Vijay Deverakonda | രശ്മികയുമായി വിവാഹമുണ്ടോ? വാർത്തകളോട് പ്രതികരിച്ച് വിജയ് ദേവരകൊണ്ട

കഴിഞ്ഞ ദിവസമാണ് നടൻ വിജയ് ദേവരകൊണ്ടയും (Vijay Deverakonda) നടി രശ്മിക മന്ദാനയും (Rashmika Mandanna)വിവാഹിതരാകുന്നു എന്ന വാർത്ത പ്രചരിച്ചത്. പിന്നാലെ ഇത് വൈറലായി. ഇരുവരും തമ്മിൽ പ്രണയത്തിലാണെന്ന് നേരത്തേ തന്നെ ഗോസിപ്പുകളുണ്ടായിരുന്നു. ഇതിനിടയിലാണ് വിവാഹ വാർത്തയും വന്നത്. (image: Instagram)

തങ്ങൾ നല്ല സുഹൃത്തുക്കളാണെന്നാണ് വിജയും രശ്മികയും ആവർത്തിച്ചു പറഞ്ഞിരുന്നത്. പ്രണയത്തിലാണെന്ന വാർത്തകളോട് ഇരു താരങ്ങളും പൊതുവിൽ പ്രതികരിക്കാറുമുണ്ടായിരുന്നില്ല. എന്നാൽ വിജയും രശ്മികയും തമ്മിലുള്ള വിവാഹം തീരുമാനിച്ചുവെന്നും ഈ വർഷം അവസാനത്തോടെ ഉണ്ടാകുമെന്നുമായിരുന്നു ഇന്നലെ പുറത്തു വന്ന വാർത്തകൾ. (image: Instagram)

നിലവിൽ തന്റെ ആദ്യ ബോളിവുഡ് ചിത്രമായ ലൈഗറിന്റെ ഷൂട്ടിങ് തിരക്കുകളുമായി മുംബൈയിലാണ് വിജയ്. അനന്യ പാണ്ഡേയാണ് ചിത്രത്തിലെ നായിക. രശ്മികയും ബോളിവുഡ് അരങ്ങേറ്റത്തിനുള്ള ഒരുക്കത്തിലാണ്. സിദ്ധാർത്ഥ് മൽഹോത്ര നായകനാകുന്ന മിഷൻ മജ്നുവാണ് രശ്മികയുടെ പുറത്തിറങ്ങാനുള്ള ബോളിവുഡ് ചിത്രം.

മുംബൈയിലെ പ്രമുഖ ഹോട്ടലുകളിൽ രശ്മികയും വിജയും ഒന്നിച്ച് ഭക്ഷണം കഴിക്കാനെത്തിയതിന്റെ ചിത്രങ്ങളും നേരത്തേ പുറത്തു വന്നിരുന്നു. ഇതിനു പിന്നാലെ ഇരുവരും പ്രണയത്തിലാണെന്ന വാർത്തകളും കൂടുതൽ ശക്തമായി.

ഒടുവിൽ വിവാഹ വാർത്തയടക്കം വന്നപ്പോൾ വിഷയത്തിൽ മൗനം വെടിഞ്ഞിരിക്കുകയാണ് വിജയ്. ട്വിറ്ററിലൂടെയാണ് വിജയ് വാർത്തകളോട് പ്രതികരിച്ചത്.

രശ്മികയുമായുള്ള വിവാഹം എന്നുണ്ടാകുമെന്ന് പറയുമെന്ന് പ്രതീക്ഷിച്ച ആരാധകരെ വിജയ് നിരാശപ്പെടുത്തി. പ്രചരിക്കുന്ന വാർത്തകൾ അടിസ്ഥാനരഹിതമാണെന്നാണ് വിജയ് ആവർത്തിച്ചിരിക്കുന്നത്.

'പതിവു പോലെ അസംബന്ധം' എന്നാണ് വിജയ് ട്വിറ്ററിലൂടെ പ്രതികരിച്ചത്. അതേസമയം വിവാഹ വാർത്തയോട് മാത്രമാണോ താരം പ്രതികരിച്ചത് എന്ന് സംശയിക്കുന്നവരും കുറവല്ല.