'ആ നിമിഷം ഗൗരി മരിച്ചു പോകുമോ എന്ന് പേടിച്ചു'; ഭാര്യയെ കുറിച്ച് ഷാരൂഖ് ഖാൻ

ബോളിവുഡ് കിംഗ് ഖാൻ ഷാരൂഖിന്റെ പ്രണയവിവാഹത്തെ കുറിച്ച് അറിയാത്ത ആരാധകർ ഉണ്ടാകില്ല. ഗൗരി ഖാനെ ആദ്യം കണ്ടത് മുതൽ വിവാഹം വരെയുള്ള കാര്യങ്ങളെല്ലാം പല അഭിമുഖങ്ങളിൽ ഷാരൂഖ് തന്നെ പറഞ്ഞിട്ടുണ്ട്. (Image: Instagram)

ബോളിവുഡിലെ രാജാവായി തുടരുമ്പോഴും ഭാര്യയും കുടുംബവുമാണ് തന്റെ ലോകമെന്ന് അദ്ദേഹം പല വേദികളിൽ പറഞ്ഞു. ഒരിക്കൽ ഭാര്യ നഷ്ടപ്പെട്ടു പോകുമോ എന്ന് ഭയപ്പെട്ടതിനെ കുറിച്ചും ഷാരൂഖ് പറഞ്ഞിരുന്നു.

ആശുപത്രികളും ആശുപത്രി വാസവും ഇഷ്ടമില്ലാത്തയാളാണ് ഷാരൂഖ്. അതിന് കാരണവുമുണ്ട്. ഷാരൂഖിന്റെ പതിനഞ്ചാം വയസ്സിലാണ് അദ്ദേഹത്തിന്റെ പിതാവ് മരണപ്പെടുന്നത്. ഇരുപത്തിയാറാം വയസ്സിൽ മാതാവിനേയും നഷ്ടമായി. ഇരുവരും ആശുപത്രിയിൽ വെച്ചായിരുന്നു മരണപ്പെട്ടത്. 9image: Instagram)

ജീവതത്തിൽ ഏറ്റവും പ്രധാനപ്പെട്ട രണ്ട് ആശുപത്രിയിൽ വെച്ച് നഷ്ടമായതിന്റെ വേദനയാണ് ആശുപത്രിയെ ഇഷ്ടപ്പെടാതിരിക്കാൻ കാരണം. ഇതുപോലെ ഭാര്യ ഗൗരിയേയും ആശുപത്രിയിൽ വെച്ച് നഷ്ടമാകുമോ എന്ന് ഭയന്നതിനെ കുറിച്ചാണ് മുമ്പൊരു അഭിമുഖത്തിൽ എസ്ആർകെ വെളിപ്പെടുത്തിയത്. (image: Instagram)

ഷാരൂഖിന്റേയും ഗൗരിയുടേയും മൂത്ത മകൻ ആര്യന് ജന്മം നൽകാനായി ആശുപത്രിയിൽ എത്തിയപ്പോഴായിയിരുന്നു സംഭവം. സിസേറിയനിലൂടെയാണ് കുഞ്ഞ് ജനിച്ചത്. ഓപ്പറേഷൻ തിയേറ്ററിൽ ഗൗരിക്കരികെ ഷാരൂഖും ഉണ്ടായിരുന്നു. (Image: Instagram)

ഒരു നിമിഷം ഗൗരിയുടെ ആരോഗ്യനില വഷളായി. അവർ വല്ലാതെ ദുർബലയായിരുന്നു. അതിന് മുമ്പ് ഗൗരിയെ ഇത്രയധികം തളർന്ന് താൻ കണ്ടിരുന്നില്ല. അസുഖം ബാധിച്ച നിലയിൽ ഒരിക്കൽ പോലും ഗൗരിയുണ്ടായിരുന്നില്ല. ആശുപത്രിയിൽ ട്യൂബുകളും മറ്റും ഘടിപ്പിച്ച നിലയിലായിരുന്നു ഗൗരി. (Image: instagram)

വല്ലാത്തൊരു അവസ്ഥയിലായിരുന്നു ഗൗരി. ശരീരമൊക്കെ തണുത്തിരിക്കുന്നു. ഗൗരി മരിച്ചുപോകുമെന്ന് ഞാൻ പേടിച്ചു പോയ നിമിഷമായിരുന്നു അത്. ഞങ്ങൾക്ക് ജനിക്കാൻ പോകുന്ന കുഞ്ഞിനെ കുറിച്ചു പോലും ആ നിമിഷം താൻ ആലോചിച്ചിട്ടില്ല. അതായിരുന്നില്ല തനിക്ക് പ്രധാനം. ഗൗരിയെ കുറിച്ച് മാത്രമായിരുന്നു തന്റെ ആലോചന. (Image: Instagram)

ഗൗരി വല്ലാതെ വിറയ്ക്കുന്നുണ്ടായിരുന്നു. കുഞ്ഞിന് ജന്മം നൽകുമ്പോൾ മരിക്കില്ലെന്ന് തനിക്ക് അറിയാം. പക്ഷേ, എന്നിട്ടും താൻ പേടിച്ചു പോയെന്നും ഷാരൂഖ് ഖാൻ പറഞ്ഞു. 1998 ൽ റെഡ്ഡിഫ് അഭിമുഖത്തിലാണ് ഷാരൂഖ് ഇക്കാര്യം പറഞ്ഞത്. (Image: Instagram)

ഒക്ടോബർ 25ന് മുപ്പതാം വിവാഹ വാർഷികം ആഘോഷിക്കാൻ ഒരുങ്ങുകയാണ് ഷാരൂഖും ഗൗരി ഖാനും. 1997 നവംബർ 13 നാണ് ഇവരുടെ മൂത്ത മകൻ ആര്യൻ ജനിക്കുന്നത്. മകൾ സുഹാന 2000 മെയ് 22 നും ഇളയ മകൻ അഭ്റാം 2013 മെയ് 27 നുമാണ് ജനിച്ചത്. (Image: Instagram)