പുതുക്കലിന്‍റെ ഭാഗമായിരുന്നു കൂടിക്കാഴ്ച.

യുഎസ്, യുകെ, കാനഡ, ജപ്പാൻ, ഫ്രാൻസ്, ജർമനി, ഇറ്റലി എന്നീ രാജ്യങ്ങളുടെ കൂട്ടായ്മയാണു ജി7. ഇന്ത്യയ്ക്കു പുറമേ അർജന്റീന, ഇന്തൊനീഷ്യ, സെനഗൽ, ദക്ഷിണാഫ്രിക്ക എന്നീ രാജ്യങ്ങൾ പ്രത്യേക ക്ഷണിതാക്കളാണ്.

ഉച്ചകോടിക്കെത്തിയ പ്രധാനമന്ത്രി നരേന്ദ്ര മോദിയെ ജർമൻ ചാൻസലർ ഒലാഫ് ഷോൾസ് സ്വീകരിച്ചു.വികസ്വര രാജ്യങ്ങളിലെ അടിസ്ഥാന സൗകര്യവികസനത്തിനായി സ്വകാര്യ, പൊതുമേഖലകൾക്ക് 60,000 കോടി ഡോളർ നീക്കിവയ്ക്കുമെന്ന് ജി7 ഉച്ചകോടി വാഗ്ദാനം ചെയ്തു