Vijay Maadhhav | താരാട്ട് പാട്ടിൽ ഒരു ത്രിൽ ഇല്ല അച്ഛാ; ട്രാക്ക് മാറ്റ്; കുഞ്ഞിനെ ഉറക്കാൻ വിജയ് മാധവിന്റെ തന്ത്രം

ജനറേഷൻ മാറുംതോറും കുഞ്ഞുവാവകളുടെ ഇഷ്‌ടങ്ങൾക്കും അതിനൊത്ത് മാറ്റം സംഭവിക്കാറുണ്ട്. അതിലൊന്നാണ് എങ്ങനെ ഉറങ്ങണം എന്ന കാര്യത്തിലെ അവരുടെ നിലപാട്. ഏതു കാലഘട്ടമായാലും, അച്ഛന്റെയും അമ്മയുടെയും സൗകര്യത്തിന് ഉറങ്ങാൻ ഞങ്ങൾ റെഡി അല്ല എന്ന കാര്യം പൊതുവാണെങ്കിലും, എന്ത് ചെയ്താൽ ഉറങ്ങാൻ തയാറാകും എന്നതിൽ തീരുമാനം വ്യത്യസ്തമാണ്. അതാണ് കേവലം ദിവസങ്ങൾക്കു മുൻപ് അച്ഛനായ വിജയ് മാധവ് (Vijay Maadhhav)  ഇപ്പോൾ നേരിടുന്ന വെല്ലുവിളിയും. ചിത്രം കണ്ടില്ലേ?

ദേവിക നമ്പ്യാർക്കും വിജയ് മാധവിനും മകൻ പിറന്നു എന്ന വാർത്ത കുറച്ചു ദിവസങ്ങൾക്കു മുൻപേ വന്നിരുന്നു. കക്ഷി ഉറങ്ങാൻ പെടുന്ന പാടിനെക്കുറിച്ചാണ് ഈ അച്ഛന്റെ രോദനം. താരാട്ടിൽ ആൾക്ക് വലിയ ത്രിൽ ഇല്ലാത്തതു കാരണം, ട്രാക്ക് മാറ്റാതെ വേറെ വഴിയില്ല (തുടർന്ന് വായിക്കുക)

മകനെ കയ്യിലിരുത്തി കണ്ണടച്ച് പിടിച്ച് ശ്രീ ലതികകൾ... പാടുകയാണ് വിജയ് മാഷ്. ദേവികയുടെ ഗർഭകാലത്ത് മുഴുവൻ പാട്ടുപാടി കൊടുത്തതിന്റെ ഇമ്പാക്ട് ഒരുപക്ഷെ വിജയ് മനസിലാക്കുന്നത് ഇപ്പോഴാവും. അകത്തുള്ളയാൾ പുറത്തുവന്നതും ശുദ്ധസംഗീതം മസ്റ്റ് ആണ്, അതിനി ഉറങ്ങാൻ വേണ്ടിയാണെങ്കിൽ പോലും

'കൃത്യമായി പറഞ്ഞാൽ നാല് ദിവസമായി ഉറങ്ങിയിട്ട്. കുട്ടി മാഷിനെ ഉറക്കാൻ ഉള്ള പല തരത്തിലുള്ള പരീക്ഷണങ്ങൾക്കു ഒടുവിൽ ഞാൻ കണ്ടെത്തിയ മാർഗം. മിക്കവാറും ഉടനെ തന്നെ പെരുമ്പാവൂർ രവീന്ദ്രനാഥ് സർന്റെ വീട്ടിലേക്ക് കർണാടക സംഗീതം പഠിപ്പിക്കാൻ ഓടേണ്ടി വരും,' എന്ന് മകനെക്കുറിച്ച് അച്ഛന്റെ കമന്റ്

ഇനി പാടാൻ പറ്റാത്ത അവസരത്തിലും സംഗീതം എവിടെ നിന്നായാലും ഉറപ്പിച്ചതും ഒരു കാരണമാകും. പ്രസവിക്കാൻ ആശുപത്രിയിൽ കയറിയ ദേവിക ആറ്റുകാൽ അമ്പലത്തിലെ പൊങ്കാല ഉത്സവവുമായി ബന്ധപ്പെട്ട പാട്ടുമേളം കേട്ട് ആശുപത്രി മുറിക്കുള്ളിൽ ഇരിക്കുന്ന ദൃശ്യമാണിത്

പ്രസവം അടുക്കുന്നത് വരെ സ്റ്റുഡിയോ റെക്കോർഡിങ് സെഷനുകളും ഇരുവരും നടത്തിയിരുന്നു. 'നായിക'യായ ഭാര്യയും ഭർത്താവ് മാഷും ചേർന്നുള്ള വീഡിയോ പോസ്റ്റുകൾ ട്രെൻഡ് ആയി മാറിയിരുന്നു

മകൻ പിറന്ന വിശേഷം അറിയിച്ച വിജയ് മാധവും ഭാര്യയും ആദ്യമേ കുഞ്ഞിന്റെ മുഖം പുറത്തുവിട്ടിരുന്നില്ല. എന്നാൽ, ഫെയിക് ചിത്രങ്ങൾ പ്രചരിച്ചതോടു കൂടി ദേവികയുടെ കയ്യിലിരിക്കുന്ന കുഞ്ഞിന്റെ മുഖം ഇവർ പുറത്തുകാട്ടുകയായിരുന്നു