സന്നിധാനത്ത് നിന്ന് പൊങ്കൽ വാഴ്ത്തുക്കൾ; തമിഴനെങ്കിലും കേരളീയ വേഷത്തിൽ നയൻതാരയുടെ ഭർത്താവ് വിഗ്നേഷ് ശിവൻ

കേരളത്തിന്റെ മരുമകനായി തമിഴകത്തും നിന്നും വന്നു എങ്കിലും, വിഗ്നേഷ് ശിവന് (Vignesh Shivan) നമ്മുടെ നാടും പ്രിയപ്പെട്ടതാണ്. കഴിഞ്ഞ ദിവസങ്ങളിൽ വിക്കി ശബരിമല ദർശനത്തിനു പുറപ്പെട്ടെത്തിയ വിവരം വാർത്തയായിരുന്നു. കാവി മുണ്ടും, കറുത്ത ഷർട്ടും അണിഞ്ഞ് നഗ്നപാദനായാണ് വിക്കി ശബരിമലയിലേക്ക് പുറപ്പെട്ടത്

ഇന്ന് തമിഴകം തൈപ്പൊങ്കൽ ആഘോഷിക്കുന്ന വേളയിൽ കേരളത്തിൽ നിന്നും ഏവർക്കും ആശംസ നേരുകയാണ് വിഗ്നേഷ്. സന്നിധാനത്ത് കൈകൂപ്പി, കേരളീയ വേഷം ധരിച്ചു നിൽക്കുന്ന ചിത്രങ്ങൾ പോസ്റ്റ് ചെയ്താണ് വിക്കിയുടെ പൊങ്കൽ ആശംസകൾ (തുടർന്ന് വായിക്കുക)

നയൻതാരയെ വിവാഹം ചെയ്ത്, മക്കളായ ഉയിരും ഉലകവും പിറന്ന ശേഷം വിക്കി ആദ്യമായി അയ്യനെ കാണാനെത്തുന്നത് ഇപ്പോഴാണ്. മുൻവർഷങ്ങളിലും വിഗ്നേഷ് ശിവൻ ശബരിമല ദർശനം നടത്തിയിരുന്നു

2020ൽ നയൻ‌താര നായികാവേഷം ചെയ്ത മൂക്കുത്തി അമ്മൻ എന്ന സിനിമയുടെ ഷൂട്ടിങ്ങിനു മുൻപാണ് വിഗ്നേഷ് ശിവൻ ശബരിമലയിൽ എത്തിച്ചേർന്നത്

എരുമേലിയിൽ നിന്നും നാല് കിലോമീറ്റർ അകലെ നിൽക്കുന്ന ചിത്രവുമായാണ് വിഗ്നേഷ് ശിവൻ ഇക്കുറി മലകയറുന്ന വിവരം പോസ്റ്റ് ചെയ്തത്. ഒരു സിനിമയുമായി ബന്ധപ്പെട്ട ചടങ്ങിലും വിക്കി സംബന്ധിച്ചിരുന്നു

നയൻ‌താരയും വിഗ്നേഷ് ശിവനും അവരുടെ ഇരട്ടക്കുട്ടികളായ ഉയിരിനും ഉലകത്തിനുമൊപ്പം