Vijay Maadhhav | 'അയാൾക്കെന്താ പണി? മാഷിന് ജോലിയും കൂലിയും ഇല്ലേ...' : ചോദ്യങ്ങൾക്ക് മറുപടി നൽകി വിജയ് മാധവ്

മകൻ ആത്മജ മഹാദേവ് പിറന്നത് മുതൽ അവന്റെ കാര്യങ്ങൾ നോക്കിനടത്തി, അതിനൊപ്പം പ്രിയപ്പെട്ട ആരാധകരുമായി സോഷ്യൽ മീഡിയ വഴി വിശേഷങ്ങൾ പങ്കിട്ടും തിരക്കിലാണ് ഗായകൻ വിജയ് മാധവും (Vijay Maadhhav) 'നായിക' എന്ന് വിളിക്കുന്ന അഭിനേത്രിയും അവതാരകയുമായ ഭാര്യ ദേവിക നമ്പ്യാരും (Devika Nambiar). കുഞ്ഞിന്റെ നൂലുകെട്ടും പേരിടീലും തൊട്ടിൽകെട്ടലും എല്ലാം വിജയ് മാധവ് ഫേസ്ബുക്ക് പേജിലൂടെ എത്തിച്ചുകഴിഞ്ഞു

എപ്പോഴും ഇങ്ങനെ വീട്ടുകാര്യവും, സോഷ്യൽ മീഡിയ പോസ്റ്റുകളുടെ തിരക്കിലുമായ വിജയ് മാധവിനോട് ചിലർക്കെങ്കിലും കുശുമ്പ് തോന്നാതെയില്ല. 'അയാൾക്കെന്താ പണി ... മാഷിന് ജോലിയും കൂലിയും ഇല്ലേ ... ഇങ്ങനെ കുട്ടിയേം കുളിപ്പിച്ച് നടക്കുന്നത് എന്തിനാ' തുടങ്ങി മറ്റൊരാളിന്റെ കാര്യത്തിൽ ഇടപെടലുകൾ നടത്തുന്നവർ വരിവച്ചപ്പോൾ വിജയ് മാധവ് മറുപടി കൊടുക്കാൻ നേരിട്ടെത്തി (തുടർന്ന് വായിക്കുക)

ദേവികയുടെ പ്രസവശുശ്രൂഷ കൂടി നടക്കുന്നതിനാൽ കുഞ്ഞിന്റെ കാര്യത്തിൽ വിജയ് മാധവ് ഏറെ ശ്രദ്ധ നൽകുന്നുണ്ട്. അതാണ് ഹേതു. ചോദിച്ചവർക്കു നല്ല രുചികരമായ ദോശ ചുട്ടു കൊണ്ട് തന്നെ വിജയ് മറുപടി നൽകി

വെളുപ്പിന് നാലര മണിയോട് കൂടി എഴുന്നേറ്റ് ചൂടുവെള്ളം കുടിച്ചു കൊണ്ടാണ് വിജയ് മാധവിന്റെ തുടക്കം. പിന്നെ പുസ്തക വായനയും പത്രവായനയും ചേർന്ന സമയം. ദേവിക പ്രസവ ശുശ്രൂഷ തുടങ്ങിയാൽ കുഞ്ഞിനെ ഉറക്കുന്നതും മറ്റും വിജയ് മാധവ് നോക്കിക്കോളും

മകൻ താരാട്ട് പാട്ട് പാടിയാൽ ഉറങ്ങുന്ന കൂട്ടത്തിലാണ്. പക്ഷെ തൊട്ടിലിൽ മണിക്കൂറുകൾ കിടത്തി ആട്ടിയാലേ ആൾക്ക് ഉറക്കം വരുള്ളൂവത്രെ. അക്കാര്യം വളരെ ക്ഷമയോടെ വിജയ് നടത്തിക്കൊടുക്കും

മേലെ പറഞ്ഞതുപോലെ ഇങ്ങനെയൊക്കെ കുറച്ചുപേർ ചോദിച്ചത് കൊണ്ട് ചെയ്ത ഒരു വീഡിയോ ആണ് എന്ന് വിജയ്. 'ഇപ്പൊ ഇതൊക്കെ തന്നെ പണി, വേണമെങ്കിൽ 'ഹൗസ് ഹസ്ബൻഡ്' എന്ന് വിളിക്കാം. വളരെ സന്തോഷത്തോടെ സമാധാനത്തോടെ ചെയ്തു പോകുന്നു' എന്നാണ് വിജയ്ക്ക് നൽകാനുള്ള ഉത്തരം

വിജയ് മാധവ്, ദേവിക നമ്പ്യാർ ദമ്പതികളുടെ ആദ്യത്തെ കുഞ്ഞാണ് ആത്മജ മഹാദേവ്. ഇരുവരും സോഷ്യൽ മീഡിയയിൽ സജീവമാണ്. വിജയ് മാധവിന്റെ പേജിലാണ് പോസ്റ്റുകൾ പ്രത്യക്ഷപ്പെടുക