മധ്യപ്രദേശിലെ VVIP വൃക്ഷം; 24 മണിക്കൂറും സുരക്ഷാ ഗാർഡുകൾ; പരിപാലനത്തിനായി ഒരു വർഷം ചെലവിടുന്നത് 15 ലക്ഷം രൂപ
മധ്യപ്രദേശിലെ റെയ്‌സനിലെ സലാമത്പൂരിൽ, ഒരു വൃക്ഷത്തെ സംരക്ഷിക്കാൻ 24 മണിക്കൂറും കാവൽക്കാരെ നിയോഗിച്ചിരിക്കുന്നു. അതിന്റെ ഒരു ഇലപോലും വീണാൽ, ഭരണകൂടം ഇളകും. ഈ മരം വളരെ പ്രാധാന്യമർഹിക്കുന്നതിനാൽ 15 ദിവസത്തിലൊരിക്കൽ വൈദ്യപരിശോധനയ്ക്ക് വിധേയമാക്കുന്നു.
ഇത് ഒരു ബോധി വൃക്ഷമാണ്. 2012 സെപ്റ്റംബർ 21 ന് അന്നത്തെ ശ്രീലങ്കൻ പ്രസിഡന്റ് മഹിന്ദ രാജപക്സെയാണ് ഇത് നട്ടത്. ബുദ്ധമതത്തിൽ ഇതിന് പ്രത്യേക പ്രാധാന്യമുള്ളതിനാൽ ഇത് സംരക്ഷിക്കപ്പെടുന്നു. ഈ വൃക്ഷത്തിൻ കീഴിലാണ് ബുദ്ധൻ ജ്ഞാനോദയം നേടിയതെന്ന് പറയപ്പെടുന്നു. ഇത് മാത്രമല്ല, അശോക ചക്രവർത്തിയും സമാധാനം തേടി പോയതും ഈ വൃക്ഷത്തിന്റെ ചുവട്ടിൽ നിന്നാണത്രെ.
ഈ മരത്തിന് ചുറ്റും 15 അടി ഉയരത്തിൽ കമ്പി വേലി സ്ഥാപിച്ചിട്ടുണ്ട്. മരത്തെ ആരും ഉപദ്രവിക്കാതിരിക്കാൻ രണ്ട് കാവൽക്കാർ 24 മണിക്കൂറും കാവൽ നിൽക്കുന്നു. സാഞ്ചി മുനിസിപ്പൽ കൗൺസിൽ, പോലീസ്, റവന്യൂ, ഹോർട്ടികൾച്ചർ വകുപ്പുകൾ എന്നിവരുടെയെല്ലാം നിരന്തരമായ നിരീക്ഷണത്തിലാണ് ഈ ബോധി വൃക്ഷം. ഈ മരത്തിന്റെ ഒരു ഇലപോലും വീണാൽ ഉദ്യോഗസ്ഥർ ഉടൻ സ്ഥലത്തെത്തും. 15 ദിവസത്തിലൊരിക്കൽ വൈദ്യപരിശോധന നടത്തിയതിനു ശേഷം വളവും വെള്ളവും ക്രമീകരിക്കുന്നു.
റെയ്‌സൻ ജില്ലയിലെ ഒരു വിനോദ സഞ്ചാര കേന്ദ്രമാണ് സാഞ്ചി. വർഷങ്ങൾക്ക് മുമ്പ് ഇവിടെ ബുദ്ധ സർവകലാശാല സ്ഥാപിക്കപ്പെട്ടു. ഈ ബോധി വൃക്ഷം നട്ടുപിടിപ്പിച്ചത് ഈ സർവ്വകലാശാലയുടെ കുന്നിലാണ്. ആ സമയത്ത് മുഖ്യമന്ത്രി ശിവരാജ് സിംഗ് ചൗഹാനും ശ്രീലങ്കയുടെ അന്നത്തെ പ്രസിഡന്റ് മഹിന്ദ രാജപക്‌സയ്‌ക്കൊപ്പമുണ്ടായിരുന്നു. ഈ മരത്തിന്റെ സംരക്ഷണത്തിനായി സർക്കാർ ഇതുവരെ ലക്ഷക്കണക്കിന് രൂപ ചെലവഴിച്ചിട്ടുണ്ട്.
