Vijay Sethupathi | വിജയ് സേതുപതി ചെറുപ്പമായതെങ്ങിനെ? പുതിയ സെൽഫി ചർച്ചയാക്കി ആരാധകർ

മക്കൾ സെൽവൻ വിജയ് സേതുപതിയുടെ (Vijay Sethupathi) ഏറ്റവും പുതിയ സെൽഫി ചർച്ചയാക്കി ആരാധകർ. നടൻ തീരെ മെലിഞ്ഞ ലുക്കിൽ പ്രത്യക്ഷപ്പെട്ടതാണ് ചിത്രം ഇത്രയേറെ ചർച്ചയാവാൻ കാരണം. ഡി.എസ്.പി. എന്ന സിനിമയിലാണ് സേതുപതി ഏറ്റവും ഒടുവിലായി വേഷമിട്ടത്. ഇൻസ്റ്റഗ്രാമിൽ കഴിഞ്ഞ ദിവസം പ്രത്യക്ഷപ്പെട്ട ചിത്രത്തിന് താഴെ ആരാധകർ തുരുതുരെ കമന്റ് ചെയ്യുകയാണ്

ഒരു ഇമോജി മാത്രമാണ് സേതുപതി കമന്റ് ആയി നൽകിയിട്ടുള്ളത്. ചിത്രം ആവേശത്തോടു കൂടി ഫാൻസ്‌ ഷെയർ ചെയ്തു കഴിഞ്ഞു. ഇവർക്കുമറിയേണ്ടത് സേതുപതി എങ്ങനെ ഇത്രയും ചെറുപ്പമായി എന്നാണ് (തുടർന്ന് വായിക്കുക)

അടുത്തിടെ പുഷ്പ രണ്ടാം ഭാഗത്തിൽ വിജയ് സേതുപതി അഭിനയിക്കും എന്ന് വാർത്തയുണ്ടായിരുന്നു. എന്നാൽ അദ്ദേഹം ഷാരൂഖ് ഖാൻ ചിത്രം 'ജവാനിൽ' നെഗറ്റീവ് റോളിൽ പ്രത്യക്ഷപ്പെടും

'ഫാർസി' എന്ന സിനിമയിലൂടെ ബോളിവുഡ് പ്രവേശത്തിന് ഒരുങ്ങുകയാണ് സേതുപതി. രാജ്, ഡി.കെ. എന്നിവർ സംവിധാനം ചെയ്യുന്ന ചിത്രമാണിത്. ഷാഹിദ് കപൂർ, റാഷി ഖന്ന എന്നിവരാണ് പ്രധാന താരങ്ങൾ

ഈ ചിത്രം ആമസോൺ പ്രൈം വീഡിയോയിൽ റിലീസ് ചെയ്യും. കത്രീന കൈഫ് അഭിനയിക്കുന്ന 'മെറി ക്രിസ്മസ്' എന്ന സിനിമയിലും വിജയ് സേതുപതി വേഷമിടും

തമിഴ് ചിത്രമായ 'മാനഗരം' റീമേക്കിലും വിജയ് സേതുപതി ഭാഗമാണ്. 'മുംബൈക്കർസ്' എന്ന പേരിലാണ് ഈ ചിത്രം റിലീസ് ചെയ്യുക. 'വിക്രം' സിനിമയിലെ സന്ദനം എന്ന കഥാപാത്രം ഏറെ ശ്രദ്ധ നേടിയിരുന്നു