Vineeth Sreenivasan | അച്ഛന്റെ ആഗ്രഹത്തിന് ഭരതനാട്യം പഠിക്കാൻ പോയി; ശേഷം സംഭവിച്ചതിനെക്കുറിച്ച് വിനീത് ശ്രീനിവാസൻ

കുറച്ചു ദിവസങ്ങൾക്ക് മുൻപാണ് നടൻ ശ്രീനിവാസൻ (Sreenivasan) വീണ്ടും ക്യാമറയ്ക്ക് മുന്നിൽ വരുന്നു എന്ന വാർത്ത പുറത്തുവന്നത്. ആരോഗ്യപ്രശ്നങ്ങൾ മൂലം ചികിത്സയിൽ കഴിയുകയും ശേഷം വീട്ടിൽ വിശ്രമത്തിലുമായിരുന്നു അദ്ദേഹം. മകൻ വിനീതും (Vineeth Sreenivasan) വേഷമിടുന്ന ചിത്രത്തിലൂടെയാണ് മടങ്ങിവരവ്. കഴിഞ്ഞ ദിവസം സിനിമയുടെ പൂജാ ചടങ്ങിന് ആരോഗ്യവാനായ ശ്രീനിവാസൻ പങ്കെടുത്തിരുന്നു

വിനീത് ആകട്ടെ തന്റെ ഏറ്റവും പുതിയ സിനിമയായ 'മുകുന്ദൻ ഉണ്ണി അസ്സോസിയേറ്റ്സിന്റെ' തിരക്കിലുമാണ്. ചിത്രം നവംബർ 11ന് റിലീസാകാൻ കാത്തിരിക്കുന്ന വേളയിൽ പ്രൊമോഷൻ അഭിമുഖങ്ങളിൽ വിനീത് സജീവമാണ്. അത്തരമൊരു അഭിമുഖത്തിൽ താൻ ഭരതനാട്യം പഠിക്കാനുണ്ടായ സാഹചര്യത്തെക്കുറിച്ച് വിനീത് വാചാലനായി (തുടർന്ന് വായിക്കുക)

മികച്ച തിരക്കഥയും അഭിനയവും കൈമുതലായി ഉണ്ടെങ്കിലും ശ്രീനിവാസൻ ഉൾപ്പെടുന്ന ചില മലയാള ചലച്ചിത്ര നടന്മാർ ഡാൻസിന്റെ കാര്യത്തിൽ അത്ര പ്രാവീണ്യമുള്ളവരല്ല. മാർഗഴിയേ മല്ലികയേ... എന്ന ഗാനം മാത്രം മതി ഉദാഹരണമായി ചൂണ്ടിക്കാണിക്കാൻ. ഡാൻസിൽ കിടിലം അല്ലെങ്കിലും മമ്മൂട്ടിയും മത്സരിച്ചു ഡാൻസ് ചെയ്ത രംഗമാണിത്

അതുകൊണ്ട് മക്കൾ രണ്ടുപേരെയും അദ്ദേഹം നൃത്തവും പാട്ടും പഠിപ്പിച്ചു. വിനീത് ഭരതനാട്യം പഠിച്ചപ്പോൾ, ധ്യാൻ പാട്ട് ക്‌ളാസ്സിലും ചേർന്നു. രണ്ടുപേരെയും പഠിപ്പിക്കാൻ ടീച്ചർമാരെത്തി

ഭരതനാട്യം പഠിക്കുമ്പോൾ കഴുത്ത് വശങ്ങളിലേക്ക് അനങ്ങാൻ വിനീതിന് പ്രത്യേകം പരിശീലനം കിട്ടി. അതിനായി പൂഴി തലയിൽ വയ്ക്കുന്ന ഒരു പ്രയോഗമുണ്ട്. അങ്ങനെ ചെയ്തശേഷം എന്തുണ്ടായി എന്ന് വിനീത് പറയും

പൂഴി മറിഞ്ഞുവീണു എന്നല്ലാതെ കഴുത്തിന് ഒരു വ്യത്യാസമുണ്ടായില്ല ഒടുവിൽ പഠിപ്പിച്ച ടീച്ചർക്കും കാര്യം പിടികിട്ടി എന്ന് വിനീത്

കഴിഞ്ഞ ദിവസം ഷൂട്ടിംഗ് ആരംഭിച്ച ചിത്രത്തിന്റെ സെറ്റിൽ ശ്രീനിവാസനും ഭാര്യ വിമലയും മറ്റഭിനേതാക്കളും അണിയറപ്രവർത്തകരും