എന്തൊരു എളിമ! വിമാനത്തിൽ ഇക്കോണമി ക്‌ളാസിൽ യാത്ര ചെയ്യുന്ന നായകനെ മനസ്സിലായോ

കുറച്ചു സിനിമകൾ സൂപ്പർ ഹിറ്റായി, ആരാധകർ എവിടെ ചെന്നാലും വളയുകയും പിന്നാലെ കൂടുകയും ചെയ്യും എന്ന നിലയെത്തിയാൽ, താരങ്ങൾ അവരുടെ യാത്രയുടെ കാര്യത്തിൽ അതീവ ശ്രദ്ധാലുക്കളാവും. സൂപ്പർ താരങ്ങൾ പലരും പിന്നീട് ബിസിനസ് ക്‌ളാസ്സിലോ, ചാർട്ടേഡ് വിമാനത്തിലോ മറ്റുമാവും യാത്ര. തങ്ങളുടെ സ്വകാര്യത മാനിച്ചുള്ള ഈ യാത്രയ്ക്ക് ഒരാൾ മാറ്റം കൊണ്ടുവന്നിരിക്കുന്നു

വിമാനത്തിനുള്ളിൽ ഇക്കോണമി ക്‌ളാസിൽ യാത്ര ചെയ്യുന്ന നടന്റെ വീഡിയോ സോഷ്യൽ മീഡിയയിൽ പ്രചരിക്കുകയാണ്‌. നിറയെ യാത്രക്കാരുള്ള വിമാനത്തിനുള്ളിലാണ് അദ്ദേഹം. വീഡിയോ ദൃശ്യങ്ങൾ പരിശോധിച്ചാൽ, ആ കണ്ണുകൾ മാത്രം മതി അതാരാണെന്ന് കണ്ടെത്താൻ (തുടർന്ന് വായിക്കുക)

തെന്നിന്ത്യൻ നടൻ എന്ന പേരിൽ തുടങ്ങി ഇന്ന് ഏകദേശം രാജ്യം മുഴുവനും അറിയപ്പെടുന്ന താരമായി മാറിയിരിക്കുകയാണ് അദ്ദേഹം. അടുത്ത ചിത്രത്തിന്റെ ഫസ്റ്റ് ലുക്കിന്റെ പേരിൽ അദ്ദേഹം വാർത്താ തലക്കെട്ടുകൾ കീഴ്പ്പെടുത്തിക്കഴിഞ്ഞു

പ്രിയപ്പെട്ട വിജയ് ദേവരകൊണ്ടയാണ് ഇത്. അനന്യ പാണ്ഡെക്കൊപ്പം പ്രധാന കഥാപാത്രത്തെ അവതരിപ്പിച്ച 'ലൈഗർ' ഈ വർഷം ഏറ്റവും കൂടുതൽ കാത്തിരിക്കുന്ന ചിത്രങ്ങളിൽ ഒന്നാണ്. ചിത്രത്തിനായി ആരാധകർ ആകാംക്ഷയോടെ കാത്തിരിക്കുമ്പോൾ അതിന്റെ പ്രമോഷനുകൾ പുരോഗമിക്കുകയാണ്

വിജയും അനന്യയും തങ്ങളുടെ സിനിമയുടെ പ്രചരണാർത്ഥം വിവിധ നഗരങ്ങളിൽ പോയി ആരാധകരെ കാണുന്നുണ്ട്. എന്നിരുന്നാലും അടുത്തിടെ ലൈഗറിന്റെ പ്രമോഷണൽ ടൂറുകളിലൊന്നിനായി ബിസിനസ് ക്ലാസിൽ യാത്ര ചെയ്യേണ്ടെന്ന് ഇരുവരും തീരുമാനിച്ചു. ഒരു വിമാനത്തിന്റെ ഇക്കണോമി ക്ലാസാണ് അവർ തിരഞ്ഞെടുത്തത്

ഇപ്പോൾ സോഷ്യൽ മീഡിയയിൽ വ്യാപകമായി ഷെയർ ചെയ്യപ്പെടുന്ന ഒരു വീഡിയോയിൽ, വിജയും അനന്യയും ഒരു വിമാനത്തിന്റെ ഇക്കണോമി ക്ലാസിൽ യാത്ര ചെയ്യുന്നത് കാണാം. സഹയാത്രികർ അവർക്കു ചുറ്റുമുണ്ട്

ഇതാദ്യമായല്ല ലൈഗർ താരങ്ങൾ തങ്ങളുടെ ലാളിത്യം കൊണ്ട് എല്ലാവരെയും ആകർഷിക്കുന്നത്. ചിത്രത്തിന്റെ ട്രെയ്‌ലർ ലോഞ്ച് ചടങ്ങിനിടെ, വിജയ് ദേവരകൊണ്ടയുടെ ഏറ്റവും ലളിതമായ ലുക്കായിരുന്നു ഏവരുടെയും ശ്രദ്ധ ആകർഷിച്ചത്. ലളിതമായ കാർഗോ പാന്റും കറുത്ത ടീ ഷർട്ടും ചപ്പലും ധരിച്ചിരുന്നു. വിജയ് ധരിച്ചിരുന്ന ചെരിപ്പിന് 199 രൂപ വിലയുള്ളതായി പിന്നീട് കണ്ടെത്തി