Nayanthara | ജോലിക്കാരുണ്ടെന്നാലും ഭക്ഷണം കഴിച്ച പാത്രങ്ങൾ നയൻ‌താര പാതിരാത്രിയിൽ കഴുകി വൃത്തിയാക്കും: വിഗ്നേഷ് ശിവൻ

കുറച്ചു ദിവസങ്ങളായി സുഹാസിനി മണിരത്നവുമായുള്ള സംവിധായകൻ വിഗ്നേഷ് ശിവന്റെ (Vignesh Shivan) അഭിമുഖ സംഭാഷണം എങ്ങും ശ്രദ്ധ നേടുകയാണ്. 'ഗെയിം ചെയ്‌ഞ്ചേഴ്‌സ് വിത്ത് സുഹാസിനി മണിരത്നം' എന്നാണു പരിപാടിയുടെ പേര്. താനും നയൻതാരയും (Nayanthara) ചേർന്നുള്ള കുടുംബ ജീവിതത്തിന്റെ മനോഹര സന്ദർഭങ്ങൾ, മക്കൾക്കൊപ്പമുള്ള ജീവിതം തുടങ്ങിയ കാര്യങ്ങൾ വിഗ്നേഷ് ഇതിൽ തുറന്നു പറഞ്ഞിരുന്നു

അഭിനേത്രിയും സ്റ്റാറുമായ വ്യക്തി ഭാര്യയാവുന്നതിനെക്കുറിച്ചായിരുന്നു സുഹാസിനിയുടെ മറ്റൊരു ചോദ്യം. വളരെ മനോഹരമായ മറുപടിയാണ് വിഗ്നേഷ്  നൽകിയത്. കുടുംബജീവിതത്തിൽ നയൻ‌താരയാണ് കാര്യങ്ങൾ എളുപ്പമാക്കുന്ന വ്യക്തി എന്ന് വിഗ്നേഷ് ശിവൻ. അതേക്കുറിച്ച് വിഗ്നേഷ് വിശദമാക്കുകയും ചെയ്തു (തുടർന്ന് വായിക്കുക)

ഇരട്ടക്കുട്ടികളായുള്ള മക്കൾ പിറന്ന ശേഷം കുടുംബത്തിന് നയൻസ് നൽകുന്ന പ്രാധാന്യം ഏവരും കണ്ടതാണ്. അതുവെറും തോന്നലല്ല എന്ന് വിഗ്നേഷ് ശിവൻ അടിവരയിട്ടു പറയും. ബന്ധങ്ങൾ ശരിയായ രീതിയിൽ കൈകാര്യം ചെയ്യുന്നയാൾ നയൻ‌താരയാണത്രേ. വീടിനുള്ളിൽ താൻ സംവിധായകനും, ഭാര്യ സ്റ്റാറുമല്ല

'ഞാൻ വളർന്നു വരുന്ന ഒരു സംവിധായകനാണ്. എനിക്ക് ശക്തമായ അടിത്തറ ഉണ്ടാവുന്നതെയുള്ളൂ. നയൻ‌താര സ്റ്റാർ ആയിക്കഴിഞ്ഞു. അതവരുടെ ജോലിയോടുള്ള സമീപനം ഒന്നുകൊണ്ടു മാത്രമാണ്. ആത്മാർത്ഥതയും അർപ്പണബോധവുമുള്ളയാളാണ് നയൻ‌താര...'

'സ്വന്തം ജോലിയിൽ സർവം സമർപ്പിച്ച് അവർ പണിയെടുക്കും. എനിക്കൊപ്പമുള്ളപ്പോൾ ഒരു അഭിനേത്രി എന്ന നിലയിൽ പെരുമാറില്ല. ചിലപ്പോൾ ഞങ്ങൾ രാത്രി പന്ത്രണ്ടരയ്ക്കോ ഒരു മണിക്കോ ആവും ഭക്ഷണം കഴിക്കുക. മറ്റു ചിലപ്പോൾ സിനിമ കണ്ടിരുന്ന് വൈകി ഉറങ്ങും...

ഉറങ്ങാൻ പോകുന്നതിനു മുൻപ് ഭക്ഷണം കഴിച്ച പാത്രങ്ങൾ മുഴുവനും നയൻ‌താര കഴുകിവെക്കും. ഇപ്പോൾ ഞങ്ങൾക്ക് വീട്ടിൽ 10 ജോലിക്കാരുണ്ട്. വിളിച്ചാൽ അവർ എപ്പോൾ വേണമെങ്കിലും എഴുന്നേറ്റു വരികയും ചെയ്യും. എന്നാൽ...

അവൾ പാത്രങ്ങൾ സ്വന്തമായി വൃത്തിയാക്കി വച്ച ശേഷമേ ഉറങ്ങൂ. ചോദിച്ചാൽ ഒരു വീടിന് അതൊന്നും നല്ല കാര്യമല്ല എന്നാകും മറുപടി. അതൊരു ചെറിയ കാര്യമാണെങ്കിലും, നയൻ‌താര അങ്ങനെയാണ്...

ഇത്തരം ചെറിയ കാര്യങ്ങളാണ് അവളെ ഒരു നല്ല സ്ത്രീയാക്കുന്നത്. അതിനാൽ ബന്ധത്തിന്റെ കാര്യത്തിൽ കാര്യങ്ങൾ ആയാസരഹിതമാണ്. നയന്റേതു പോലെ ആറ്റിട്യൂട് ഉള്ളൊരു താരത്തെ ഞാൻ കണ്ടിട്ടില്ല. എന്റെ ജീവിതം എളുപ്പമാക്കുന്നത് അവളാണ്' എന്ന് വിഗ്നേഷ്

നയൻതാരയും വിഗ്നേഷ് ശിവനും മക്കളായ ഉയിർ, ഉലകം എന്നിവർക്കൊപ്പം. രുദ്രോനീൽ എൻ. ശിവൻ, ദൈവിക് എൻ. ശിവൻ എന്നിങ്ങനെയാണ് കുഞ്ഞുങ്ങളുടെ യഥാർത്ഥ പേര്