Vineeth Sreenivasan | വിനീത് ഭാര്യയ്ക്ക് അയച്ച മെസ്സേജ്; വ്യക്തമായ ഇംഗ്ളീഷിൽ മറുപടിയുമായി ആറു വയസുകാരൻ മകൻ

നടനും സംവിധായകനും ഗായകനുമായ വിനീത് ശ്രീനിവാസന്റെ (Vineeth Sreenivasan) വീട്ടിലെ കുട്ടിപ്പട്ടാളമാണ് മകൻ വിഹാനും മകൾ ഷനായയും. വിഹാൻ മൂത്തയാളും മകൾ ഇളയകുട്ടിയുമാണ്. സിനിമാ തിരക്കുകളിൽ വിനീത് മുഴുകുമ്പോൾ ഭാര്യ ദിവ്യയ്ക്കാണ് വീടിന്റെ ചുമതലയും മക്കളുടെ മേൽനോട്ടവും. രണ്ടു ചെറിയ കുഞ്ഞുങ്ങൾ ആയതിനാൽ ഇവരുടെ വികൃതിക്കു പിന്നാലെ ഓടുന്നത് ചില്ലറ പണിയൊന്നുമാകില്ല

ഇന്ന് വിനീത് എത്തിച്ചേർന്നത് രസകരമായ ഒരു പോസ്റ്റുമായാണ്. വിനീത് ഭാര്യയ്ക്ക് ഫോണിൽ സന്ദേശമയച്ചപ്പോൾ തിരിച്ചു കിട്ടിയ മറുപടിയാണ് ആ പോസ്റ്റിലെ ഉള്ളടക്കം (തുടർന്ന് വായിക്കുക)

വിനീതിന്റെ ഒപ്പം പഠിച്ച കൂട്ടുകാരിയാണ് പിന്നീട് ജീവിത സഖിയായ ദിവ്യ. 'ഹൃദയം' സിനിമയിൽ ഒരു ഗാനം ആലപിച്ച് ദിവ്യ പിന്നണി ഗായികയുമായി. വിവാഹ വേദികളിൽ ഈ ഗാനം ഹിറ്റായി മാറിയിരുന്നു

കണ്ണൂരിൽ വിമാനമിറങ്ങിയ ദിവസത്തെ വിശേഷമാണ് വിനീതിന്റെ പോസ്റ്റിൽ. എത്താറായി എന്ന് വിനീത് പലകുറി മെസ്സേജ് ഇട്ടിരുന്നു. ഒരു മെസേജിന് അപ്പോൾ തന്നെ മറുപടിയും ലഭിച്ചു. അതിന്റെ പിന്നിൽ ആറു വയസിലേക്ക് പ്രവേശിക്കുന്ന ഈ കുട്ടിക്കുറുമ്പനാണ്. നല്ല ഇംഗ്ളീഷിലാണ് മകന്റെ മറുപടി 

വിനീത്, നിത്യ ഒ.കെ. ആണ്. വിശ്രമിക്കുകയാണ് എന്നായിരുന്നു മറുപടി ലഭിച്ചത്. ദിവ്യയെ വീട്ടിൽ നിത്യ എന്നാണ് വിളിക്കുന്നത്

മെസ്സേജ് മകന്റേതായിരുന്നു എന്ന് വിനീത് മനസിലാക്കിയത് പിന്നീടാണ്. കുഞ്ഞുങ്ങൾ എത്ര വേഗം വളരുന്നു എന്ന കാര്യം തനിക്കിപ്പോഴും ഗ്രഹിക്കാൻ പ്രയാസമാണെന്ന് വിനീത്

വിനീത് ശ്രീനിവാസൻ പോസ്റ്റ് ചെയ്ത മെസ്സേജിന്റെ സ്ക്രീൻഷോട്ട്. അഹാന കൃഷ്ണ, കല്യാണി പ്രിയദർശൻ, വിജയ് യേശുദാസ്, രചന നാരായണൻകുട്ടി തുടങ്ങിയവർ ഈ മനോഹരമായ പോസ്റ്റിന് കമന്റ്ചെയ്തിരിക്കുന്നു