Vineeth Sreenivasan | 'ചില രാത്രികളിൽ കണ്ണടച്ച് ഉറക്കം നടിക്കുമ്പോൾ അവൾ എന്റെ കാതുകളിൽ ഇങ്ങനെ മന്ത്രിക്കും...' ഭാര്യയ്ക്ക് സ്നേഹത്തിൽ ചാലിച്ച കുറിപ്പുമായി വിനീത് ശ്രീനിവാസൻ

പഠന കാലത്തെ പ്രണയത്തിൽ നിന്നും വിനീതും (Vineeth Sreenivasan) ദിവ്യയും ആരംഭിച്ച ജീവിതം 11 ആണ്ട് പിന്നിട്ടിരിക്കുന്നു. ഒപ്പം രണ്ടു കുരുന്നുകളും. വിഹാൻ എന്ന മകന്റെയും ഷനായ എന്ന മകളുടെയും അച്ഛനമ്മമാർ ആണിവർ. എന്നാൽ ഇവരുടെ പ്രണയത്തിന് പ്രായം 19 ആയി. ഈ വേളയിൽ ദിവ്യയ്ക്ക് ഹൃദയത്തിൽ തൊടുന്ന ഒരു ഇൻസ്റ്റഗ്രാം കുറിപ്പുമായി വിനീത് വരുന്നു

'മാർച്ച് 31.. ദിവ്യയും ഞാനും 19 വർഷമായി ഡേറ്റിംഗിലാണ്. എന്റെ ജീവിതത്തിന്റെ വലിയൊരു ഭാഗം, എന്റെ ഓർമ്മകൾ എല്ലാം അവളുമായി ബന്ധപ്പെട്ടിരിക്കുന്നു. ഞങ്ങൾ കൗമാരത്തിൽ കണ്ടുമുട്ടുകയും അന്നുമുതൽ ഒന്നിച്ച് നിൽക്കുകയും ചെയ്തു. തികച്ചും വ്യത്യസ്തരായ രണ്ട് ആളുകൾക്ക് ഇതുപോലെ ഒരുമിച്ചു സഞ്ചരിക്കാൻ കഴിയുന്നത് തന്നെ അതിശയകരം (തുടർന്ന് വായിക്കുക)

അവൾ ഒച്ചപ്പാട് ഇഷ്ടപ്പെടുമ്പോൾ ഞാൻ സമാധാനവും സ്വസ്ഥതയും ഇഷ്ടപ്പെടുന്നു. അവൾ വെജിറ്റേറിയനാണ്, എന്നെ സംബന്ധിച്ചിടത്തോളം നോൺ വെജ് ഇല്ലാതെ ഒരു ദിവസം പോലും കടന്നുപോകുന്നില്ല. അവൾ എല്ലാത്തിനും അടുക്കും ചിട്ടയുമുള്ളവളാണ്, ഞാൻ നേരെ തിരിച്ചും...

അവളുടെ സ്ട്രീമിംഗ് വാച്ച് ലിസ്റ്റിൽമിക്കവാറും ഡാർക്ക്, അല്ലെങ്കിൽ കടുപ്പമേറിയ ചിത്രങ്ങളാണ്. എനിക്കിഷ്‌ടം സ്റ്റാൻഡ്-അപ്പുകൾ, സിറ്റ്-കോം, ഫീൽ ഗുഡ് എന്നിവയും...

ചിലപ്പോൾ രാത്രിയിൽ ഞാൻ കണ്ണടച്ച് ഉറങ്ങുന്നതായി നടിക്കുമ്പോൾ "ഒന്നും ഓർത്ത് വിഷമിക്കരുത്, വിനീത് ഉറങ്ങാൻ ശ്രമിക്കൂ" എന്ന് ദിവ്യ എന്റെ കാതുകളിൽ മന്ത്രിക്കും...

ഞാൻ ഉറങ്ങുകയല്ലെന്ന് നിനക്ക് എങ്ങനെ അറിയാം? എന്ന് ഞാൻ അവളോട് ചോദിക്കും. അപ്പോൾ അവൾ പറയും, 'ശ്വാസത്തിൽ നിന്ന്. നിങ്ങൾ യഥാർത്ഥത്തിൽ ഉറങ്ങുമ്പോൾ ശ്വാസത്തിന്റെ താളം വ്യത്യസ്തമാണ്". ഈ ചെറിയ കാര്യങ്ങൾ അവൾ എങ്ങനെ ശ്രദ്ധിക്കുന്നു, എനിക്ക് മനസിലാകുന്നില്ല! ആശംസകൾ, ദിവ്യ !!'

വിനീതും ദിവ്യയും അവരുടെ മക്കളും ചേർന്നൊരു റെസ്റ്റോറന്റ് സന്ദർശനത്തിനിടയിൽ

വിനീത് സംവിധാനം ചെയ്ത 'ഹൃദയം' എന്ന സിനിമയിൽ ദിവ്യ പിന്നണി ഗായികയായിരുന്നു. ഇതിലെ ഒണക്ക മുന്തിരി... എന്ന ഗാനത്തിലെ സ്ത്രീശബ്ദം ദിവ്യയുടേതാണ്