കറുത്ത ഷർട്ടും കാവി മുണ്ടും ചുറ്റി മല കയറൽ; ഭർത്താവും പിതാവുമായ ശേഷം ശബരിമലയിൽ വിഗ്നേഷ് ശിവൻ

കേരളക്കരയാകെ 'മാളികപ്പുറം' സിനിമയുടെ വിജയാഘോഷത്തിലാണ്. അയ്യപ്പ ഭക്തരുടെ കഥ പറഞ്ഞ സിനിമയ്ക്ക് വൻ സ്വീകരണം ലഭിച്ച പശ്ചാത്തലത്തിലും അടുത്ത ദിവസം മകരവിളക്ക് ദർശനം സാധ്യമാവുന്ന വേളയിലും മല ചവിട്ടാനൊരുങ്ങി മറ്റൊരു താരം. ഭർത്താവും പിതാവുമായ ശേഷം ആദ്യമായി ശബരിമല കയറുകയാണ് സംവിധായകനും നടി നയൻതാരയുടെ ഭർത്താവുമായ വിഗ്നേഷ് ശിവൻ

എരുമേലിയിൽ നിന്നും നാല് കിലോമീറ്റർ അകലെ നിൽക്കുന്ന ചിത്രമാണ് അദ്ദേഹം പോസ്റ്റ് ചെയ്തത്. ക്യാപ്‌ഷനിൽ 'സ്വാമിയേ ശരണമയ്യപ്പ' എന്ന് രേഖപ്പെടുത്തിയിട്ടുണ്ട്. താരജാഡ തെല്ലുമില്ല എന്ന് ചിത്രം പറയും. ചിത്രത്തിൽ വിഗ്നേഷ് ചെരുപ്പ് പോലും ധരിച്ചിട്ടില്ല (തുടർന്ന് വായിക്കുക)

ശബരിമലയിൽ പോകാൻ വിഗ്നേഷ് ചെന്നൈ എയർപോർട്ടിൽ എത്തിയ വിവരം തമിഴ് മാധ്യമങ്ങൾ റിപ്പോർട്ട് ചെയ്തിട്ടുണ്ട്

2020ലും വിക്കി മകരജ്യോതി കാണാൻ സന്നിധാനത്തെത്തിയിരുന്നു. അന്ന് നയൻ‌താര മൂക്കുത്തി അമ്മൻ സിനിമയിലേക്ക് പ്രവേശിക്കുന്ന വേളയായിരുന്നു

അന്ന് മകരജ്യോതി ദർശനത്തിന് പോയി രണ്ടുവർഷം തികഞ്ഞ വേളയിലാണ് വിഗ്നേഷ് വീണ്ടും മല ചവിട്ടുന്നത് എന്നത് തീർത്തും യാദൃശ്ചികം

2022ലാണ് വിഗ്നേഷ് നയൻതാരയ്ക്ക് താലി ചാർത്തിയത്. നാല് മാസങ്ങൾ പിന്നിട്ടതും വാടക ഗർഭധാരണത്തിലൂടെ ഇരുവരും ഉയിർ, ഉലകം എന്നീ ഇരട്ടക്കുട്ടികളുടെ അച്ഛനമ്മമാരായി. രണ്ടും ആൺകുട്ടികളാണ്