Veena Nair | ഡിവോഴ്സ് ആയിട്ടില്ല, പിരിഞ്ഞാണ് താമസം; മകന്റെ അച്ഛന്റെ സ്ഥാനം... വീണ നായർ മനസുതുറക്കുന്നു

നടി, നർത്തകി, ബിഗ് ബോസ് മത്സരാർത്ഥി എന്നിങ്ങനെ നിരവധി മേഖലകളിൽ തന്റെ കയ്യൊപ്പ് പതിപ്പിച്ച താരം എന്ന നിലയിൽ വീണ നായർ മലയാളി പ്രേക്ഷകർക്കിടയിൽ സജീവമായിട്ട് വർഷങ്ങൾ പലതായി. മിനി സ്ക്രീനിലും വെള്ളിത്തിരയിലും വീണയുടെ കഥാപാത്രങ്ങൾ പ്രേക്ഷകർക്ക് ഒരുപോലെ സ്വീകാര്യമായി മാറുകയുമുണ്ടായി. ബിഗ് ബോസ് മത്സരത്തിന് ശേഷമാണ് വീണയുടെ വ്യക്തി ജീവിതം പ്രേക്ഷരുടെ മുന്നിലേക്കെത്തിയത്

അച്ഛനമ്മമാരെ നഷ്‌ടമായ വീണ ബിഗ് ബോസ് വീട്ടിൽ എപ്പോഴും പറയുന്ന പേരുകൾ കണ്ണേട്ടൻ, അമ്പൂച്ചൻ എന്നിവരുടേതായിരുന്നു. ഭർത്താവ് ആർ.ജെ. അമനും, മകൻ അമ്പാടിയുമാണത്. അവരെ മിസ് ചെയ്യുന്ന കാര്യവും വീണ പലകുറി പ്രകടിപ്പിച്ചിരുന്നു. എന്നാൽ പിന്നീടെപ്പോഴോ വീണ ഭർത്താവുമായി പിരിയുന്നു എന്ന തരത്തിലെ വാർത്തകളും വരാൻ തുടങ്ങി. ഇപ്പോൾ അതിന്റെ സത്യാവസ്ഥ വീണ വെളിപ്പെടുത്തുന്നു (തുടർന്ന് വായിക്കുക)

മകൻ അമ്പാടി ഒന്നാം ക്‌ളാസിലാവുന്നു. ഇപ്പോൾ അച്ഛന്റെ മാതാപിതാക്കൾക്കൊപ്പം വെക്കേഷന്റെ അവസാനഭാഗം ചിലവിടാൻ അമ്പാടി പോയിക്കഴിഞ്ഞു. താനും ഭർത്താവും പിരിഞ്ഞാണ് കഴിയുന്നത് എന്ന് വീണ ഒരു അഭിമുഖത്തിൽ വ്യക്തമാക്കി

താനും പങ്കാളിയും പിരിഞ്ഞാലും, ഇനി ഭാവിയിൽ വേറെ വിവാഹം കഴിച്ചാലും, മകന്റെ അച്ഛൻ എന്ന സ്ഥാനം അദ്ദേഹത്തിൽ നിന്നും വേർപെടുത്താൻ ആർക്കും സാധിക്കില്ല എന്ന് വീണ. അക്കാരണം കൊണ്ടാണ് മകനെ അവന്റെ അപ്പൂപ്പനും അമ്മൂമ്മയ്ക്കും ഒപ്പം വിട്ടത്

നാളെ ഒരുകാലത്ത് ആ സ്നേഹം നിഷേധിച്ചില്ലേ എന്ന ചോദ്യത്തിന് താൻ മകനോട് ഉത്തരം പറയേണ്ട സാഹചര്യം ഉണ്ടാവരുത്. രണ്ടു വർഷമായി മാറിത്താമസിക്കുകയാണ്. വീണ കൊച്ചിയിലാണ് താമസം. ഡിവോഴ്സ് ആയിട്ടില്ല

താനും അമനും ഇപ്പോഴും സംവദിക്കാറുണ്ട്. വഴക്കുകളും ഉണ്ടാവാറുണ്ട്. ഒരുപക്ഷെ വീണ്ടും ഒന്നിക്കില്ല എന്ന് പറയാനും സാധിക്കില്ല. ജീവിതം എപ്പോൾ വേണമെങ്കിലും മാറിമറിയാം എന്ന കാര്യത്തിൽ വീണ വിശ്വസിക്കുന്നു

'വെള്ളിമൂങ്ങ' എന്ന സിനിമയിലെ വീണയുടെ വേഷം ഏറെ ശ്രദ്ധിക്കപ്പെട്ടിരുന്നു. വീണയുടെ ആദ്യ സിനിമയും വെള്ളിമൂങ്ങയാണ്