Vidhu Prathap | 'മൂന്നു തവണ മൊഴി ചൊല്ലാനാണോ നീ മൂന്നു തവണ കെട്ടുന്നേ?' സിത്താരയ്ക്ക് വിധു പ്രതാപിന്റെ കലക്കൻ റിപ്ലൈ

താരങ്ങൾ പോസ്റ്റ് ഇടുന്നതും ആ പോസ്റ്റിൽ സുഹൃത്തുക്കളായ മറ്റുള്ളവർ വന്നു ഗോൾ അടിക്കുന്നതുമെല്ലാം സോഷ്യൽ മീഡിയ യുഗത്തിൽ വളരെ രസകരമായി ആരാധകർ ആസ്വദിക്കാറുണ്ട്. അത്തരത്തിൽ പരസ്പരം പയറ്റി തെളിയുകയാണ് ഗായിക സിത്താര കൃഷ്ണകുമാറും (Sithara Krishnakumar) ഗായകൻ വിധു പ്രതാപും (Vidhu Prathap). സിത്താരയുടെ പോസ്റ്റിൽ കേറി ഗോൾ അടിച്ചാണ് വിധു ഇക്കുറി സ്കോർ ചെയ്തത്

വിധു പ്രതാപിന്റെയും ഭാര്യ ദീപ്തി വിധു പ്രതാപിന്റെയും നല്ല സുഹൃത്താണ് സിത്താര. ഇവരുടെ സോഷ്യൽ മീഡിയ പോസ്റ്റുകൾ തന്നെ അതിനാധാരമെന്ന് വേണമെങ്കിൽ പറയാം. കഴിഞ്ഞ ദിവസം ദീപ്തിക്കൊപ്പം നിൽക്കുന്ന ചിത്രവും കുറിപ്പും സിത്താര ഇൻസ്റ്റഗ്രാമിൽ പോസ്റ്റ് ചെയ്തിരുന്നു (തുടർന്ന് വായിക്കുക)

തന്റെ ഏറ്റവും വിശ്വസ്തയായ സുഹൃത്താണ് ദീപ്തി. മറ്റു സൗഹൃദങ്ങളെ അപേക്ഷിച്ച് വളരെ പതിയെയാണ് ഈ ബന്ധം തുടങ്ങിയതെന്ന് സിത്താര. എന്നാലത് കാലക്രമേണ ദൃഢമാവുകയായിരുന്നു

'ഈ സജീഷും വിധു പ്രതാപും സമ്മതിച്ചിരുന്നെങ്കിൽ നിന്നെ ഞാൻ മിനിമം മൂന്ന് പ്രാവശ്യം കല്യാണം കഴിച്ചേനേ ദീപ്തിമോളെ... പോരുന്നോ എന്റെ കൂടെ' എന്ന് പറഞ്ഞാണ് സിത്താര പോസ്റ്റ് അവസാനിപ്പിച്ചത്

ഇതിൽക്കേറി സ്കോർ ചെയ്യാൻ വിധു പ്രതാപിന് അധികം സമയം വേണ്ടിവന്നില്ല. 'മൂന്നു തവണ മൊഴി ചൊല്ലാനാണോ നീ മൂന്നു തവണ കെട്ടുന്നേ?' എന്നാണ് വിധുവിന്റെ റിപ്ലൈ

വിധുവിന്റെ കമന്റിന് സിത്താരയ്ക്ക് പോലും ചിരിയടക്കാൻ കഴിഞ്ഞില്ല. കണ്ണുനിറഞ്ഞൊഴികി ചിരിക്കുന്ന സ്മൈലി സിത്താര മറുപടിയായി നൽകി. ദീപ്തിയും കമന്റ് ചെയ്തിട്ടുണ്ട്

നാല് മലയാള ചിത്രങ്ങളിൽ വിധു പ്രതാപും സിത്താര കൃഷ്ണകുമാറും ഒന്നിച്ച് ഗാനമാലപിച്ചിട്ടുണ്ട്. സ്റ്റേജ് ഷോകളിലും ഇരുവരും ഒന്നിച്ച് പങ്കെടുത്തിട്ടുണ്ട്. ദീപ്തി നർത്തകിയാണ്

സിത്താരയുടെ പോസ്റ്റും അതിന് വിധു പ്രതാപ് നൽകിയ മറുപടിയും